الجزء 20
تصدمنا انا وايمن .. يعني ولد انيس سميتو اكرم .. تفكير ذكي من ايمن .. حاجة باينة الابن يكون كيشبه لباه..
- قولينا فين ممكن نلقاو كرم ..
- منكدبش عليكم .. كرم هادي عامين باش غادر الملجأ .. كان ولد ضريف بزاف وكلشي كان عزيز عليهم .. ولكن القوانين هي هادي .. ممكن يكون خدام هنا فالمدينة .. قلبو وسولو يمكن تلقاوه..
ليان : حتى كنقولو صافي لقيناه كنتصدمو
ايمن : على الاقل دابا ولا عندنا اسمه .. وعارفين باللي كيشبه للباه ..
المدير : انا عندي صورة ليه مللي كان هنا .. يمكنلي نعطيهالكم تعاونكم .. نتمنى يتلقى بالعائلة ديالي حيت اكرم انسان نقي وضريف بزاف ..
ايمن : كنشكرك بزاف على التعاون ديالك معانا ..
خرجنا من الملجأ بقينا كنتمشاو شوية .. حرت معرفتش شكون غانسوله .. بدينا كنسوله الناس واش كيعرفو هاد الدري حتى واحد معرفو .. حتى لقينا واحد الدري غا شافو وهو يقولينا اه اكرم عرفتو ..
- بالصح فين يمكنلينا نلقاوه ..
- شفتو جا مع واحد الدري واحد المرة لعب معانا الكورة .. ضريف بزاف هاد اكرم ..
- شكون هاد الدري وفين كيسكن
- داك الدري كيسكن فإمزورن .. انا غانعطيكم نمرتو .. يقدر يكون اكرم معاه ..
- شكرا بزاف ..
خدينا النمرة ديال داك الدري وصونينا ليه فورا
- الو خويا لاباس عليك
- الو شكون معايا
- خويا بغينا نسولوك الا جات على خاطرك على اكرم واش راه معاك .. حنا من عائلته ..
- اكرم ... سمحلي اسيدي اكرم مابقاش فالحسيمة .. مشا يخدم فطنجة ..
- شنووو 😞
- هادي ثلاثة شهور مشا هو وشي دراري لطنجة .. ومغايجي للحسيمة حتى يشد كونجي ..
- واش ممكن تعطيني نمرة او عنوان ليه .. ضروري خاصنا نوصلو ليه ..
- اكيد طبعا .. اكرم حلم حياتو كان يلقى عائلته .. غانفرح بزاف الى لقاهم ..
خدينا العنوان والنمرة من داك السيد .. سبحان الله شحال بعدوه على امه والقدر غايجمعو بيها رغم المسافة .. صونيناليه قلبي كان كيضرب حتى سمعت صوته .. كنت غانطيح نفس صوت انيس .. سبحان الله نسخة عن ابيه .. جاوبنا ..
- اكرم؟
- هو هادا شكون معايا ..
- واش ممكن نتلقاو معاك نهضرو على موضوع كيخص عائلتك
سكت شوية وهو يهضر .. واخا فين ممكن نتلقاو
- حنا جينا قلبنا عليك فالحسيمة قالولينا راك فطنجة .. غدا غانكونو تما ونجيو لمحل السكنى ديالك .. راه عطا لينا صاحبك العنوان ..
- مرحبا انا غانستناكم ..
ترى واش غايرجعو من جديد الاملاك ديال انيس لولده .. ترقبو احداث نهاية القصة فالاجزاء التالية dodi elaissati
0 Commentaires