الجزء 19
رجعت بيا الذاكرة ل عشر سنين لور .. مللي كنت كنعقد صفقات خيالية .. وكنمارس فيها ذكائي .. مكانش شي واحد اللي منصبتش عليه ولكن اني ننصب على احد اكبر اباطرة المخدرات هي اللي مكان حتى واحد يفكر فيها .. واللي تسببتليه بدخول السجن .. كان باغي يبيض امواله فاقترحت عليه اوراق ياناصيب رابحة تمكنو من ادخال امواله .. بطريقة قانونية .. ولكن ما لم يكن بالحسبان وبعد الاموال الهائلة اللي دوزها لحسابي .. حصل على اوراق مزورة تسببات فحصوله عليها الحجز عليه وادخاله السجن .. طالما كان ذكائي منقذ ليا واللي بعدو استطعت اني نملك النفوذ ديال عصابتنا ونولي فيها البيغ بوص ... منذ ذلك الوقت والسي لقمان حالف ليا .. بمجرد ما دخلت المغرب كان فانتظاري ..
- طبعا .. وشكون ينسى سبب وصولي لامريكا ..
- بوص نتا خاصك تهرب من تما وترجع ..
- مستحيل .. انا خاصني نشري الارض .. باش نبدا المشروع ..
- ولكن فيه خطر على حياتك
- متخممش .. انا غانقدر نعتق راسي ..
- المهم المزرعة غاتكون أمنة ليك حسن من الشقة .. تما الحراس ديالنا .. سير تما حسن
- فكرة زوينة .. ومنه نقدر نلقى راحتي مع هاد الفرسة الجامحة ..
ساليت المكالمة مع سنان ومشيت ندق على لالاهم جوديا الدلوعة ديال ماماها ..
- الالة .. واش غاتباتي تما .. خرجي دغيا خاصنا نخرجو من هنا ..
قربات من حدا الباب وبدات تهضر ..
- انا مغانمشي معاك لحتى بلاصة .. سير بوحدك انا كنعرف ندافع على راسي ..
- ماشي وقت لفشوش دابا .. انا مغانخليكش هنا بوحدك ..
- واش كنتي واصي عليا وانا مافخباريش .. سير بحالك قلتلك انا مخارجاش ..
- الى مفتحتي الباب انا غانهرسو .. غانحسب حتى 3 .. انا غانهرسو 1,2,3 ..
حتى تأكدت باللي بعدات من حدا الباب جبدت الفردي ضربت اليد دالباب حتى تفتحات .. لقيتها لاصقة للحيط وهازة الفردي ديالها ومصوباه باتجاهي .. وليت كنخوفها هاهاه
- واش انا كنهضر بالشينوية .. بغيتي نهضر بالدارجة باش تفهميني ..
بدلت اللغة ديالي من انجليزية لدارجة بدات كتلعثم .. تصدمات مللي لقاتني كنهضر الدارجة بطلاقة ..
- كتهضر بالعربية .. ام كيفاش حتى قدرتي ..
- ماشي وقته .. المهم دابا خاصنا نهربو من هنا ..
- لا ماغانمشي معاك لحتى بلاصة .. بغيت نبقى هنا .. سير بحالك ..
بقيت كنقرب منها وهي كتهضر حتى غفلتها وحيدت ليها الفردي من يدها ..
- اش كادير .. شنو بغيتي مني ..
- سمحيلي احياتي معنديش الوقت اللي نشرحليك فيه .. زيدي قدامي ..
تمشات قدامي .. وبسرعة ضربتها طاحت فقدات الوعي .. " سمحيلي احبيبة ولكن مكانش عندي شي حل اخور من غير هادا .. هزيتها فوق كتفي .، ونزلت بسرعة للكراج .. حليت الطوموبيل وحطيتها فيها .. ركبت بسرعة .. وكسيريت .. باتجاه المزرعة .. تأليف دودي العيساتي وجوهرة مريم
0 Commentaires