الجزء 20
وصلنا للمزرعة ولالة جوديا مازال مافاقت .. دخلت لقيت الحراس كيتسناوني .. هزيتها وطلعتها للبيت .. حطيتها فوق الناموسية وغطيتها .. جيت نخرج وانا نوقف .. شيء غريب جذبني نشوف فيها وهي فاقدة الوعي .. عينيها وهي مغمضاهم .. كتفكرني بياقوت حتى فالشدة دالفم ديالها .. سبحان الله واش انا بقوة ما مولع بياقوت وليت كنشوفها فأي شخص ..قربت ليها وبديت ندوز ليها على شعرها .. دوزت بصباعي على وجهها الرطب حتى وصلت لفمها .. ماقدراش نشد راسي حتى لقيت راسي كنبوسها بلطف .. تفكرت للحظة شراستها معايا وهي كتقاوم تقربي منها .. ضحكت ونضت .. اش هادشي اليث واش غاتبغيها ولا شنو ..نتا كتقرب منها غير على قبل الانتقام لا اكثر .. نتا بغيتي مرة وحدة فحياتك .. وصافي .. مغاتبغيش شي حد اخور .. فيق وشد راسك .. نتا خاصك تطيحها ماشي هي اللي تطيحك فشباكها .. خرجت من للبيت وسديت مورايا الباب ..
.. من جهة عند ياقوت ..
فقت لقيت راسي فالناموسية .. فين انا اي راسي .. شنو واقع .. تفكرت بأني كنت حابسة راسي فالبيت من هاداك المخبول اللي هرس عليا الباب .. وبدا يهضر بالدارجة .. مفيوزي صحيح كيعرف كل اللغات .. وبعدها ضربني .. اش بغا مني واش هاد البلاصة اللي جابني ليها .. نضت بسرعة باش نشوف شنو كاين .، حتى السلاح ديالي مابقاش عندي .. انا جيت على مهمة للمغرب صدقت باقية هنا .. حليت الباب وخرجت نقلب عليه لقيتو جالس وحاط رجليه على الطبلة ..
- هااي نتا .. لاش جايبني هنا .. وشكون نتا ..
- صباح الخير الزويونة لاباس عليك .. والو غا بغيتك تونسيني ..
- متونسني منونسك .. فين كنعرفك .. واجي كيفاش حتى كتعرف تهضر الدارجة ..
- هههه .. ماشي حاجة صعيبة .. اجي جلسي تاكلي ..
- مابغيتش ناكل انا غانمشي بحالي ..
خرجت وخليتو وهو ماناضش يتبعني .. لقيت راسي فمزرعة كبيييرة ومحيطة بسياج كبير .. خوفاتني هاد البلاصة .. مشيت نخرج وانا ملقا شي بوديكاردات قد الصخط .. واقفين فالباب مهضروش ومخلاونيش نخرج .. الله يا ربي اش غاندير .. رجعت عندو ..
- هااي نتا .. خليني نمشي من هنا ..علاش حابسني شنو باغي مني ..
- انا الالة مابغيت والو .. نتي اللي ماقادراش على البعد ديالي وتابعاني حتى المغرب
- واش مكتفهمش .. نتا اللي تابعني انا هادي رها بلادي ..
- حتا انا راها بلادي ..
تصدمت مللي نطقها .. شناهواا .. واش كاين شي مغريبي سميتو جوكي ..
- انا سميتي يوسف .. وفامريكا كانو يقولولي جو .. حتى لصقوها ب كي نسبة للهوكي حيت كنعرف نلعبو .. ومنها جات جوكي ..
- واش بغيتي تصطيني .. اش كتخربق .. شكون نتا وشنو بغيتي مني ..
- بغيتك نتي ..
- 😳
بدا كيقرب مني وانا كنبعد وكنرجع اللور حتى لصقني مع الحيط .. وايلي هادا باينة غايغتصبني هنا .. بدا كيقرب حتى حسيت بالنفس ديالو كيلامس عنقي .. شوية وهو يهضر ..
- بغيتي تركبي الخيل ؟
حركت راسي بالايجاب ..
- اجي نديرو دورة ..
بعد مني وتمشا ودار عندي وهو كيضحك وغمزني .. ديك الغمزة عصباتني كأن فيها رسالة صريحة انه متلكني واني كنولي ضعيفة وكنستسلم معاه .. هادشي مايمكنش انا ماضعيفاش .. مغانخليهش يمتلكني .. اش هادشي كيوقعلي .. مولفتش الضعف مع الرجال ..ولكن هادا مختلف بزاف .. تأليف دردي العيساتي وجوهرة مريم
0 Commentaires