الجزء 16
الغد ليه مشينا مع لجنة تتبع التراث والاثار .. شدينا الطريق للقصر .. لقيت طوموبيلتي فبلاصتها وكما خليتها داك النهار .. دخلنا .. خليتهم ملهيين وحاولت نتدكر البلاصة اللي قالي عليها انيس .. القصر كبير بزاف .. واللي ميركزش فيه غادي يتلف .. حاولت نتذكر الكولوار وفعلا اصبت فيه تلعت اخر غرفة فيه .. فتحتها .. لقيت فعلا فيها مهد
- ايمن شوف .. كما قلتلك .. اكيد كان عايش هنا بيبي فالقصر .. ولكن ولد من .. وفين راه .. واش حتا هو قتلو احمد ..
- اجي نقلبو على الله ناقاو شي دليل ينفعنا هنا
بقينا كنقلبو .. لقينا حوايج ديال دري صغير .. وصور ..
- شوف لقيت صور .. هادا انيس شاد الولد الصغير بين يديه .. ولكن شكون هادي؟ واش ممكن تكون ام الطفل .. وشنو علاقتها بأنيس ..
- باينة ان علاقتها بأنيس كانت وطيدة .. حيت شادة فيه فأغلب الصور ..
- ايمن حنا خاصنا نمشيو نقلبو فالحوايج ديال انيس .. يمكن نلقاو شي دليل يوصلنا لهاد المرا وهاد الولد ..
- كيفاش غانعرفو بيته ؟..
- انا عارفاه .. اول يوم جيت هنا وراهلي انيس وقالي الا بغيت شي حاجة نعيطله ..
- واخا زيدي نشوفوه ..
مشينا لبيت انيس اللي فعلا صدق هو كان بيت فخم واخا الغبرة عامراه.. فيه ناموسية كبيرة وماريو كبير .. وستائر حاجبة ضو الشمس منه .. بقيت كنقلب فحوايجه .. كلها ملابس .. ختى لقيت واحد المجر فيه شي وراق ..
- ايمن اجي تشوف شنو لقيت ..
- شنو ..
- هاد الوراق .. كلها املاك باسم انيس .. فيها بيع وشراء من امه ليه .. غالبا هادشي اللي خلا احمد يقتل انيس .. حيت كلشي الاملاك باسمه .. بغا يورث ولده .. هادشي كيعني ان روايته بشأن قتله الخطأ لولده كلها كذب .. انا متأكدة انه قتله باش ياخذ الثروة .. طمااع ..
- ليان شوفي .. هادي وثيقة زواج ..
- اه صحيح شوفها باسم شكون ..
- انيس برهان واروى الشامي ..
- يعني انيس كان مزوج .. والولد ولده .. ولكن فين هما دابا ..
-واش يكون قتلهم احمد ..
- منضنش ..والا مكانش انيس غادي يدلني عليه
.. اكيد اروى شاهدة على الحادثة .. وهي اللي غادي تشهد على ان احمد هو اللي قتل راجلها وحماتها dodi elaissati
0 Commentaires