الأنيس - الحلقة 13

الجزء 13 
Dodi elaissati بقيت فالظلام وانا مربوطة وماقادراش نتحرك .. والدم كيسيل مني .. وخايفة من داكشي اللي غايجرالي من بعد حتى سمعت صوت كيعيط بسميتي ومغريبش عليا .. هادا صوت ايمن .. وبديت كنغوت حتى انا باش نسمعو صوتي .. ايمن ايمن 😭 .. بدا الصوت كيقرب مني شوية بشوية .. وانا كنزيد نعلي فصوتي باش يعرف فين راني .. حتى ولا قريب بزاف وبدا يهرس فالباب باش يدخل عندي .. هرس فالباب ودخل لقاني .. 
- ايمن عتقني 😖.. اهئ اهئ 
- ليان .. متخافيش انا معاك .. متخافيش احبيبة .. انا غانعتقك .. 
- دغيا قبل ميرجع داك الويل 😭 
حل ليا الحبل من يدي وشد فيا باش يخرجني .. انا عاونت راسي باش نخرجو دغيا من هاد البلاصة .. خرجنا شوية من القصر حتى بانلينا داك الضخم رجع عاود تاني .. حبسنا انفاسنا .. انا رجليا مابقاوش هازيني .. الى عرف باللي حنا هربنا معرفتش اش غايدير فينا .. خليناه حتى دخل وكملنا الهروب من جديد وتمشينا باتجاه سيارة ايمن .. حيت انا متأكدة باللي الضخم غايمشي ديريكت للغرفة اللي كنت محبوسة فيها .. وغايكتشف هروبي .. وهادي مسألة موت او حياة بالنسبة ليهم .. وهروبي وعدم موتي يعني فضح اللي برهان .. ودخوله الحبس .. تأليف دودي .. كملت مشيت بصعوبة وصلنا للسيارة ركبت معاه وركب هو وبمجرد ما ديمارا الطومربيل رجعت فيا الروح .. مشينا مسافة وبعدنا على الغابة.. 
- علاش اليان علاش .. نتي كنتي واعدتيني .. شنو كان غايوقع لوكان معتقتكش دابا .. كانو غايقتلوك دوك الناس .. اللي معرفتهم انس ولا جن .. 
- هاداك هو باباه د انيس .. وهو اللي قتل انيس وامه .. انا عرفت الحقيقة كلها .. داك الراجل خاصه يدخل للحبس ..هو اللي قتل كاع دوك الناس اللي كانو كيقلبو على حقيقة انيس .. 
- عندك شي دليل على هادشي .. 
- الجثث ديال انيس وانه كاينين فالقصر هو اللي قالهالي .. وهو ماشي مقعد كيما كيدعي .. 
- هادشي كله الى قلناه للبوليس حتى واحد مغايتيقنا .. خاصنا دليل .. دليل اليان .. 
- انا غادي ندمو .. 
- نتي مغاترجعيش لهاد الموضوع مرة اخرى .. انا مغانخليكش تعرضي حياتك للخطر مرة اخرى .. خليني انا نتكلف بهادشي .. داك الراجل خطير بزاف ومفقلبوش الرحمة.. 
- حنا غانقلبو بجوج ا ايمن .. حتى انا منخليكش تعرض حياتك للخطر.. 
- خلينا نمشيو للول للسبيطار .. نداويو الجرحة للي فراسك ومن تما نهضرو فالموضوع .. ونديرو شكاية ضد هاد الراجل احتياطيا .. دودي العيساتي ...