الجزء 14
داني ايمن للسبيطار وانا تفكيري كله فداك احمد .. كيفاش غانقدر ندخله للحبس .. داواولي الجرحة اللي فالراس وداني للدار .. بقا معايا ايمن خوفا من اني نمشي لشي بلاصة بوحدي .. بقيت متكية وحاطة راسي على صدر ايمن وداني النعاس ..
مشيت للقصر ولكن هاد المرة كان نقي بزاف .. دخلت من الباب بقيت كنتأمل حتى بانلي فأخر الكولوار انيس .. كان لابس كوستوم واقف وكيبتسملي .. انشرح قلبي مللي شفتو هاد المرة وماشي بحال المرة اللولة ..
- انييس 😃
- ليان لاباس عليك ..
تقدمت باتجاهه حتى وليت كنشوفه قدامي .. حقيقة ماشي طيف ..
- الموت راها خسارة لواحد بحالك انيس .. ولكن الروح الطيبة ديالك هي اللي رجعاتك ..
- انا فرحان بزاف اليان حيت عاونتيني .. وحيت متخليتيش عليا كما دارو الاخرين ..
- باباك خاصو يدخل للحبس .. ولكن معنديش شي دليل اللي نشدو بيه ..
شاف فيا بابتسامته المتواصلة وتلفت وبدا يتمشى وانا تابعاه .. حتى وصل لواحد البيت وفتحو وشاف فيا وهو مبتسم وشاف لداخل الغرفة .. دخلت وانا مذهولة .. كانت غرفة مرتبة وفيها مهد من الطراز العتيق للاطفال .. تمشيت نحوه ولقيت فيه طفل ذو ست اشهر او اكثر .. تلفت عند انيس
- شكون هاد الولد انيس .. انيس .. انيس فينك ..
اختفى انيس من قدامي معرفتوش فين كاين .. بقيت كنقلب فالقصر انييس .. فينك انيس شكون هاد البيبي .. انيييييس ... Dodi elaissati
0 Commentaires