الانيس
Dodi elaissati الجزء 1
- نعام اماما ..
- فينك ابنتي ..
- هانا راجعة للدار غا تعطلت فالجبل .. راني فالطوموبيل شادة الطريق دابا ..
- اويلي عاد شادة الطريق .. الليل هادا واش غاتحمقيني .. ويلا تعرضو ليك الشفارة والطريق طويلة..
- متخافيش اماما .. مغنتطعطلش.. طيت طيت ..
اوبس .. تسالالي الصولد.. اووف انا خاصني نوصل دغيا .. سمحلي اسيدي نسولك ..
راجل: نعام الالة..
- واش كاين شي طريق اخرى مختصرة بلا لوطوروت ..
راجل : كاينة الالة .. طريق الغابة .. طريق مختصرة .. ولكن حتى واحد مكيقدر يدوز من تما بالليل ..
- شكرا اخويا ..
انا مضطرة ندوز من تما .. غدا عندي معرض للصور الصباح بكري .. وخاصني نكون حاضرة .. نسيت معرفتكم على راسي .. انا ليان .. فعمري 22 سنة .. مصورة فوطوغرافية محترفة.. عندي الكثير من الصور اللي بهرات العالم.. من صغري وانا كنحماق على التصوير الفوطوغرافي .. وليوما كنت فقمة الجبل .. صورت المدينة كلها منه .. صحيح ان الطريق كانت طويلة .. الا اني كنستمتع بزاف بها .. ولكن للاسف تعطلت تما والطريق طويلة وانا مضطرة نرجع دغيا .. معنديش حل من غير انه خاصني نرجع من طريق الغابة كما قال الراجل .. غانسد البيبان كلها وغاندوز بسرعة.. دخلت للغابة وكان الظلام دامس .. حتى حاجة مكاتنبان وصمت رهيب .. شديت فالفولون مزيان .. مخاصنيش نخاف .. انا مكانخافش ..كسيريت بسرعة .. وانا كنشوف فالجنب حتى بانلي شي ضل وانا نغوت .. اااااااا .. 😰😰😰.. اش داكشي .. شفت مزيان .. هههه شجرة هاديك شجرة .. ههه مالكي اليان .. واش نتي خوافة حتى هاد الدرجة.. كتخافي من والو .. كسيريت وكملت طريقي .. وانا كنهضر ونقول .. ليان نتي مخايفاش .. مخايفاش .. مخايفاش .. مخايفاش .. زدت كسيريت بالجهد باش نوصل ونخرج من هاد الغابة دغيا .. وبديت نغني باش نشغل راسي .. ليان مخايفاش مخايفاش .. هه 😪 مخايفاش .. شوية رجع الصمت الرهيب من جديد .. اووف واش حتى صوت الريح مكاينش فهاد الغابة .. اش هادشي .. مبقاش بزاف ونخرج من هنا .. متخافيش اليان متخافيش .. شوية بان قدامي شي واحد حل فيا عينيه شفتهم فوسط الظلام وانا نغوت بأعلى صوت عندي ااااااااااااااااااااااه .. ضربتو .. انا متأكدة ضربو بالطوموبيل .. وقفت بيا الطوموبيل .. واش مات .. اكيد حيت ضربتو بالجهد .. بديت كنتنفس بالجهد والخوف رجليا كيترعدو.. اش غاندير دابا .. انا متأكدة قتلت شي حد .. خاصني نهرب .. وغدا غانصيفط هناالبوليس .. منقدرش نبقا هنا .. بديت نديماري والطوموبيل حلفات لا تديماري .. اووف اش هاد الزهر ليوما .. اش غاندير دابا ماحيلتي لهادا للي ضربتو وماحيلتي للطوموبيل .. الحل الوحيد دابا هو خاصني نخرج ونشوف هادا اللي ضربتو واش باقي حي ولا صافي مات .. ركابيا كيترعدو..نزلت من الطوموبيل بهدوء .. وانا خايفة وضلام بزاف .. تمشيت باتجاه مقدمة الطوموبيل باش نشوف السيد واش مات ولا لا .. وتصدمت من داكشي اللي غانشوف 😱مستحيل .. مكاين حتى شي اثر ليه .. انا متأكدة ضربت شي واحد بالطوموبيل .. متأكدة ..
- واش محتاجة شي مساعدة ؟؟
- 😳
قلبي وقف فجأة وحبست الانفاس مللي سمعت داك الصوت جاي من مورايا .. Dodi elaissati
0 Commentaires