الجزء 29
الغد ليه جات عندي مريم.، قالتلي اني ضروري نمشي يهضرو معايا البوليس وياخدو اقوالي.. وافقت وطلبتها تمشي معايا.. مشيت واستقبلوني.. وبدا الشاف ديالهم كيهضر..
- حنا كنشكروك بزاف حيت تعاونتي معانا باش نشدو ديك العصابة.، اللي على حسب تقريرنا درتي مجهود جبار والفضل كله كيرجع ليك.، مع انه تقدمات ليك اكثر من رشوة .. وفرصة الا ان المبادئ ديالك هي اللي غلبات.. الوزارة غتصرفليك مكافأة على المجهود ديالك.. وحنا فالخدمة ديالك.. كنشكروك على تعاونك مع العميد ياسر باش نجزتو هاد المهمة بجوج.. بدا كيخطب وانا مكنسمع والو شوية بانلي الشاف عدنان.. جاي هو وياسر .. تصدمت .. نضت كنشوف فيهم بجوج..
ياسر: يمنى .. بلا متتفاجئي.. عدنان هو اللي رشحك لينا النهار اللول.. وظنه كان فمحله.. اه حنا كنا عارفين بعضياتنا.. واي حاجة عليك كان كيخبرنا بيها..
ضحكت.. ضحكة استهزاء.. كله تمثيل.. كلشي.. كل واحد والدور ديالو.. مغانستغربش الا قالولي راه حتى البوص معاهم.. وماماتش..
ياسر: شدينا جميع افراد العصابة بمن فيهم لارا.. اللي كانت عوالة تكون عصابة ديالها بوحدها.. ولكن البركة فيك ايمنى.. عمري شفت شي انيان بحالك.. المبادئ مكيتأثروش بالوسط اللي كنعيشو فيه واكبر دليل هو نتي..
بقيت كنشوف فيه مهضرتش كان فمي مسدود.. مقدرتش نحركو.. تسالات الهضرة.. اش عندي منقول بعد هادشي.. استأذنت ومشيت بحالي..
تمشيت بزاف وانا ساهية.. كنفكر هادشي اللي عشت فيه حتى وصلت لأي بلاصة كنت كنسعى فيها.. تجمعو عليا الدراري والبنات المشردين..
يمنى: انا رجعت ليكم..
ياسمين: يمنى اشنو وقع ليك..
- متخافوش عليا.. من هما الفوق مغانباتوش فالزنقة.. انا ضبرت واحد المبلغ غادي نشريو بيه شي بيت.. نبقاو نعسو فيه.. وغادي نخدمو واخا... من هنا لغوق مغانسعاوش.. غنخدمو بدراعنا.. كلشي جاوبني بالايجاب.. كلشي كان كيستنى غا الفرصة.. باش يبعد لهادشي.. بحال الغريق.. كيستنى قشة يشد فيها.. مرجعتش لعند دار ياسر.. بقيت كنقلب على خدمة.. حتى لقيت فواحد الكافي.. نكون سرباية.. بمبلغ متواضع غادي يعيشنا.. غادي ناكلو بيه ونشربو.. هادا هو المهم.. بديت الخدمة.. وشديت الدار .. انا والصحاب.. حاولت نتفارق على داك العالم كله.. ديتها فراسي .. هادشي اللي خاص يكون..
0 Commentaires