رجل بقلب طفل - الحلقة 8

الجزء 8
بقيت انا وياه.. عايشين فهدوء.. واحد النهار جاه ميساج وهو كان كيدوش.. جاني الفضول نشوف شكون مصيفطولو خصوصا انه ماشي من داك النوع دالاشخاص اللي كيتعاملو بالمساجات.. مللش حليتو لقيته من البنك.. كيعلموه باللي حسابه البنكي كيحتوي تقريبا على 480 مليون ديال السنتيم... تصدمت.. هادا مبلغ كبير بزاف.. منين جاوه هاد الفلوس كلها.. مستحيل 
- حبيبة اش كاديري.. 
- مصطفى.. 😡 قولي منين جاوك هاد الفلوس كلها.. 
- اينا فلوس.. علاياش كتهضري.. 
- هاك تلفونك وتعرف.. 500 مليون .. منين جاتك ومتكدبش.. 
- تهدني.. انا 
- واياك تكدب.. 
- مكنكدبش امنى .. دوك الفلوس ماشي ديالي.. ديال واحد السيد..
- يا سلام.. هادا شايطين عليه فلوسه باش يخليهم عندك ..لانك معروف الامانة .. ولا فتحتي بنك اسلامي وانا مفخباريش.. 
- امنى .. عفاك متسرعيش فالحكم ديالك.. قلتلك راني خدام فالسمسرة.. هادا واحد مدوزلي الفلوس نشريليه فيلا.. وكلشي بالوراق ماشي بالثقة.. 
- فين هما هاد الوراق.. وشكون هاد السيد... جيبو نشوفو.. 
- منى واش مبقيتيش تيقي فيا.. واش حتى هاد الدرجة انا بالنسبة ليك ماساوي بصلة.. والهضرة ديالي مساوياش.. 
- امصطفى عفاك الا مخبي عليا شي حاجة قولهالي.. dodi el aissati
- انا مامخبي والو كلشي قولتولك.. شنو دنبي الا بغيت نرتاح من الصداع.. الفلوس كانو سباب مشاكلنا وفكرت نخدم خدمة اخرى باش نرتاحو من هاد المشاكل ونعيشو حياتنا مستقرة.. ولكن اكتشفت ان المشكل بنا ماشي اشكال دالفلوس.. المشكل انك ماباغانيش.. وعارفك نادمانة حيت تزوجتي واحد فقير بحالي .. مكرهتيش كون تزوجتي شي واحد لاباس عليك بحال عائلتك.. ماشي ذنبي اني تزاديت فقير.. وكندير مجهود مستاعد نخدم ليل ونهار باش نعيشك مزيانة ..كلشي هادشي على قبلك نتي.. ولكن نتي حتى حاجة مكتعجبك من داكشي اللي كنديرلك.. ديما شايفاني من فوق لتحت.. 
- اش هاد الهضرة.. واش هادشي كله مخبيه فقلبك.. انا عمري مافكرت انه كاين فرق بينا .. انا تزوجتك لخاطري وحتى واحد مابززك عليا.. انا اللي اختاريتك حيت بغيتك.. بغيتك لشخصك مفكرت لا نتا شكون ولا ولد من.. 
- الا كنتي بالصح كتبغيني.. علاش حتى حاجة مكتعجبك من داكشي اللي كنديرلك .. علاش مكاتيقيش بيا.. انا كندير المستحيل على قبلك وانتي مشايفة حتى حاجة.. 
- تيق بيا .. انا والله مابغيت منك شي حاجة.. كيكفيني نعيشو فراحة دالبال.. متفكر دير والو على قبلي .. انا كنبغيك نتا .. لشخصك ماشي باش ديرلي شي حاجة.. 
- اذن تيقي بيا.. انا كلشي كنديرو على قبلك.. 
- انا كنبغيك.. كنواعدك نتيق بيك ومعمري تشوف مني شي مشكل.. نبداو صفحة جديدة فحياتنا..