الجزء 9
من داك النهار.. قررت نتهلا فراجلي.. وليت عايشة فاستقرار معاه.. مكاين حتى داعي للمشاكل ولا للصداع.. ولا كيتهلا فيا وكيسمع هضرتي.. وكيتحكم فأعصابه.. تبدل ولا واحد اخور.. وكما قالت الواليدة هادشي اللي بغات اي مرا.. واحد النهار كنت مقابلا الشقا .. حتى كنسمع الدقان فالباب.. مشيت نحل .. لقيت واحد الشاب طويل وعامر شوية .. لحيته خفيفة وابيض.. من لباسو باينة عليه لاباس عليه.. كلشي ديال لامارك.. ساعة ، تيشرت ابيض وسروال .. وسبرديلة بيضا وريحة البارفان ديالو واصلة حتى عندي.. زوينة بزاف.. وفوسط هادشي كله عندو واحد الوجه بشوش وابتسامة كتقطر منها البراءة.. ماموالفاش نشوف هاد النوع من الرجال .. كنشوفهم غير فالافلام التركية.. لوماكنت مرا مزوجة .. اكيد كنت غنضور بيه.. احم احم.. رجوع الله امنى..
- احم .. نعام اسيدي شكون نتا..
- السلام الالة .. لاباس عليك.. سمحيلي واش السي مصطفى ساكن هنا..
- اه هادي هي دارو.. ولكن هو دابا خارج.. واش بغيتي نقولو شي حاجة.. شكون نتا.. dodi elaissati
- امم واش نتي مراتو..
(الله الله على البراءة.. ): اه انا مراتو.. وشكون نتا..
- يعني نتي الام ديال هيثم الله يرحمو..
غير ذكرلي هيثم وانا بحال الا خشالي موس فقلبي..
- اه .. الله يرحمو..
- انا اسف.. مكنتش باغي نقلقك مللي ذكرتو.. متحزنيش عفاك.. نتوما بداكشي اللي درتو خليتو هيثم يبقا عايش..
- يا ريت نكون غير كنحلم.. ولكن للاسف الحقيقة ان ولدي مات .. ومبقيتش نشوفو مازال..
- متقوليش هاكاك نتوما دفنتو غير الجسد ولكن قلبو مازال كيضرب.. مادام قلبو مازال كيضرب بحال الى مازال عايش تماما..
- عفوا .. مفهمتش القصد ديالك.. كيفاش قلبو كيضرب..واش كاين شي ميت كيبقى قلبو يضرب بعد الموت..
- اه كاين..هو هيثم.. انا مادين ليكم بحياتي نتي وراجلك امادام.. حيت تبرعتولي بقلب ولدكم...
وساعو ليا عينيا...-.. ما ما اش هادشي كتقول.. اكيد ماشي ولدي اللي كتهضر عليه.. يمكن شي حد اخور ماشي ولدي انا... انا متبرعت لحتى واحد .. اش هادشي كتقول..
- واش مافخباركش.. انا كان يصحابلي باللي السي مصطفى قالك هادشي.. انا كنت كنموت وقلبي وقف.. كنت عايش غا بالاجهزة.. ماخلاو واليديا فين قلبو على قلب.. كان املي فالحياة ضعيف.. كنت فنفس المصحة اللي كنتو فيها نتوما .. مللي جبتو ولدكم ومات تما.. جا مدير المستشفى عند الواليد ديالي وقالو باللي واحد الولد مات وقلبو مزيان .. الا وافقو عائلته ندير عملية نقل قلب.. هضر مع السي مصطفى ومكانش عندو مانع.. وقالينا باللي حتى نتي وافقتي.. درنا العملية ونجحات.. ورجعت للحياة بفضل هيثم .. وهانا كما كتشوفي وليت عايش حياة عادية..
بداو دموعي كيطيحو شلال وانا كنسمع هادشي.. انا كنت حاسة.. ولدي لعبولي فيه .. كنت عارفة مصطفى مخبي عليا شي حاجة.. عاد فهمت كلشي.. عاد فهمت علاش كان ساد عليا.. وعلاش مخلانيش نشوف ولدي قبل مايتدفن.. مصطفااااااااا...
- عفاك تهدني.. انا مقصدتش نعصبك.. شوفي خليني نهضر معاك.. انبد..
- خرج برا...
- مدام منى..
- خرررررج برا ..
سديت الباب وانا حاسة بالدم ديالي كيتفور.. حاسة راسي الى لقيت مصطفى قدامي هاد الساعة غنقتلو.. انا غانقتلو .. انا غانقتلو..
شداتني هيستيرية بديت نهرس فأي حاجة جات قدامي.. نهرس ونغوت بالجهد ... ولدي .. ااااااا... حسيت راسي عييت .. والقوة ديالي تحيدات مني.. وانا نطيح فالارض وبديت كنحس بدموعي نزلو شلال .. كنبكي بحرقة.. علااااااش.. لا لا اهئ اهئ ..، ولدي ..... اهـئ اهـئ
0 Commentaires