الجزء 7
-مصطفى تبدل بزاف .. ولا واحد اخور.. ولا زوج مثالي .. كيتعامل معايا برقة.. وكيديرلي الخاطر.. وكيصرف على دارو ماشي بحال الاول.. ومكيرفعش صوته عليا بالعكس مهااادن.. انا مستغربة من هاد التغيير المفاجئ ديالو..
- ابنتي .. هادشي راه عادي.. اكيد اثر فيه الموت ديال ولده .. وعرف باللي الدنيا متستاهلش داكشي اللي كان كيدير.. عيشي مع راجلك فالخير وحيدي عليك دوك الشكوك . نعلي الشيطان ابنتي الله يهديك..
- معرفتش اماما.. انا خايفة..
- معندك من اش تخافي.. السيد ياك غادي مزيان وديري عقلك وتهلاي فراجلك..
- واخا يكون خير..
قلت نستسلم.. ربما دبالصح تبدل.. الانسان ممكن يتبدل بالصدمة.. علاش لا.. الله يهديه وصاف.. بقيت معاه وهو فالهدوء المريب والغريب ديالو.. حتى واحد النهار.. جا للدار .. وجابلي كادو..
- حبيبة ديالي.. انا جبت ليك واحد الحاجة.. غمضي عينيك.. dodi eiassati
- شنو جبتيلي..
- وغمضي عينيك .. هو اللول..
- هانا 😌
- فتحي ..
- اش .. هادا ..
- خاتم .. باش تقبلي نبداو صفحة جديدة فحياتنا..
- مصطفى.. منين جبتي فلوسه..
- ماشي مهم.. خليني نلبسولك..
- لا .. مغانلبسو حتى تقولي منين جبتي فلوسه.. مصطفى.. ياكما وليتي كتلعب القمار.. قولي دابا..
- ههه اشمن قمار الله يهديك واش انا ديال داكشي..
- ايوا منين جاوك الفلوس .. انا شاكة وحتى الخلاص ديال السبيطار منين جبتيه مين جاوك الفلوس..
- صافي متعصبيش .. انا غنقولك..انا دخلت فواحد الخدمة .. سمسار ديال الديور.. كنزيدها على الخدمة ديالي.. كنخدم مع واحد المقاول.. وكيعطيني نسبة فكل بيعة .. هادشي فيه الفلوس.. رزق من عند الله..
- وهادشي فيه شي حرمة.. انا مامستعداش ناكل لكرشي لحرام..
- لا اشمن حرام .. هادشي بعرق كتافي.. مافيه حتى حرمة.. ايوا دابا تلبسي الخاتم ولا ..
- رده.. انا مابغيت والو.. غانحتاجو الفلوس فشي حاجة اخرى.. متخسرش الفلوس فهادشي..
- منى.. انا بغيت نحس بللي كندير لك شي حاجة بحال اي راجل كيتهلا فمرتو.. عفاك خوديه.. وكنواعدك من هنا الفوق غنجمع الفلوس.. وعمرك ميخصك معايا خير ..
- واخا.. انا غاناخدو..
- كنبغيك بزاف امنى..
-الله يهديك ديما امصطفى..
دوزنا النهار والسيد مشبعني رومانسية.. حتى فالعلاقة الحميمية اللي كانت عبارة عن واجب وصاف .. حياها وولا كيعاملني برقة فيها.. واحد النهار مشيت نشرب كنينة ديال منع الحمل ..
- منى.. اش كتشربي..
- والو..
- اراي نشوف.. منى.. علاش كتشربي هادو.. واش مبغيتيش تولدي معايا..
- باقي الحال امصطفى.. انا مامستعداش دابا للولاد..
- منى.. واش متايقاش باللي تبدلت.. واش خايفة لايموت ولدك مرة اخرى.. انا واعدتك عمري ماغانهملك..
- عفاك امصطفى.. قدر ضروفي انا راني أم .. وماشي ساهلة عليا نولد بسهولة.. صورة ولدي مازالة قدام عيني.. صبر عليا .. الصدمة كانت قوية.. كنواعدك.. غانحاول نتجاوز هاد المرحلة ونرجع للحياة الطبيعية .. وديك الساعة غنولدو ونكبرو وليداتنا بجوج..
- انشاء الله احبيبة ديالي..
مكنتش كنستنى هاد المعاملة منو.. كنت كنستنى ينوض الصداع وميتقبلش اني مباغاش نولد دابا.. كان واحد الدكتاتوري من قبل..تأليف دودي العيساتي.. دابا تبدل مستحيل هاد التغيير.. انا اللي كنعرف مصطفى وقارياه بحال شي كتاب .. حافضاه .. شي حاجة مخبيها عليا.. انا حاسة .. وقلبي مامهنينيش..
0 Commentaires