الجزء 16
مشيت نعست وانا الفقصة متمكنة مني .. شوهة مونديال .. حسيتو غلبني خصوصا مللي دار ديك الضحكة ديال الانتصار .. نعست وفالصباح فقت مشيت لخدمتي .. بديت كنعاود لحفيظة على وليد وعلى شنو وقع معاه .. داز نهاري فالخدمة عادي .. مشيت للدار .. كما العادة كليت ومشيت ننعس تفاديت اي احتكاك مع وليد .. فنص الليل كنسمع شي غوات .. نضت دغيا نشوف شكون كيغوت لقيت وحدة من البنات فبيتها وكلشي مجموع عليها .. وكيصاوبوليها فالعشوب .. مشيت عندها
- مالك فين كيضرك
وليد: مريم مفيقانا فنص الليل بهاد الغوات ديالك .. شربي العشوب وباراكا من التبوحيط
انا: حيدو عليها واش باغين تقتلوها .. اشمن عشوب البنت كتموت وانت كتقول ليها تبوحيط .. خرجو خليوني معاها .. زيد كلشي يخرج
قوليلي امريم فين كيحرقك .. باش كتحسي
- حريق .. كنحس بسكاكين فكرشي .. كنمووت .. اهئ اهئ
- واش شربتي شي حاجة ولا كليتي شي حاجة .. قولي
- اا لا لا مكليتش اه .. اهئ اهئ
- هضري امريم واش كليتي شي حاجة
- شربت.. شربت شي عشوب .. اهئ اهئ
واش باغا تخرجي على راسك .. بلاتي ندير ليك واحد الابرة .. وغنكتب ليك شي دوا تشربيه .. اكيد هادا تسمم ..
درت ليها الابرة اللي تهدن ليها الحريق وكتبت شي دوا .. خرجت عند وليد قلتلو سير جيب لاختك هاد الدوا دغيا ..
واش نخرج فهاد الليل .. تشرب غا العشوب اللي دارتليها مي .. انا عيان وباغي ننعس
- وراه دوك العشوب هما اللي دارو فيها هاد الحالة .. وزايدون واش نتا اللي طبيب ولا انا غتعرف حسن مني؟؟ الحاصول غاتمشي تجيب الدوا ولا نمشي انا؟
- فين غاتمشي جلسي الارض .. اري ديك الورقة
مشا كيتنفخ وخرج يقلب على الدوا وانا بقيت مع مريم .. دازت شي ساعة حتى مشاو البنات ينعسو وطلبت من الحاجة حتى هي ترتاح حيت الابرة اللي درت لمريم هدنات ليها الحريق .. وارتاحو شوية من جيهتها .. جا وليد دخل عندنا ولاحلي الدوا بالجميل .. وخرج مشا لبيتو .. وانا خديتو وعطيتو لمريم ووريت ليها كيفاش تستعملو وشحال من مرة تاخدو .. مشيت ننعس
الغد ليه قبل ما نمشي للخدمة دزت عند مريم ..
- كبقيتي شوية لاباس ..
- لاباس .. شكرا بزاف اختي معرفتش اش كنت غندير بلا بيك .. ريحتيني الله يريحك
- هادا واجب .. قوليلي ديالاش العشوب اللي شربتي ..
- نقوليك ومتقولي لحد
- متخافيش .. قولي
- شربت واحد التفوسيخة .. انا شاكة شي حد دايرلي شي توكال على الزواج ..
- واش نتي مسيطية .. معرفتيش باللي داكشي كيقتل .. راكي كنتي غتموتي
- واش ندير ..
-اتقي الله راه كلشي فيدو وقراي القرآن اشمن سحر واشمن توكال راكي غتخرجي على راسك بهاد الخرافات
- مغتقوليها لحد ياك
- نخليك دابا .. غنمشي الخدمة .. واعديني مغتعاوديش هادشي
- كنواعدك ..
يالله بالسلامة
0 Commentaires