الجزء 15
وصل الليل .. بداو كيعيطو على فرح.. قلتليها جلسي
-لا.. غيجي وليد خاصني نوض
- تي جلسي واش غيجي شي امبراطور ولا ..
ناضت بالخوف قالتلي لا لا غنمشي ..
وصل السي وليد وكما العادة .. حطو العشا ومشيت نتعشى معاهم .. جلست سلمت والسي وليد معبرنيش .. كيتهرب من الاحتكاك معايا .. هاد المرة سكتت ومبغيتش نهضر .. السكوت التام على الطبلة .. كلشي كلا وسالا وناض .. كلشي مشا لبيتو ... بقيت جالسة شوية .. نضت بغيت نشرب .. فعلا مشيت شربت جيت نخرج وانا نتساطح معاه .. خلعني ..
-مالكي ..
- بقا دير الحس مالك
شاف فيا وقال: هدى عندك شي مشكل معايا؟
- اه .. عندي مشكلة مع هاد المعاملة اللي كدير للبنات .. واش هما ماشي بنادم ؟
- شنو خاصهم .. شكاو عليك؟
- لا مشكاوش ولكن كلشي شايفاه بعيني
- ياك نتي كاديري مابغيتي ومكيحكم فيك حتى واحد .. داخلة خارجة .. وديها فراسك وخطيك عليا عائلتي ..
مشا وخلاني مسمرة .. عطاني علاياش كنقلب .. تفقصت.. اش هاد بنادم .. اووف .. مشيت لبيتي بقيت كناكل فجنابي .. وكنتفقص علاش مجاوبتوش علاش علاش .. بقات فيا ومشيت قلت والله لا بقات فيه اليوما .. مشيت للبيت ديالو مازال باغا ندق وكنتشاور مع راسي .. شنو نقولو حتى كنلقا الحاجة مورايا
- اش كاديري هنا اهدى
- ام ام بغيت ..
- شنو كديري عند بيت ولدي .. عيب بنت غريبة تدق على راجل عزري فالليل
مازال كتهضر ووليد فتح باب بيتو بعد ما سمع هضرة مو ..
- راجل عزري؟ اش هاد الهضرة انا صحابلي هادا بيت فاطمة الزهرا .. غلطت فيه ونتي فهمتيني غلط.. ولبد واش عمري دقيت عليك .. قول للحاجة بللي فهماتني غلط
دار واحد الابتسامة بطيئة وجانبية كأنه حابس الضحكة وقال.. اه امي .. هي اكيد غالطة فالبيت.. مازال معارفاش البيوت ديال البنات وكيتخالطوليها
مشيت بعدما اقتنعات الحاجة بكلام ولدها .. محملتش راسي على داك البلان اللي وقعلي .. شوهة منتمناها لحتى واحد .. اش داني لشي زمر .. ها الحاجة فهمات غلط ..
0 Commentaires