الجزء 6
بقيت فالانين ليلا ونهارا.. حالتي تشفي لعدو.. مصطفى زاد عليا وكمل لداكشي اللي بقا.. حتى جا وجدت راسي لمعاملته الدنيئة معايا من جديد..
مصطفى: منى.. كيبقيتي شوية.. انا عارف قصحت معاك ولكن.. انا قلبي كان محروق على ولدي.. ومقدرتش نتحكم فأعصابي.. عفاك صبري..
منى: فين ولدي.. بغيت نشوفو..
مصطفى: لا ميمكنش.. دفناه ليوما..
منى: حرام عليك.. واش حرمتيني نشوف ولدي حتى قبل مايتحط تحت التراب..
مصطفى: عفاك صبري.. كنواعدك.. انا غنتغير فمعاملتي معاك.. وغنكون بجنبك.. حنا مازال صغار ويمكنلينا نولدو .. عفاك صبري .. ولدنا الله يرحمه..
سكتت وبقيت كنشوف فيه.. استغربت لهاد الحنان اللي نزل عليه فجأة .. زعما تكون الموت ديال ولدنا بدلاته.. مستحيل
منى: ايوا وسبعة دالمليون اش درتي فيها .. واش غانبيعو الدار ..
مصطفى: مغانبيعو حتى حاجة.. انا راجل وغانتحمل مسؤوليتي.. انا غانتصرف متهزي هم..
زاد استغرابي اكتر.. سبحان مبدل الاحوال.. اول مرة كنشوف مصطفى مكيشكيش.. هو اللي كانت الفواتير ديال الما والضو مكتفوتش 500 درهم .. وكانو كيقهروه.. دابا ولا مستعد يتحمل مسؤوليته فسبعة دالمليون.. اكثر من غريب..
مصطفى: غنديك عند عائلتي.. وتما غيتهلاو فيك وغانديرو الجنازة تما.. واخا..تأليف دودي
سكتت وسايرتو ومشيت لدارهم .. عائلته مخلاوش من جهدهم.. هو مختلف عليهم بزاف خرج من الجنب.. هما حامدين الله ولكن هو من ديما كان انسان مادي.. تعدبت بزاف بفراق ولدي .. الامر ماشي ساهل ولكن حمدت الله.. واستغفرت ومشيت زرت قبره.. دازت سيمانة .. الناس كانو كيجيو يعزوني.. قررت نوقف على رجلي.. انا ماشي اول ولا اخر ام كتفقد ولدها.. قدر لله وصل الاجل ديالو.. الله يعوضني خير .. تأليف دودي.. بنات بقاو ديرو سميتي فالقصة حيت الشفارة كترو هاد الايام.. اللي جا ينسب لقصة ليه هو..http://dodielaissati.blogspot.com/
رجعت لداري ومافيهاش هيثم.. صبرت.. كل مرة كنكون فيها صعيبة كنشد راسي.. وحتى مصطفى ولا مختلف معايا.. ولا كيعاملني بلطف .. وكيصبر على اهمالي ليه ماشي بحال قبل..
مصطفى: حبيبة.. واش نخرجو شوية تشمي شوية دالهوا..
منى: ياك نتا اللي كنتي تقول راه المرا بلاصتها هي الدار..
مصطفى: منى .. انا عارف اني كنت صعيب معاك بزاف من قبل.. ولكن تيقي بيا تغيرت بزاف مور ما مات ولدي..
منى: صعيب بزاف نتيق باللي تغيرتي..
مصطفى: انا غادي نعوضك.. وغادي نثبت ليك باللي تغيرت..
منى: واخا اسيدي.. الله يجعلني نتيق..
خرجت معاه.. تغيير مفاجئ ومخيف بالنسبة ليا.. كيعرض عليا وسخي .. هادا ماشي مصطفى اللي كنعرف كاين شي حاجة ماشي هي هاديك.. وخاصني نعرفها ..
0 Commentaires