الجزء 11
الجميل فهاد النهار انه مشينا نخرجو سليمة من السبيطار فرحنا كلنا جات لدار باها مللي دخلات .. حسات احساس على حد قولها .. كأنها اول مرة كتدخل ليها.. واخيرا رجعات لينا تبدلات بزاف ولات كتهضر وكتشارك معانا الحديث ومكتخافش بحال الاول من اي حاجة قدامها.. ولات انسانة اخرى.. اما ابتسام فكانت منهمكة فمشروعها اللي واخد كل وقتها.. وقليل فين كنتلاقاوها.. عجبني الحال جميع جدا يكون للانسان هدف فالدنيا.. انا متأكدة انها غتنجح.. وغادي تحقق احلامها.. من جهة اخرى خديجة اللي ضايعة فالدنيا محاملاش فيا الشعرة.. معارفاش اني باغا غا مصلاحتها.. دوزت نهار مع وليد من داكشي.. الغد ليه مشيت للخدمة دوزت فيها نهاري.. ومشيت للدار كما العادة وفالليل جاني اتصال غريب من الدكتور الجديد.. تأليف دودي
- الو دكتورة.. اسف على الازعاج ولكن محتاج مساعدتك ممكن تجي ..
- واش كاين
- واحد السيد دار حادث عفاك اجي دابا..
- واخا انا غانجي دابا..
وصلني وليد ورجع للدار حيت حادثة هادي اكيد مغانساليش دابا..مشا وانا دخلت للمستشفى للي كان كيبان خالي .. مشيت نشوف الدكتور فغرفة العمليات لقيتها خاوية.. فين مشا هادا..
- دكتورا هدى لاباس عليك..
- دكتور فين هو المريض..
- مشا بحالو..
- كيفاش مشا بحالو .. مفهمتش
- انا توحشتك وبغيتك تونسيني فهاد الليل ..
- اش هاد قلة الاداب والتفلية منوضني فنصاصات الليل باش تتفلا عليا؟؟
جا بدا كيقرب لي وانا كنبغد شوية نقض عليا بحال شي وحش مع هو ضخم الجثة الحمار بدا كيحاول يغتصبني وانا كنغوت .. الغوات ديالي فيق اللي ناعسين فالسبيطار كلهم.. كنغوت بالجهد .. هو كان فحالة غير طبيعية شوية بدا كيضرب وانا كنحاول ندافع على راسي مكانش عندي حل كان خاصني نعتق راسي باي طريقة وننقذ حياتي وصلت لواحد المقص خشيتولو بكل جهدي فدراعو وهو بدا كيغوت هربت منه وانا كلي دمايات وخرجت كنغوت عتقوني .. جا واحد الفرملي من الدوزيام اطاج شافني بديك الحالة قالي متخافيش انا غنتصل بالبوليس.. انا بقيت كنبكي والمرضى اللي قدر ينوض ناض يجي يشوف شنو واقع.. داك الحيوان بقا كيغوت بلحريق.. جاو البوليس وانا كنترعد .. طلبو من الفرملي يعتقو ولكن كان ضروري يتصل بشي طبيب اخور.. انا واخا يقولولي كيموت منعتقوش الكلب .. البوليس داوني معاهم وانا وجهي كاع مدكدك.. بقيت مرعوبة اتصلت بوليد قلتله راني فالكوميسارية.. جا كيجري.. مخلوع قلتله باللي واحد حاول يغتصبني اول حاجة قالهالي..
- واش.. دارها؟؟
شفت فيه بغضب قلتله لا عتقت راسي بأقل خسائر كما كتشوف.. مع اني مكنتش كنستنى فداك الوقت بحال هاد السؤال منه.. صدمني وجرحني .. المفروض يساندني دابا .. خداو الاقوال مني.. هو مللي عرف باللي الطبيب مازال فالسبيطار مشا عندو.. دخل سالت ومشا يهضر
وليد: حمار .. انا غنقتلك .. ومكاينش اللي يعتقك مني..
الدكتور: مراتك زوينة بزاف.. اهم شيء اني خديتها منك.. قتلني ايلا بغيتي.. غتبقا حياتها كاملة كتفكرني.. عجباتني بزاف.. شاركتك فيها هههه
وليد متمالكش راسو بدا يشنق عليه : كلب انا غنقتلك غنقتلك..
لحسن الحظ عتقو منو واحد البوليسي .. شدو وليد .. وجابوه للكوميسارية.. ولكن طلقوه.. حيت لاخور استفزو.. والراجل مللي كيتعلق الامر بمراتو مكيحسش اش كيدير.. عرضو هاداك ..
0 Commentaires