الجزء 14
الغد ليه .. نضت مشيت للخدمة .. ماتلاقيت حتى واحد .. كان اول يوم ليا فالخدمة .. زوين ولكن عقلي بقا كيفكر فهاد الاسرة .. شي حاجة لداخل ديالي كتقولي نستكشف الغموض ديالهم .. تعرفت على واحد الفرملية سميتها حفيظة .. تصاحبت معاها ظريفة .. فاخر النهار مشيت للدار عييت شفت الحاجة ولقيتها فاستقبالي وطلبات البنات يوجدولي الماكلة .. مشيت دوشت وبدلت حوايجي وخرجت لقيت الماكلة واجدة .. بقيت كناكل وكنهضر مع فرح .. شوية سمعنا الغوات . .. جرينا نشوفو لقينا جوج من البنات كيدابزوو..
-متقيسيش ليا حوايجي الكلبة .. حيدي هاد الكسوة
- سيري العانس .. حاسداني حيت انا صغر منك .. وزينة عليك .. وحيت جات عليا حسن منك
بدات فرح كتهضر : اخديجة الله يهديك حطي حوايجها .. وعيب تقولي لختك اللي كبر منك هاد الهضرة .. حشومة قدام الناس
- شوفو شوفو شكون كيهضر.. القردة اللي تزادت البارح جاية تعلمني الحشومة ..
شوية جات الحاجة : اش هاد شي كنسمع .. مابقيتي كتحتارمي حتى واحد فهاد الدار .. سيري من قدامي باش مندير فيك يدي .. وانتي افاطمة الزهراء.. زعما نتي بعقلك .. واش كفرات حيت لبست ليك كسوتك .. يالله فرقو عليا هاد الجوقة .. واش عندي هنا الضريرات فالدار ..
فكات الحاجة الحالة .. وضرني قلبي ومشيت عند خديجة لقيتها كتغني وكتميع حدا المرايا ..
- خديجة ! ممكن نهضر معاك شوية ..
- شنو بغيتي؟
- بغيت نهضرو على فاطمة الزهراء.. جرحتيها بزاف بديك الهضرة اللي قلتيلها .. راه الحياة ماشي غا زواج .. و..
- شكون نتي باش تدخلي راسك فحياتنا .. نتي جاية يوماين .. وغادي تمشي بحالك دغيا باغا تحكمي فينا ودخلي فينا ..
- نتي حرة .. عندهم الحق خواتاتك.. نتي مشايفة فالدنيا غا راسك .. وعمرك مغادي تطفريه الا بقيتي هاكا ..
مشيت وخليتها .. كنت بغيت نمشي عند فاطمة الزهراء ولكن ترددت .. بعد الاهانة ديال خديجة .. مافيا ميسمع شي حشيان الهضرة حتى من الاخرى..
مشيت للبيت ديال وبديت ننفذ الوعد اللي وعدت بيه فرح جبدت البيسي ديالي وبديت نقريها .. وريتليها شي فيديوات كيوريو الحروف .. هي تبارك الله كتفهم دغيا وكتستوعب ودغيا كتتعلم .. حمستني نوريلها .. تستاهل حيت قلبها زوين..
0 Commentaires