الجزء 5
واخيرا خرج الطبيب.. نضت بسرعة باش نهضر معاه.. كانت نظراته غير مفهومة بالنسبة ليا.. نظرات كلها يأس ..
الطبيب: مادام انا كنتأسف بزاف.. الباراكة فراسك..
مقدرتش نهضر.. ولدي .. لا حسيت بالدنيا كتضور بيا .. ثقال لساني.. فشلو رجليا.. وانا نطيح..
حليت عيني على غرفة كان ضوئها خافت .. ولدي.. بديت نبكي بهدوء وبدموع حارقة.. وسادة على فمي بيدي.. هيثم.. ولدي..
شوية بشوية بدا الصوت والانين ديالي كيتعالى حتى ولا صراخ .. لاااااا ولدي يا ربي علاش ... اهئ اهئ اهئ
جاو الفرمليات بداو كيهدنو فيا حتى جات الوالدة ديالي بدات كتهدن وكتقولي هادا قدر غايكون طير فالجنة صبري ولكي الاجر.قدر الله وما شاء فعل.. هديت رجعت لانيني من جديد .. ولدي.. خرجت من المستشفى ومشيت للدار.. الالعاب ديالو مازالين فنفس البلاصة.. دموعي طاحو وسديت على فمي باش متستسلمش للهستيريا واعدت ماما اني نصبر.. لاني مبغيتش نعدب الحبيب ديالي فالموت ديالو.. دخلت للدوش وطلقت عليا الما وبقيت كنبكي .. بكيت وبكيت حتى نشفو دموعي والم القلب كيزيد يحرق،. تفرقت على ولدي واش صافي.. انا ممتيقاش.. جا عندي مصطفى لقاني فديك الحالة.. تأليف دودي
- منى.. اش هاد الحالة نتي دايرة فراسك.. نوضي صافي اللي وقع وقع.. ولدنا مات الله يرحمه.. ماتبقايش عايشالي فالدراما فيقي شوية..
- واش معندكش قلب.. هادا ولدي واش عرفتي شناهيا ولدي.. نتا سبابو باش مات. نتا اللي سديتي علينا الباب .. تعطلت علبه بسبابك مات امصطفى..
- واش تسطيتي .. لوكنتي حاضية ولدك مكنش غيوقع هادشي .. الله اعلم اش كنتي كديري..واللي زاد كتر انك ديتيك لمصحة ديال سبعة دالمليون.. الولد ميت ميت ونخسرو عليه الفلوس ..
- واش عندك شي قلب ولا والو .. انا ممتيقاش راسي باللي ولدت مع انسان بحالك.. طلقني طلقني.. مبغيتش نعيش معاك ..
ضربني بطرشة حتى سكتت من الغوات..
- اخر مرة نسمعك تهضري.. منبغيش نسمع حسك .. فيقي خلاص .. بسبابك شوف فين وصلت ..
خرج وخلاني مصدومة من داكشي اللي دار.. انا واش عايشة مع هادا وعلاش كنت صابرة.. على قبل ولدي.. ولدي مات مشا عند اللي خلقو.. مشا عند اللي معندو لا ظلم لا والو.. خاصني نفرح ماشي نبكي.. حيت ولدي رتاح من اب بحال هادا.. dodi elaissatiمرة اخرى.. مصطفى سد عليا الباب.. ومخالا حتى واحد يجي يعزي فيا.. حتى ولدي معرفتوش واش دفنو ولا لا.. بقيت يوم اخر بين الحيوط.. كنبكي على ولدي.. الحرقة صعيبة.. الكبيدة صعييبة..
0 Commentaires