اخو البنات -الفصل الثاني - الحلقة 4

الجزء 6
خديجة رجعات لدار باها واخا فاسمها ديور وتركة ولكن خوها وماماها مخلاوهاش تعيش بوحدها ورجعات للوسط.. دازو ايام انا ووليد علاقتنا مستقرة .. كندابزو غا فالنهار اللي كنجي فيه معطلة .. ولا النهار اللي كنوض بالليل نمشي نخدم .. عدوه ديك النوضة اللي كندير وكنوضو معايا..واحد
دازو ايام.. وخديجة شادة حق الله على راجلها وحزينة عليه واخا كان شارف ولكن كان كيتهلا فيها.. حتى النهار اللي جا فيه المحامي للدار.. قالينا خاص تجتمع خديجة معا عائلة المرحوم باش يفرقو الورث..خافت تمشي بوحدهاومشينا انا ووليد معاها.. بعدما تجمعو قاليهم المحامي باللي الحاج قبل ما يموت بمدة كتب لخديجة شي اراضي وشي ديور فاسمها.. الى جانب حقها الشرعي اللي غاتاخدو بحيث غتقتسم هي وزوجاته الثلاث ثمن ثروته.. خديجة بهاد الهضرة ولات مليونيرة .. هاد التركة اللي خلا ليها الحاج مغ اللي خلا ليها باها كتكون ثروة.. مكانتش على البال.. ان خديجة فيوم من الايام غتولي لاباس عليها.. عائلته متقبلوش الموضوع بتاتا.. وناض الصداع فالمجمع وانسحبنا حنا.. غريبة هاد الدنيا.. خديجة عجبها الحال بزاف .. بعد هادشي.. ومادارتلو حساب.. سبحان مبدل الاحوال...النهار جات عندنا لبنى فرحانة.. قالتلينا باللي مشات للطبيب وقاليها باللي راها حاملة.. فرحنا ليها كلنا.. وففترة الحمل ديالها انا كانت متبعة مع صاحبتي وانا كنت كنمشي معاها.. واو احساس زوين تهزي فكرشك بيبي .. دارت فيا الحماس نحمل حتى انا...مللي شدها الوجع.. دياها للسبيطار وولدتها انا.. جابت بنيتة كتحمق... كلشي جا يزورها .. 
هدى:ويتك على الزين ولدات الزين.. كتحمق بحال ماماها
وليد: زوينة بحال خالها.. 
فاطمة الزهراء: الله الله على الثقة بالنفس وعلاش متكونش كتشبه لخالتها.. 
خالد: غا بقاولي على خاطركم كتشبه فيكم كلكم.. 
الكل: هههههه 
الحاجة: ونتوما اهدى ووليد .. مازال مكاينة شي حاجة فالطريق .. بغيت نفرح بحفايدي
هدى: مازال مكتاب اخالتي
الحاجة: يكتاب الى عولتو عليها.. الى كان تما شي مشكل نقلبولو على حل من دابا.. 
معجبنيش الطريقة اللي هضرات بها الحاجة وكلشي بقا كيشوف فيا.. 
هدى: انشاء الله يكون خير.. كلشي رجع ينشط مع لبنى وانا بقيت كنفكر.. الحاجة عندها الحق خاصني نعرف علاش محملتش حتى دابا...

الجزء 7
بقا تفكيري منصب على الحمل.. مشيت لزميلة ليا متخصصة في طب التوليد.. قلت ليها بغيت ندوز نشوف علاش محملتش لحد الان.. 
- اش غنقولك ادكتورة هدى.. نتي معندك حاليا حتى شي مانع للحمل.. وحتى المدة باش تزوجتو بيها ماشي كبيرة بزاف.. فالعادة كيتم البحث عن الاسباب مللي كتفوت المرا سنة ديال الزواج.. انا غنعطيك شي دوا تستعمليك غايعاونك على الحمل
-شكرا بزاف.. 
كتبتلي الدكتورة الدوا ومباشرة مشيت نشريه.. وبديت نستعملو.. داز السبوع ديال بنت لبنى .. ودازو ايام الخدمة للدار.. حتى واحد النهار.. مشيت نخدم.. انغمست فالخدمة للي كانت كثيرة.. ونسيت مخبرت وليد اني مشغولة.. مللي كملت كانت 12 دالليل... مشيت نشوف تليفوني لقيتو طافي .. ديشارجا وانا مشفتوش.. شارجيتو وفتحتو لقيت العشرات ديال الميساجات والعشرات ديال المكالمات من راجلي... اووف اليوما غيدابز معايا عاود.. صونيت وجاوبني .. 
- الو هدى فينك.. 
- انا فالخدمة.. 
- انا جاي.. 
جا عندي نزلت عندو وركبت معاه.. 
- حياتي سمحلي بزاف الخدمة كانت كثيرة والتليفون ديشارجا.. 
- هدى فين كنتي..
- كفاش فبن كنت راني كنقولك.. 
- لا نتي مكنتيش خدامة .. انا جيت وقالولي مكايناش .. 
- وليد واش كتضحك معايا.. شكون هادو للي قالولك مكايناش... وثانيا واش كنشك فيا اش هاد الطريقة دالهضرة.. 
- واش غيكدبو عليك .. العساس هو اللي قالهالي..
- العساس واش خدام فالزنقة ولا خدام معايا فغرفة العمليات.. زوينة هادي.. وليد.. الا معندكش الثقة فيا هاديك حاجة اخرى.. الا كانت عندك شك فيا واخا ديال 1% انا مغنبقا معاك حتى دقيقة.. بديت كنبكي.. وكنهضر.. 
- صافي.. سمحيلي مقصدتش .. هدى عفاك صافي.. انا غا تشطنت عليك .. مستحيل نشك فيك.. سمحيلي عفاك..
بدا كيرغب فيا وانا محاملاش الجيست للي دارلي .. نصبر معاه على اي حاجة الا الشك.. قلتله ماكاين باس .. ولكن قلبي من الداخل كيغلي.. 
- كنبغيك احبيبة ومنبغيكش تقولي هاد نتفارقو مرة اخرى .. انا نموت ومانتفارقش معاك.. سمعتي .. هاد الكلمة كتضرني فقلبي للداخل.. متخوفينيش عفاك.. متخلينيش نخاف من ان موضوع الفراق ساهل عندك.. 
عنقته وقلت .. لا مساهلش عندي.. ولكن نتا جرحتيني عليها قلت داكشي .. اكيد مقصدتوش.. 
- سمحيلي احبيبة حتى انا مقصدتش نجرحك.. 
- واخا ممكن نقلبو على الصيدلية اللي مفتوحة نشري شي حاجة..
- مالكي احبيبة واش مريضة.. 
- لا مامريضاش غا ديني عفاك.. 
- واخا.. 
مشا قلب على صيدلية الحراسة.. ودخل معايا..
- السلام .. بغيت تست ديال الحمل عفاك.. 
وليد تصدم فيا بقا كيشوف فيا بنظرة سؤال واش نتي حاملة .. شفت فيه وقلتله شششت .. خديتو ومشينا للطوموبيل.. 
- شوفي فيا واش حاملة.. غانولي اب 
- معرفتش اوليد.. مازال غاندير تست.. 
- ههه غانولي اب.. وااو 
عنقني بالجهد كنبغيك احبيبة... 
- وليد.. مازال حتى ندير التست.. 
- واخا .. هههه 
مشينا للدار وهو طول الطريق كيفرنس وشادلي فيدي وكيبوسها.. وصلنا للدار لقيت كلشي ناعس ..
- زيدي ديري التست نشوفو .. 
- ههه حتى غدا الصباح التست مكيدارش دابا.. 
- واخا احبيبة قوليلي كتوحمي على شي حاجة تشهيتي شي حاجة.. 
- هههه وليد.. عفاك باراكة هادشي مازال متأكدنا .. واش غادير مللي تتأكد.. 
- غندير الاميرة ديالي فعيني ومغنخسرليها خاطر.. 
درت يديا فعنقو وهو شدني من الخصر ديالي.. 
- ايوا ويلا مكنتش حاملة.. مغاتهلاش فيا؟.. 
طبع قبلة خفيفة على شفتاي وقال: نتي عمري وحياتي.. وغنبقا حياتي كاملة عبد ليك وتحت رجليك.. وعمري غنسخى بيك...