الجزء5
واخيرا قررت نمشي نزور قبرهم ..كان صعيب عليا نتاخد هاد القرار ولكن كان ضروري من اني نقوي نفسي ونمشي ومنبقاش نتهرب ..مللي مشيت وانا شادة فماما ومقدرتش نوقف على رجليا ماما حدايا وكتقولي شدي راسك وعلى قبلو متنسايش باللي البكا كيعدب الميت ..زيرت راسي ومشيت وكنبلع فريقي وقلبي مقبوض عليا ..كنلمح من بعيد عجوزتي جالسة على قبر وكتبكي ..ام مكلومة ترزات فولدها فعز شبابو ..حاسة بيها حيت حتى انا ترزيت فبنتي وانا مازال مشيعت منها ولا فرحت بها وترزيت فحب حياتي وراجلي اللي كنت كنشوف الدنيا به هو بوحدو ..محسيتش براسي حتى طحت عند قبرو وكنبكي بشدة وبحرقة عماااااد ..داروك تحت التراب حبيبي رد عليا ..الله يا ربي اش هاد العذاب ديني عندك وريحني من هاد العداب ....ماما وعجوزتي مقدروش يصبرو حتى هما بداو يبكيو ويشدوني وانا كنبكي باعلى صوت عندي ..لوكان الموتى كيفيقو كون فاقو على صوتي ..شوية حسيت بالقوة ديالي مبقاتش وانا نطيح ليهم تما ..حليت عيني فالسبيطار ..وليت معروفة عندهم دابا ... وصلت لواحد المرحلة اللي مبقيتش قادا نصبر مازال ..تحطمت ..والحياة فنظري سوداء معندها معنى ..نضت بلا منحس شنو كندير تمشيت حتى لقيت راسي طلعت السطح ووقفت على الحافة معرفتش كيفاش حتى وصلت لديك البلاصة ..وليت كنشوف قدامي غا عماد ونور وكنضحك ليهم قررت ننهي هاد العداب اللي راني فيه ..كنقوليهم انا جاية عندكم ستناوني انا جاية ..وعينيا منفوخين بالبكا ..فلحظة غمضت عيني وفرحانة حيت غنمشي لعند حياتي حتى حسيت بشي يد جراتني ..لقيت واحد الشاب مكنعرفوش كيشوف فيا بنظرة حادة تعصبت وبديت كنبعد نفسي عليه وكنغوت ..وهو مزير عليا وكيحاول ميطلقش مني ..بعد مني خليني نمشي ..عماااد عماااد ع...حسيت بالارض كتضور بيا وطحت بين يديه ..فقت لقيت راسي ماقدراش نتحرك ..كنت مكبلة بالمينوط عند راس الناموسية ..بديت كنجر يدي وكنغوت طلقوني خليوني نمشي بحالي لاش مكتفيني جا عندي الطبيب ..قالي الا غتعاودي تحاولي تنتاحري فديري فبالك انك غتبقاي هاكا ديما ..حياتك ملك لله واش باغا تموتي كافرة ..معندكش الحق تنهي حياتك بارادتك ..راجلك وبنتك ماتو ..هاداك قدر الله واش باغ تعرضي قدرو ..بدل متترحمي عليهم باش يرتاحو فقبرهم ..سكوت مبغيتش نسمع ماماتوش ماماتوش متقولش قبر ..خاصك تتقبلي الامر الواقع راجلك مات ونتي خاصك تتقبلي هاد الامر وتحاولي تبداي من جديد ..تحاولي تتأقلمي هادي هي الدنيا بداي من جديد ..بقيت كنبكي وكنطلب من الله يصبرني ..كيفاش نقدر نعيش اي حياة نقدر نعيشها بعد هادشي حياتي ماتت قلبي دفنته مع بنتي وراجلي ...#dodi_elaissati
0 Commentaires