أكرهه وأحب كرهي له - الحلقة 6

الجزء 6
قررت نواصل حياتي مادام الموت مازال موصلت ..نعيش على ذكرى حبيبي وبنتي ..حتى يدي مول الامانة امانته ..ربي اللي عالم بقلبي ..دخلت لداري واخيرا بكيت بزاف ..كل بلاصة كتفكرني بيهم كنشوف بنتي كتلعب وكتجري ..هاد البلاصة اول مرة تمشات ووقفات كانت هنا ..وهاد البلاصة كانت كتعجب عماد يجلس ويكتب فيها ..كل بلاصة هنا كتفكرني بيهم ذكراهم فيها ..قررت نعيش تما بوحدي ..شحال رغبت فيا ماما نمشي نعيش معاهم ..ومنبقاش تما بوحدي ولكن انا رفضت قطعا ميمنكش نبعد على هاد البلاصة حيت هي اللي بقاتلي منهم ..بقيت كنبات بوحدي وبمرور الايام قررت نعمر وقتي ومشيت للجريدة اللي كان خدام فيها عماد رحبو بيا وعبرو عن اسفهم لفقدان صحفي بحال عماد قررت نجلس فبلاصته ونكتب باسمي ..الفرق بيني وبيني اي غنكتب بحرقة كبيرة والكتابات ديالي كلها غتنصب في موضوع واحد وهو الحزن والفقدان ..بقيت مدة على داك الحال ..بقيت كنقرا المواضيع اللي كان كيكتب عماد ومكتابش ينشرهم مع كل موضوع نبقا نبكي ...بقات حياتي هاكدا متأرجحة بين ذكراه فالدار وفي العمل اي حاجة كتفكرني بيه ...حتى واحد النهار جيت فالصباح للمكتب وانا نلقا ورقة مكتوب فيها " بلا متقربي لشي حاجة ماشي ديالك باش متلحقيش على راجلك" صدمتتي ديك الورقة واخا معرفتش شنو قصد بيها مولاها مشيت كنجري لصاحب عماد المقرب ادهم وغووتت عليه ووريتله الورقة ..هدىئني وطلب مني نجلس 
-هادشي كان متوقع انا كنت عارف انه هاد الناس غيوصلو ليك هما فنظرهم بغيتي تهاجميهم حيت بديتي كتكتبي عليهم بحال عماد 
-وكيفاش هاد تلحقي على راجلك 
-ريم هاد الناس معندهم قلب انا خايف عليك ..اللي جا قدامهم كينحيوه ..قلبهم ميت 
-شنو كتقصد..
-كنقصد ماشي بعيد يكونو هما السبب فموت عماد وبنتك 
-اش كتقول ..كيفاش 
-نتي اللي كنتي وقت الحادثة وعلى حسب داكشي اللي سمعت هو انه فقد السيطرة على التحكم اكيد لعبولو فالطوموبيل ..
-عندك الحق كان كيفراني ولكن ..
-تماما قطعولو الفرانات ..
-شكون هادو ..وعلاش مبلغتيش البوليس انا غنمشي نبلغ دابا وحتى نتا غنفضحك معاهم كيفاش صاحبك وسكتي على حاجة مهمة بحال هادي 
-معنداش دليل ضدهم ..وهما كبار بزاف عندهم يد حتى مع البوليس ورجالهم منهم ..
-كنبكي والنار شاعلة فقلبي :شكون اللي قتللي راجلي وبنتي
-مكنعرفش شكون بالضبط ولكن كنسمع على واحد الضابط انا متأكد باللي عندو يد فموت عماد 
-شكون هادا
-انا غنعطيك المعلومات كلها عليه ولكن واعديني تردي بالك على راسك 
-قولي شكون هادا 
من جهة اخرى 
مجهول:درتي داكشي اللي وصيناك عليه 
ادهم: درتو واكدت ليها ان هشام هو سبب موت عماد
مجهول :عظيم خاصك تجعلها تيق فيك ، وخاصنا نضربو عصفورين بحجر واحد ..نتخلصو من هشام ومن مرت عماد فمرة وحدة مشيت وانا مرفوعة عماد وبنتي ماتو مقتولين ..انا قررت متغمض لي عين حتى ننتاقم لعماد وبنتي ميهدالي بال حتى نندمو ونقتلو كيما قتلي حياتي ..كنواعدك اعماد كنواعدك 😞