الجزء 4
جا دغيا دينا الولد للسبيطار دخلوه للمستعجلات.. كان اهمال بمعنى الكلمة الاطباء مكاينينش والدري قدامي كيموت وانا ماقادرة نديرلو والو.. غوتت تما حتى عييت حتى واحد ماداها فيا.. بقيت كنبكي..
منى: مصطفى دير شي حاجة عفاك ولدي كيضيع مني ..اهئ اهئ
مصطفى: اش عندي مندير .. لوكان عندنا الفلوس بحال الناس.. دابا كنا ديناه لشي مصحة.. خاصة ديال الناس اللي لاباس عليهم واللي كيتهلاو فيهم.. الفقراء بحالنا هادو هما سبيطاراتهم..
منى: انا معندي منستنى..غانبيع ذهبي ونبيع حوايجي والرزق ديالي كله باش نداوي ولدي.. انا مغانستناش هنا..
هزيت ولدي من تما .. ومشينا دغيا لواحد المصحة كان فيها الاستقبال زوين ولكن شرطو علينا نخلصو هو الاول.. على الاقل دخلو ولدي للانعاش.. تأليف دودي العيساتي
الطبيب: لالة خاصك تخلصي .. http://dodielaissati.blogspot.com/
منى: عفاك ادكتور عتق ليا ولدي .. عفاك..
الطبيب: علاش تعطلتو عليه هاكا.. الدري دخل فغيبوبة بسبب التأخير ديالكم... حنايا غانديرو مجهودنا.. والباقي على الله.. اهم شيء دابا تخلصو جزء من تكاليف المصحة.. والباقي من بعد..
مشيت كنجري.. اول شخص جا فبالي هو عائلتي خديت من ماما واحد المبلغ.. ورجعت للمستشفى جيت نخلص تفاجأت بداك المبلغ اللي قالولي .. منين غانجيبو.. خلصت داكشي اللي عندي.. على اساس نكمل الباقي من بعد.. مستعدة نبيع رزقي وكل ما كنملك فالدنيا على ولدي.. منقدرش نعيش بلا بيه.. هو حياتي... بداو كيديروليه السكانير ودخلوه للانعاش دارولو الاجهزة .. كنشوف فلذة كبدي اللي ولدته بعسر واللي كبرته قدام عيني مربوط وفحالة سيئة وانا ماقادرا نديرله حتى حاجة.. تقهرت بقيت كنستنى على اعصابي وماقادة ندير والو.. بقيت كنستنى ومصطفى حدايا..
مصطفى: منى.. منين غانجيبو الفلوس.. dodi elaissati
منى: ضبر راسك.. انا مغانخليش ولدي يموت.. والى مقدرتيش دير شي حاجة على قبله فانت مكتستاهلوش..
مصطفى: هاداك ولدي حتى انا .. ولكن خاصنا نفكرو..
منى: سير خود الدهب ديالي بيعو.. معندي مندير به.. وبيع حتى الدار.. مستعدة نبات فالزنقة وولدي مايضيعش مني ...
بقيت كنستنى ونستنى.. دوزت اكفس ليلة فحياتي.. صعيب بزاف تستنى والاطباء مكيقولو والو.. معنديش حل من غير نستنى.. حاضية داك الباب ديال الانعاش.. متحركتش منه..
0 Commentaires