مصطفى: واش عباد الله كلشي مهنيين الا حنا ديما فالمشاكل.. شفتي الناس كيفاش عايشين.. شفتي داك العشا قداش.. واش حنا نقدرو نديرو شي عراضة قد هاديك..
منى: شكون اللي داير هاد المشاكل.. انا مطلبت منك والو.. قيلني غا من هاد الصداع..
مصطفى: نتي هادشي فاش فالحة.. غا تقولي باللي انا اللي ديما جابد الصداع.. شفتي كيفاش كانو كيشوفو فينا فالعراضة.. شفتي داك ولد عمك كيفاش كان كلشي كيعاملو.. غا حيت لاباس عليه.. اللي معندو فلوس كلامو مسوس .. الناس فهمو للوقت وشدو الورت ديالهم ونتي مازال فيك الغفلة ديال لاواه صدقة جارية.. هادوك راهم عايشين برزقك ونتي جالسة هنا كتسعاي وكتموتي بالجوع هنا.. انا غدا غانمشي نهضر مع ناس الدوار يطلقو من ديك الارض.. الى سعفتك نتي بقينا الاخر ديال الناس..
منى: واياك.. الا درتيها مغانباتلكش فهاد الدار..وعمرك تشوف وجهي..
مصطفى: واش اما نموتو واما تهديني بالفراق.. dodi elaissati
منى: نعل الشيطان امصطفى... واش غانباتو ليوما كندابزو.. باراكا غا حشمتيني مع عائيلتي بتصرفاتك اليوما..
مصطفى: ياك الالة انا محشم بيك.. ايوا واخا .. والله لا عتبتي باب هاد الدار شي نهار.. من ليوما مكاين لا عائلتي لا والو.. دودي الريفيةhttp://dodielaissati.blogspot.com/
مشا ينعس وهو كيغوت ويدابز..انا بقا فيا راسي.. بقيت كنبكي على حالتي.. واش انا مامكتابش ليا نفرح فهاد الدنيا.. علاش دارلي هاكا.. علاش .. واش هادي عيشة.. العيالات بحالي مرضين رجالهم بالصداع وانا ديما ساكتة.. وشوف اش كيدير..
دازو ايام استسلمت فيها للامر الواقع.. مبقاش كيخليني نمشي لعند عائلتي ولا نخرج من الدار اصلا.. بحال الا كينتقم مني..لدرجة انه مللي كيخرج كيسد الباب موراه بالساروت .. باش منخرجش من موراه... ومع ذلك الصبر زوين.. انا صابرة على الله يعيا من هاد الضد اللي شاد معايا .. انا مهما كان مرتو .. وام ولدو وحبه الاول كيف كيقول..
حتى وصل فيه النهار المنحوس.. واللي منه غتتبدل حياتي كلها من بعد.. بحيت كان ولدي كيلعب وهو يطيح طيحة خايبة على راسو.. مشيت هزيتو لقيتو مكيتحركش.. بقيت كنبكي وكنهرس الباب باش نمشي دغيا نديه للسبيطار.. والو الباب مسدودة.. هزيت التلفون دغيا وبقيت كنصوني لمصطفى.. مكيجاوبش.. حسيت راسي بحال الى غير انا اللي بقيت فالدنيا.. حتى واحد ماجا يعتقني وانا كنبكي.. بقيت كنغوت وانا معنقة ولدي .. الله يا ربي ولدي كيموت وانا مكتوفة الايدي ومابيدي والو.. بقيت كنحاول وكنحاول نتاصل بيه.. بقيت ساعة وانا كنتدب وكنبكي اش غاندير.. الباب مسدودة حتى الى اتاصلت بحد اخور معندو مايدير .. شوية لقيتو كايتصل... اكيد بعدما لقا الكم الهائل ديال مكالماتي..
مصطفى: شنو كاين..
منى: اجي دغيا ولدي كيموووووت ....
0 Commentaires