الجزء 3
دوزت سبعة ايام دالباكور على حقها وطريقها.. تساريت وسافرت مع وليد.. وقصرنا انا والعائلة مزيان.. سالا الكونجي وجا الوقت نرجع للخدمة ووليد حتى هو رجع للمحل ديالو.. رجعت للروتين ديال الخدمة.. كل سيمانة كنتجمعو فالدار الكبيرة.. وكنقصرو.. لا اسلم من صحاباتي وبنات العائلة من الكلام اللي لا فائدة طبيبة تزوجات تاجر .. مقاريش.. مكيهمنيش.. انا ختاريتو بارادتي لوكنت مامقتانعاش بيه مغنتزوجش بيه.. ومغنمشيش على هواهم هما.. واحد النهار كنت ناعسة بالليل حتى سمعت التلفون كيصوني..
- الو
- الو دكتورة خاصك تجي حالا .. كاين واحد الحادثة خطيرة وخاصنا نستقبلو المرضى..
- انا جاية دابا..
وليد: فاين غادية فهاد الليل
هدى: الواجب ينادي احياتي..
وليد: اشمن واجب .. ياك عندهم دكاترة رجال ايوا يعيطو ليهم.. نتي مرت الراجل وميمكنش نخليك تخرجي فهاد الليل
هدى: الى خايف عليا نوض وصلني.. دغيا معنديش الوقت مغانخليش الناس تموت ونجلس نتناقش معاك فهاد التفاهات..
وليد: تفاهات.. واخا الالة..
ناض بالنفيخ بدل حوايجو ووصلني طول الطريق مهضرش ومكايجاوبش على الهضرة ديالي..
مشيت للسبيطار اديت الواجب ديالي وبقيت تما حتى الصبح.. نعست تما مع المرضى.. عييت بزاف كملت الخدمة ديال النهار وجيت للدار كليت مشيت ديركت نعست معقلتش على راسي...
حسيت بقبلة على خدي.. حليت عيني لقيت وليد حدايا.. واش غتبقاي هاكا ناعسة راني توحشتك
- وليد شحال فالساعة ..
- هادي 11 دليل ..
- اووف نعست بزاف.. ولكن عييت عليها معقلتش على راسي
- انا من قبيلة كنفيق فيك.. وانتي بحال الى ميتة..
- سمحلي ولكن راك شفتي شنو وقع
- شفت احياتي.. حتى انا معاتبتكش .. ولكن منقدرش ننعس بلا منهضر معاه .. راني كنتوحشك ونتي حدايا..
- هه يخليك ليا اعمري..
داز داك النهار .. واخا كنحس وليد متحسس من خدمتي .. كيجي كيلقاني ناعسة وعيانة ولكن كان صابر ومكيبغيش يخسرلي خاطري.. وصل نهار السبت.. ومخدمتش.. بغيت نعوض لوليد الوقت اللي داز.. وجدت العشا .. باش نتعشاو غير انا وياه الراس فالراس.. بيتي كبير درت فيه طابلة وجوج كراسا درت عليها غطا حمر وحطيت شموع وورد بيض واحمر.. داكشي زوين بزاف.. خديت احسن ما عندي فلي شوميز دو نوي.. صاوبت المايك اب.. مللي جا فاجئتو بداكشي اللي وجدتلو.. كان فرحان بزاف .. على الاقل صبرو جاب نتيجة.. بدينا العشا وهو يوقع اللي مكنتش كنستناه.. تلفوني صونا وجاوبت.. الو دكتورا محتاجينك دابا.. هادشي عمري رديتلو البال ولا عصبني مللي كنت سيليباطير.. ولكن دابا راني مزوجة.. وراجلي كيتعصب من هادشي..
- وليد.. انا
- فهمت نوضي نوصلك...
بلا هضرة نضت بدلت حوايجي.. ومشيت وصلني..
- سمحيلي ادكتورة بزاف.. ولكن كاع الاطباء اللي صونيت ليهم مكيجاوبوش.. سمحيلي الى عدبتك..
- مكاين مشكل.. (لوكان عرفتي مادرتي فيا)
كملت ديك الحالة دغيا كان وليد مشا صونيتلو مكايجاوبش .. اووف كيفاش غندير دابا .. عاودت صونيت جاوبني ..
- نعام
- وليد انا كملت خدمتي اجي ديني
- جلسي ربما تبان شي حالة اخرى.. بلا متعدبي غادة جاية..
- وليد... علاش كتهضر بحال هاكا... عموما الا بغيتيني نبات هنا معندي حتى مانع.. قطعت وانا معصبة.. شوية تنادم معايا الحال.. علاش درتلو هاكا.. انا اللي فيا لغلط راه خسرت عليه السهرة ديالو.. لا ماشي الغلط ديالي .. هو تزوجني وهو عارف باللي خدمتي صعيبة بزاف.. خاصو يقبل كما كان الحال..تأليف دودي
0 Commentaires