الجزء الثاني
حبي لعماد منقدرش نوصفو كان بالنسبة ليا حلم وحققتو ..هو كان كيبغيني اكثر وكيعشق التراب اللي كنتمشى عليه كنت ديما كنسمع منو كلمة كنبغي البراءة ديالك والنقاء ديالك ..فعلا كنت كنحس ان الدنيا هي عماد ومكينش شي حاجة اخرى من غيرو ..تمت خطوبتنا انا وعماد وبعد شهرين تم العرس درنا حفلة عرضنا فيها كلشي حبابنا وصحابنا وعائلتي وعائلتو داز كلشي زوين انا وياه كنا فرحانين فوق ما يتخيل اي انسان مللي سالا العرس مشينا انا وياه للاوطيل ...وفلحظة رومانسية خرجنا انا وياه نشمو هواء البحر والنسيم كيلاعب خصلات شعري جبد سنسلة فيها اول حرف من سميتي وسميتو قالي هادي لبسيها ومبغيتكش تحيديها ابدا مهما كان ومهما حصل هادي غتحسسك بالامان كاني معاك بالضبط ..قلتلو انا اصلا عمري نتفارق معاك واخا يوقع شنو يوقع انا ديما معاك وغنبقا جنبك ..دازت ليلتنا..ليلة عمرها تتنسى ليا ..ولا في الاحلام ..دوزنا شهر العسل فمراكش مدينة السياحة بالنسبة ليا ..مللي رجعنا بدا عماد خدمتو ..وانا كل يوم كندوزو معاه بحب وسعادة ..دازت اربع شهور على زواجنا ..حتى حسيت واحد النهار بالدوخة والتقية قالتلي ماما ندير تست لانه ممكن يكون حمل ..مشيت كنجري الفارماسي شريت التست ودرتو ..انا حاملة فرحتي كانت كبيرة ومتسنيتش حتى يجي عماد مشيت عندو لمقر الجريدة ..جريت عندو بسرعة وعنقتو وهو مخلوع وكيقولي مالكي اش وقعليك شي حد تعرضليك .. وانا نغوت عليه انا حاملة اعماد حاااملة وكنضحك هو متيقش هزني وبدا كيضور بيا وكلشي اللي خدام تما بدا يبارك لينا وحنا فرحانين بزاف
0 Commentaires