أكرهه وأحب كرهي له -الحلقة 1

اكرهه واحب كرهي له 
الجزء 1 #dodi_elaissati
مالك اهاد الويلة كتجري بشوية عليك 
بلاتي اماما 
شوف شوف غطيح من البالكون ..كما العادة تبليتي بالجرائد ..ومصدعة معاك داك مول الكيوسك 
اماما خليني راني مشغولة ،، فينو فينو الصفحة السياسية ها هو عنوان كبير عن رجل اعمال وسياسي وقضية فساد ..مممم مكيهمنيش شنو دار هاد السياسي ولكن كتهمني كل كلمة تكتبات هنا كنحس بيها ..كيهمني الكاتب ..ورجعت بيا الذاكرة لثلاث سنين قبل ..مللي كنت ماشية بسرعة غادية للجامعة حيت تعطلت وانا نتصادم مع شي حد بلا منشوف قلت ..اووف هادشي اللي ناقص رفعت عيني شفت واحد الوجه بشوش طيح مني النص كنت غنطيح ليه تما قالي ..شنو اللي ناقص واش نعاونك فشي حاجة الانسة ؟ انا بكمت وتزيزنت شافلي فواحد الكتاب كان فيدي هزو وقالي اه عندك حصة مع سي المنور عاد كنت معاه وراه بدا الحصة وانا نفيق جريت ومشيت دغيا ندخل للحصة وخليتو واقف ..الحصة كاملة وانا كنفكر فيه زوين ووجه ملائكي والهضرة بهدوء وبلقياس اووف لوكان غا تعرفت عليه كملت الحصة وخرجت تمشيت كالعادة حانية راسي مع طلعت راسي شفتو واقف وسط شي بنات كيهضرو معاه وباينة فيهم مهتمات به انا معجبنيش الحال شفت قدامي وتمشيت هو شافني وسمح فدوك البنات كأنهم مكاينينش وجرا عندي وكان فرحان قالي كملتي الحصة ديالك بارتباك قلتله اه مدلي يدو وقالي انا عماد صحفي واستاد باحث فكلية الاعلام والصحافة ..مديتلو يدي حتى انا وسلمت عليه ..انا ريم طالبة ...بقيت مرتبكة ومقادراش نشوف فيه ..كانت هاديك هي الشرارة الأولى لقصة حبنا انا وعماد ..حب اللي بين شخصين من النظرة الاولى .. واليوم بعد ثلاث سنوات كبر الحب ديالنا وليت كنقرا اي مقال ليه فالجرائد كل كلمة كنحس بيها منو كنحس بالامان عماد الحبيب ديالي ..بعد مدة خدا عماد جائزة احسن صحفي ..فرحتله بزاف وكنت غنطير بالفرحة ..ملي خدا الجائزة صونالي بعد ذلك وباركتلو ..وقالي انا خديت جائزة الصحافة ولكن مازال خاصني ناخد جائزة عمري ..قلتله اينا جائزة ..قالي بغيت نشوفك خرجي عندي..وافقت على الفور لبست وقاديت راسي مللي خرجت عندو ..شدلي فيدي وتمشينا حسيت بالفرحة معاه كانو الناس غاديين وجايين والشتا خفيفة ..وانا حاسة باللي كاين غا انا واياه فالدنيا .. شوية شفت شي حاجة بعيدة مضوية عماد جبد واحد الثوب من جيبو وغمض لي عيني وشدني وبقا كيتمشا بيا وانا شادة فيه ومحسيتش بالخوف نهائيا مللي حيدلي الثوب على عيني لقيت راسي وسط قلب كبير مصنوع من الشمع وكلشي الناس كيشوفو فيا وصحاباتي وصحاب عماد حطيت يدي على فمي مقدرتش نصبر بالفرحة طاحولي الدموع وعنقتو بشدة شوية جبد بواطة صغيرة من جيبو وحنا على ركابيه وقالي ريم..تتزوجي بيا؟؟تقبلي تكوني مراتي وروحي وحياتي طول العمر وحتى حاجة متفرقنا غا الموت؟؟ انا مقدرتش نصبر عنقتو وانا كنبكي قلتلو موافقة مواققة نعيش معاك طول حياتي ..كنبغيك احبيبة..حتى انا كنبغيك بزاف 
كلشي بدا كيصفق وانا الفرحة مسايعانيش حب حياتي معايا احساس لا يوصف ..