خديت منها العنوان متعطلتش صونيت لوليد..
- الو حياتي ..
- الو وليد.. ممكن تجي دابا..
- فورا..
متعطلش بزاف لقيتو جا.. فتحتلو..
- حبيبة خاصك شي حاجة..
-اه بغيتك تبقا مع عمران.. انا عندي شي شغل نقضيه ونجي..
- محتاجة نمشي معاك..
- لا .. مغنتعطلش واخا..
خرجت وخليتو مستغرب.. شنو نقولو وانا براسي معارفاش شنو كاين.. مشيت للعنوان دقيت وفتحلي راجل..
- السلام عليكم .. ساكنة هنا فرح..
- اه.. فرح مريضة شكون بغاها..
- انا الدكتورة هدى.. طليقة خوها وليد..
سكت شوية .. وقالي.. تفضلي..
دخلت .. وخرجت فرح غا شافتني جات عنقاتني.. وكتبكي.. شفت فيها
- فرح اشكون اللي دار فيك هاد الحالة..
كانت مضروبة وسكتات وشافت فراجلها.. شفت فيه وهو يحني راسو وشاف فالارض..
- ممكن نفهم اش واقع هنا.. واش نتا اللي درتي فيها هاد الحالة.. ممتيقاش راسي.. الاستاذ الفاعل الجمعوي ...
فرح: هدى.. هو مكيكونش فوعيو.. انا متفهماه..الله يعفو من الشراب
هدى: ومكيكونش فوعيه؟؟ واش بغيتي شي نهار يقتلك.. ونقولو ديك الساعة راه مكانش فوعييه.. جمعي حوايجك زيدي قدامي اش مصبرك عليه..
جا هو شدها وقال.. عفاك ادكتورة.. انا غنحاول نبعد للشراب والله حتى كنبغيها ومكنحملش راسي مللي كندير ليها هكا.. عفاك فهميني..
- ايوا واش كتسنى .. الناس كيمشيو للمصحات وجمعيات للادمان.. نتا جالس كتفرشخ فيها مللي تفيق تمشي ترغب فيها تسمحليك.. شكون يصبر على هادشي واش صحابليك منيكة.. هادي راه بنادم..
- كنقسمليك اني غنمشي نتعالج.. ولكن عفاك.. متخديهاش معاك.. انا مغنقدرش نعيش بلا بيها..
- مزيان ايوا اش كتسنى.. حتى تقتلها.. ايوا مزينتو هاد الحب..
فرح: هدى .. انا غنعاونو باش يبعد للشراب .. انا غنصبر معاه..
- شوف اسي الاستاذ.. انا كل نهار غتلقاني واقفاليك.. اخر مرة نشوفها بهاد الحالة.. اقسم لك ايلا لقيت دمعة وحدة من هنا لفوق فعينيها .. والله حتى ندخلك الحبس.. قالك الحب .. الذل هادا.. ونتي شوفي فيا.. غا تلقايه رجع سكران سدي عليه الباب يبقا فالزنقة.. ولا سدي عليك بابك.. علاش كتعرضي راسك للخطر.. ولا كيبقى فيك.. الحنان كيداير..
نقيت ليه ودنه مزيان وهو بقا غا كيسمع.. هادشي بزاف.. اللي يدير شوية دالعضلات يبدا يضرب فمرته.. الكنس كيداير..dodi elaissati
0 Commentaires