الجزء 25
بقيت كنجرجر فيه وهو دايرلي الخاطر.. حتى وصل اخر الشهر.. عيطلي مشيت لبيتو .. لقيت معاه لارا .. درت راسي معصبة ..
- اش كتدير هادي معاك..
- لينا العزيزة.. دابا تعرفي احبيبة.. فين هو ياسر..
- انا معرفتش..
- انا غانقولك فين هو.. مشا يبلغ بيا البوليس.. على الصفقة ديالي.. وصحابليه غايشدني دابا ولكن هو مخطئ بزاف..
- اش هادشي كتقول مستحيل.. ياسر قاتل مأجور.. ومعندو علاقة بالبوليس..
- لينا يا لينا.. واش صحابليك انا غبي حتى هاد الدرجة.. انا راه البوص.. مغتجيش نتي تزاديتي اليوما ديريها بيا نتي وياسر ديالك..
- انا.. شنو كتقصد..
مازال كنهضر لقيت واحد الجوج جايبين ياسر وكله مضروب.. طاحولي ركابيا .. مكرهتش نقتلهم كلهم.. سكتت
- بوص اش هادشي واقع انا مافهمتش قصدك..
- نتي سولتيني داك النهاو وانا جاوبتك .. شكيت فيك وطلع شكي فمحله.. صيفطي ياسر باش يبلغ بيا.. وانا حصلتكم..
- هادشي كدوب.. انا متافقت مع حد.. وزايدون شنو مصلاحتي اني نبلغ بيك.. ياك الثروة ديالك فيدي الى تزوجت بيك.. شنو غانستافد الا عطيتها للبوليس..
ياسر: بوص انا غنعتارف ليك..
بقا قلبي مقبوط.. مشيت فيها..
البوص: هضر..
ياسر: لارا.. كانت كتصنط عليكم داك النهار.. وطلبات مني نمشي نبلغ البوليس بيك.. باش تتشد وتاخد هي الثروة كلها وواعداتني انها غاتعطيني اللي بغيت..جات قالتليك هادشي باش تتخلص من لينا.. كانت بغات تضرب عصفورين بحجر واحد..
لارا: كدوب.. هادشي كله كدوب متيقوش انا متافقتش معاه.. كداب
ياسر: مكدبتش انا كنت مخلص ليك بوص ولكن هي غواتني.. وانا ضعيف.. مقدرتش نتحكم فنزواتي..
يمنى: انا ديجا شفتهم مع بعضهم.. لارا هي الخاينة .. لارا ماشي انا
بوص: انا غانتأكد من هادشي.. ديوهم بجوج والا تأكد باللي خنتوني.. انا مكنعرف جزاء للخائن الا الموت..
داو ياسر ولارا .. انا متبعاه بعيني خاصني نتصرف.. ياسر غايضيع مني..
0 Commentaires