الجزء 26
بقيت ساكتة وكنمثل دور الغضبانة من البوص حيت شك فيا وهو حسيته ضعف قدامي وبدا يحزر فيا
- حبيبة قلبي عفاك سمحيلي.. عذريني ديك الشيطانة لعبات بعقلي..
- لوكان مابانت الحقيقة دابا كنت غنكون فعداد الموتى.. كون مت ظلم..
- طلبي مني اللي بغيتي.. اي حاجة.. قوليلي باش نكفر على الذنب ديالي .. واش بغيتي نكتب ليك هاد القصر بسميتك..
- بغيت حاجة اخرى..
- طلبي..
- بغيت ننتاقم من هادو اللي كانو باغيين يظلموني..بغيت نذلهم.. نخدمهم عبيد هندي باش نتشفى فيهم خصوصا ديك لارا.. وبغيتك تحيد ليها كاع داكشي اللي كتملك.. راها كتحفر ليك..
- واخا انا كنت باغي نقتلهم ولكن حيت غايشفي غليلك هادشي .. انا موافق..
- انا بغيت نعيش معاك مكتهمني لا صفقة لا والو.. المهم هو نكون انا وياك ..خليك من هاد الخدمة ومن هاد الناس..
- هادي التالية الينا.. انا كنواعدك.. مكاينش صفقات موراها..
- انا خايفة عليك..
- بغيتك تكوني معايا.. الصفقة غاتكون نهار الاتنين مع 9 دالليل..
- لا انا كنت باغا نتزوجو فهاد النهار.. ولكن الا كانت صفقة العمر.. جيب الشحنة للقصر باش تكون فأمان ومن تما مللي يسالي العرس فرقها كما بغيتي..
- واخا الكتكوتة ديالي اللي بغيتيه غايكون..
جاب البوص ياسر ولارا كانو فحالة خايبة بزاف.. خلاها توقع على شي ملفات عرفت انهم كل ما كتملك..
- لبسوها بحال الخدامات.. سيري الكوزينة... غندمك حيت فكرتي تتاهميني.. اما ياسر.. انا غانمشي نتسخر وبغيتك تهز داكشي اللي نجيبو هادا اقل عقاب ومازالك ماشفتي مني والو..
ذليت ديك لارا مزياااان اما ياسر كنت حذرة فالتعامل ديالي معاه وقلبي كان كيتقطع من جيهته معرفتش اش ندير.. قلتله داكشي اللي درت قالي مزيان داكشي اللي بغا حتى هو.. كنت خايفة بزاف.. البوص فرحان حيت واخيرا حددت موعد لزواجنا.. داك النهار اللي واعدني فيه ياسر باللي كلشي غايسالي فيه.. وغنتهناو من هاد العذاب.. بقيت خايفة وكنتعامل بحذر شديد.. الوقت مكانش باغي يدوز دغيا.. الموت البطيء.. معرفتش لحد الان كيفاش غنفلتو من البوص.. وصلت لمرحلة كبيرة قدرت فيها نواجه رئيس اخطر عصابة.. ونديره فيدي.. امامي خياران اما نتزوج بالبوص ونعيش معاه كملكة وننسى حبي.. او نهرب مع ياسر نختار العشق والحب اللي عشت حياتي كنستناه..
0 Commentaires