الجزء 24
بديت نتفشش وندير راسي كنوجد للخطبة عشت الدور مشيت شريت داكشي اللي عندي فيه الخاطر كله.. كنت خايفة بزاف.. مفاهماش كيفاش كيفكر ياسر.. واشنو غايدير.. لقيت البوص موجد الجردة بالليل غايدير حفلة كبيرة وغانركبو الخواتم.. دار مهرجان غير دالخطبة العرس اش ناوي يدير فيه.. دازت الحفلة كنت فيها بحال شي اميرة.. كلشي كيشوف فيا وفيه فضول يشوف هادي اللي سلبت العقل للبوص.. كلشي كيشوف فيا .. عارفين ان هاد البنيتة تربعت على عرش الثروة ديال اكبر رئيس عصابة فالبلاد.. البوص كان فرحان ليا وغا لاصق فيا مخلاش ليا فرصة نتنفس فيها.. كنت كنقلب على ياسر مالقيتوش اكيد مغاديش يحضر فخطبة حبيبته.. دازت ديك الخطبة وانا محاملاش راسي .. ركبنا الخواتم.. لبسني خاتم ديال الدياموند.. باينة فيه من اغلى ما يكون .. ولبسني طقم من اجمل الحلي.. هادا على اخر ايامه جا يعيش الدور معايا انا.. الله يعطيه الذل..
دازت الخطبة وبديت كلما قالي البوص فوقاش العرس كنقولو مازال موجدت راسي.. مازال مازال.. واحد النهار بقيت مقصرة معاه حتى بدا يهضر..
- بوص عاودلي.. نتا كيفاش قدرتي دير كاع هاد الثروة كلها..
- حبيبة .. انا غانقوليك.. انا ماتزاديتش وانا غني.. ولكن كنت خدام مع واحد المافيا وتعلمت كلشي.. تجارة الاسلحة وتجارة المخدرات..وتجارة الالماس.. هي اللي كادير كاع هاد الثروة اللي نتي شايفاها..
- ومازالك خدام فهادشي..
- بيني وبينك.. عندي واحد الصفقة ديال العمر.. نديرها وبعدها غانتفرغ ليك الحياة... نعيشو الحياة بطولها وبعرضها... انا ونتي وولادنا..
- هه دابا ولاو ولاد..
- اه احبيبة.. حيت انا بغيت منك بزاف ديال الاولاد بزااف.. يكونو كيشبهو فيك..
- وكيفاش غادير لهاد الصفقة اللي غاتعيشنا فطوب انا ونت وولادنا..
- هادي اكبر شحنة غاتدخل وغتنوزع على جميع دول افريقية..
- وفوقاش غتدخل هاد الشحنة..
- الشهر الجاي..
- فالمرسى ياك ..
- برافو عليك.. ولكن هادشي مخاصش يخرج..
- متخافش..
كما العادة وصلت هاد المعلومات كلها لياسر.. وفرح ..
0 Commentaires