الجزء 30
فقت شفت فيه لقيته كيشوف فيا وكيضحك..
- كيبقيتي لاباس .. ارى نشوف حرارتك.. نزلات مزيان..نوض تمشي لدارك.. انا وياك مبيناتنا والو باش تبقا بايت معايا..
- لا .. انا باقي مريض .. شوفي شوفي.. اتشو..
- ههه نوض باراكة من التبوحيط..
- شحال كتواتيك الضحكة.. شحال هادي مشفتها على وجهك.. توحشتها بزاف..
- ايوا نوض.. سير بدل عليك هاد الحالة بعدا.. انا غنوجد الفطور. .. تفطر وتمشي واخا؟؟
- واخا موافق..
نضت وجدتله الفطور.. وهو لبس حوايجو اللي كانو شوية نشفو.. جا جلس حدايا .. وهاز عمران بين يديه..
- احسن فطور فحياتي..
- فطر بلا حس ولا غنجري عليك..
- صافي صافي هانا ساكت..
انا ساليت الفطور وهو مازال كياكل بشوية عليه مع اني ولفته خفيف فالماكلة.. اه كيتبوحط.. باغي يجلس اطول مدة هنا.. خليته حتى كمل .. وانا ساكتة وكنشوف فيه .. الصراحة حتا انا مسخيتش..
- وليد..
- حبيبة..
- شبعتي كيجاك الفطور..
- احلى فطور دقته فحياتي.. اه شبعت من الماكلة ولكن عمري منشبع من الشوفات فيك..
- مزيان.. الباب..
- مالو الباب..
- سير بحالك وسد الباب موراك..
- خليني شوية عفاك.. مازال مشبعت من عمران..
- صافي واخا جلس نتا مع عمران وانا غنخرج..
- صافي صافي هانا.. يا ربي فوقاش غتعفو عليا هاد البنت..
ناض خرج بزاز كلما وصل للباب كيرجع يقولي نبوس ولدي.. مشا.. وانا بقيت مع ولدي.. شوية سمعت الدقان فالباب.. مشيت نفتح الباب .. اوووف اوليد واش مكتعياش..
تصدمت مللي لقيت خديجة..
- خديجة !!! دخلي ..
- هدى انا مغنعطلكش بزاف.. بغيت نهضر معاك شوية..
- تفضلي..
دخلات مللي شافت ولدي باستو .. وبداو عينيها يدمعو..
- اول مرة كتشوفيه ياك؟؟
- اه حبيب عمتو..
- جلسي اخديجة.. انا كنسمعك..
- هدى.. انا معرفتش كيفاش غنهضر.. انا درت فيك غا الحاجة الخايبة .. ونتي فكل مرة كنتي غير كتعاونيني.. عفاك سمحيلي ..
- قلتلك المسامح هو الله..
- الله مغايسامحنيش الى مسمحتيش ليا نتي..
- خاصني نعرف علاياش غنسمحلك بعدا..
- انا.. كنت كنوسوس لوليد .. وكنقوله عليك الهضرة الخايبة باش يطلقك.. انا كنت سبب فقراقكم نتي ووليد..
- هادشي عارفاه..
- لا معارفاش.. انا قلت لوليد باللي شحال من مرة شفتك كيوصلك داك الطبيب فغيابه.. وباللي كنسمعك كتهضري معاه فالتلفون.. وباللي بيناتكم علاقة.. مخليت مقلتله.. كدبت عليه باش يطلقك حيت كنت خايفة منك تقوليلو على علاقتي بكمال..
- يعني وليد شك فيا.. بسبابك نتي..
- اه.. كنت ديما كنشوفو كيتعدب.. وكيبكي بالليل .. كيسمح فمرتو وكيمشي يبات فبيت لبنى ويضل الليل كامل يبكي حتى ينشفو دموعه.. وليد تبدل بزاف بعدما تفارق معاك.. ولا ديما ساهي وعقله غايب عليه.. كان كيبقى فيا.. ولكن مكنقدر نقولو والو.. من نهار مشيتي.. منعس.. بالنهار خدام.. وبالليل فايق كيشوف.. عيونه نسات النعاس.. تصاورك ديما حداه.. ومللي مقدرش يصبر.. ولا كيجي حدا دارك يبقا يبات حداها.. كلشي الناس شافوه.. وكلشي كيقولها.. شي كيقول حماق.. شي كيقول سحراتلو.. ولكن الحقيقة انه كان كيبغيك وندمان حيت تفارق معاك.. حيت مبقاش قادر يعيش بلا بيك.. كلشي هادشي بسبابي .. مرتو كانت كتعاودلي كلشي ونهار ولدتي كان ناسي التلفون فالدار وخرج.. صونيتي وقلتليها باللي هادي نمرتك تجاوب وشنو تقولك.. ومسحنا اتصالك من بعد .. وعرفت باللي هي ماشي بحالك نهار غدرات بيا وقالت لوليد..على اسراري ...فكان ضروري نرد ليها الصرف.. خصوصا بعدما غدر بيا كمال ومبقيت كنشوف قدامي والو فالدنيا.. قلت لوليد اش كدير ورا ظهرو .. هو كان كيقلب ليها على سبة.. وطلقها..
- ووليد.. عارف بهادشي..
- قلتهاله.. وكتشفت باللي كان عارف واستنتجها من عندو.. بعدما تفارق معاك.. وراقبك طول السبع شهور اللي مكنتي كتخرجي فيها غير على الضرورة.. ومكتهضري مع حتى واحد.. اكيد هاد المرا اللي ولات حرة ومازال محافظة على شرفها وسمعتها كيفاش غتخون راجلها..
- كما قلتلك اخديجة.. الى سمحلك الله انا راني مسامحاك.. وتوبي لله.. وخطيك على عباد الله.. حيت دعوة المظلوم خايبة..
- اه.. ربي جازاني.. وانا تعلمت.. وتبت لله.. والدليل كلشي خواتاتي.. كل وحدة فدارها.. الا انا.. هادشي اللي جنيت حيت متمشيتش فالطريق الصحيحة..
- الله يهدينا..
- بغيت نعطيك واحد الحاجة..
- شنو..
-هادي مصيفطاهالك مريم.. غتفتتح المطعم ديالها غدا.. وقالتلي نوصلهالك بيدي..
- مريم!! ياك كنت محشمة بيها مع عائلتها.. لاش بغاتني نحضر دابا..
- هدى حنا كلنا عرفنا قيمتك.. واولنا مريم.. ولكن كانت خايفة متسمحيش ليها..
- الله يسمح لكل واحد.. قوليلي.. كاين شي خبار على لبنى وفاطمة الزهرا وفرح خلاص ابتسام ديما كنهضرو انا وياها..
- كلهم بخير.. ولكن فرح..
- مالها فرح.. هضري..
- انا غنعطيك عنوانها.. يا ريت تمشي تهضري معاها نتي... يالله بالسلامة عليك .. ونتمنى نشوفك فدارنا قريب..
0 Commentaires