الجزء25
مستعد ندير المستحيل على قبلك احسنا باش ترجعي ليا ...مغنستسلمش وغترجعي ليا
دارت الواليدة العملية وولات مزيانة وكريم ديما معايا وانا كنقصد نعصبو وندير راسي مامسامحاهش ولكن انا كنموت عليه ....
-حبيبة قلبي هانا جيت
-متقوليش حبيبة ..انا محبيبة حد
-وعلاش احياتي
-متقوليش حياتي ..انا محياة حد
-واخا اقلبي ...(تأليف دودي)
-😐انا ماقلب حد ..متعصبنيش
-وشكون يتجرأ يعصبلي روحي غنمحيه من على وجه الارض
-اوووف وزايد فيهم كتفرنس وفرحان ...باغي غي تفقصني ...نسيتي شنو درتي فيا
-منسيتش احياتي وكنتمنى يجي نهار اللي تسمحيلي فيه
-اها وعلاش كتفرنس
-حيت فرحان
-فرحان حيت كتفقص فيا ياك
-نو نو ..فرحان حيت نتي معايا دابا وكنشوفك قدامي ...فرحان حيت للحظة خفت لامنعاودش نشوفك مرة اخرى ..كنت كنموت وكندعي ربي ترجعي كنت مستاعد نعيش خدام تحت رجليك ومتبعديش عليا مرة اخرى ..كنبغيك احسنا وممستاعدش نخسرك مرة اخرى ..نموت ومنخسركش ومستعد ندير المستحيل ونشوف ديك النظرة دالحب والحنان اللي كنت كنشوفلك فعينيك مرة اخرى
-انا..انا تعدبت كتار منك وخسرت كلشي بسبب الثقة اللي درت فقلبي وفيك ..مستحيل نتيق فيك ولا فشي واحد اخور مستحيل
-انا مقدر الغضب اللي راكي هازة فقلبك من جيهتي ولكن كنواعدك انه داك كريم ديال زمان مبقاش دابا ولا كريم واحد اخور ...كنبغيك ومستعد ندير اي حاجة عليك وعلى قبل تسمحيلي
-خليني عليك اكريم انا هدفي..
-هدفك تنتاقمي من منير
-مزيان مللي مازال راك عاقل..اي حاجة نقدر ننساها ..الا داكشي اللي دار داك الحيوان
-انا عندي ليك مفاجئة زوينة..واعدتك احسنا اني غنمحي اي واحد قربليك من على وجه الارض ..ومنير كان اول واحد أذاك ..
-مبغيتكش تعاوني انا غناخد حقي منو
-مغنخليكش تقربيلو مازال حيت كنخاف عليك من الهوا ..انا صفيتها معاه
-😨 شنو درتي ..قتلتيه ؟
-لا مكنوسخش يدي بداك الانواع ..انا خليت القانون ياخد حقو منو
-كيفاش
-انا درت بمساعدة صديق ليا مجموعة من التحريات واكتشفنا مصائب كبيرة عليه ..توصلنا لمجموعة من الملفات اللي غتحبسو مدى الحياة ..غيقضي حياتو فالحبس ..عرفتي اكبر ذل راهو فيه دابا ؟ هو مسجون مع نفس السجناء اللي كان كيمارس عليهم السلطة ديالو وكيضلمهم ...دابا راه معاهم وكيديرو فيه مبغاو مادام تحيد ليه داك الحصن اللي كان مخبي موراه
-الكلب ، انا..
-مبغيتك تفكري فوالو احسنا .منير خدا الجزاء ديالو هدا مكايستاهل ...فكري فراسك وعطي فرصة من جديد باش تعيشي حياتك ...عطي فرصة لراسك ...عطي فرصة لحبنا احسنا ...كنواعدك عمري مغانتخلا عليك ولا نقلقك
-بهاد البساطة ؟ ننسى كلشي بحال الى موقع والو ...
-بسطيها نتي ..مازال الحياة قدامنا وغنعيشو اجمل قصة حب
-بعد مني اكريم ..براكة العداب اللي عشتو ..مبغيت والو مزال اهئ اهئ بعدلي اكريم بعد ..خليني نعيش مبغيت والو بعد مني باراكة براكة ...(مشيت كنجري وكنبكي وخليت كريم مورايا)
-حسناء..حسناء...
كنواعدك احبيبتي غنخليك تسمحيلي وغترجعيلي ومغنسمح لاي حاجة تفرقنا من هنا الفوق
0 Commentaires