الحسناء ومدير السجن -الحلقة 24

الجزء 24
-الو ..
-حسنا نهار كامل وانا كنصونيليك 
-مدام سامية لاباس 
-خاصك تجي دغيا 
-اشنو واقع 
-ماما عيانة ودخلتها لسيبيطار 
تخلعت حسنا وجات كتجري تشوف ماماها
-ماما ،،عفاك اماما سمحيلي 
-بنتي حسنا ..كنحمد ربي حيت شفتك قبل منموت 
-متقوليش هكاك انا معاك وغندير المستخيل باش تولي مزيانة
-مدام سامية شنو قال الطبيب 
-قال باللي خاصها عملية مستعجلة للاسف 12مليون تكلفة ديالها 
-الله يا ربي فين غنلقا هاد المبلغ ..انا معنديش ..شكون غيقدر يسلفنا 
-ربي غيصاوبها من عندو 
يا ربي لمن نمشي وشكون غايعاوني 
-انا اللي غنخلصها وانا اللي غانعاونك 
طلعت راسي نشوف شكون كيهضر 
-كريم !!
-اه كريم احياتي ..شحال قلبت علييك ..وشحال ستنيتك وشحال سهرت حدا باب داركم ..عندي امل ترجعي شي نهار ..وها نتي رجعتي 
جا يحط يديه على وجهي وبعدت عليه 
-انا مبغيتش مساعدة منك ..انا غنضبر راسي 
مدام سامية -حسنا معندكش الوقت اللي تغضبي فيه الوالدة ديالك كتموت ..خليه يعاونك ..واعتبريهم سلفة غترجعيهم ليه من بعد 
-واخا ..كيما قالت مدام سامية انا غاناخد الفلوس منك سلف وغنردهملك مللي نخدم بشوية 
-الالة خودي راحتك ...انا فرحة قلبي مللي شفتك قدامي مرة اخرى ..كنت ميت بلا بيك ..شحال تعدبت وانتي بعيدة علي ..
-شششش متهضرش على العداب ...نتا قلبك حجر مكيحسش ومكيتعدبش ومتتوقعش مني نتيق باللي حنيتي حيت بعدت عليك 
-حسنا انا عرفت كلشي ..عرفت الحقيقة عرفت باللي منير دار خطة باش ينتقم منك ولكن انا غناخدليك حقك منو 
-منير هه منير حسابو معايا انا وحتى واحد مغايشفيلي غليلي منو ...
شدليا فيدي نترتها منو 
-حسنا رجعي ليا كنواعدك باللي معمري نتخلا عليك ونعيشك بحال اميرة فحياتك 
-فات الفوت اكريم ...فات الحال 
-حسنا كنترجاك نبوس ليك رجليك ..نبوس ليك يديك متخلينيش متخلايش عليا ..سمحيلي ...عفاك احسنا منقدرش نعيش بلا بيك 
-انا مازال كنعقل على كل كلمة قلتها ليا .. درتيلي بحال حثالة ترجيتك وترجيتك قلت ليك غنموت بلا بيك ..نتا مشفتي فيا حتى شوفة ..حتى ولدي نتا السبب ..تحرمت منو بسبابك ..على شنو غانسمحليك ..على حياتي اللي ضاعت كلها بسبابك ..فات الفوت اكريم فات