الجزء 36
بقات فيا فاطمة الزهراء بزاف.. خاصها مساعدة ميمكنش نخليها هاكا.. خرجت من عندها وانا فاشلة.. وانا نرجع عندها ..
- فاطمة الزهرا نوضي معايا غنمشيو لواحد البلاصة..
- فين نمشيو خليني عليك اهدى عفاك..
- نوضي .. انا غنصوني لوليد دابا شوفي..
هزيت تليفوني صونيت لوليد
- الو حبيبة..
- احم احم .. وليد.. انا غانخرج معايا فاطمة الزهراء.. غنمشيو لواحد البلاصة..
- فين غاديين .. انا جاي نخرجكم ..
- وليد.. منبعد ونقوليكم.. دابا هاك هضر معاها قرلها تمشي معايا ..
مديت التليفون لفاتي ..
- الو خويا
-افاطمة.. سيري مع هدى..
- واخا اخويا بالسلامة..
شفتي قلتلك نوضي زيدي..
ناضت مشات معايا .. مشيت للسبيطار للطب النفسي .. لقيت تما الدكتور كرم.. رحب بيا وعرفتو على فاطمة الزهرا .. وطلبت مساعدتو .. خليتهم مع بعض وخرجت .. الجلسة خاص تكون سرية.. بقيت برا بزاف حتى سمعت تليفوني كيصوني.. لقيت وليد.. قلتله فين انا جا عندي
- فاين هي فاطمة
- راها لداخل .. محتاجة مساعدة .. مكتئبة بزاف .. وكتشوف الدنيا كحلة.. مخاصش نخليوها هاكا .. جبتها عند بسيكولوك تبدا الجلسات ..
- هو فالصراحة ماشي هي اللي خاصها بسيكولوك .. انما سليمة ..
- سليمة بوحدها... خاص غا اللي يزعمها على الحاجة.. حيت كتخاف..
- وداك الخوف واش معندو سبب؟ كل حاجة فالدنيا وسببها
- شنو كتقصد .. انا كان يصحابلي شخصيتها هاكاك ..
- الموضوع اكبر مما كتخيلي.. انا كنخاف نقرب ليها.. حيت كنخاف نفتح الوحش اللي داخل منها.. كنخاف منها بزاف ..
- وليد راك خوفتيني .. مال سليمة .. هي براسها معارفاش مالها.. كتقولي معارفاش من اش خايفة ..
- سليمة .. كان عندها ثلاثة سنين.. مللي داها الواليد معاه لعروبية.. بنت صغيرة كتلعب بنيتها.. حتى لقات راسها وسط اربعة دالرجال كيغتاصبو فيها بوحشية .. كلما فكرت فالموضوع كنشمائز.. هزها من تما بين الحياة والموت.. بقات مدة فالسبيطار.. واخا رجعات لينا .. ولكن رجعات وحدة اخرى .. عقدة فحياتها.. الواليد كان كيقسى عليها.. والواليدة كتحاول تنسى الموضوع.. ولكن الاثر باين .. هانتي كتشوفيها كيفاش عايشة..
بلا منحس نزلو دموعي على خدي.. حبيبة.. مسكينة كاع هادشي وقع ليها .. ولاد الحرام انا لوكان نلقاهم نقتلهم .. وتقتل اي واحد كيغتاصب شي طفل فالدنيا .. خاص يتدار ليهم رجم فالطريق العام.. هادشي اللي خاصهم.. 😭 الكلاب كيفاش عطاهم قلبهم واش مكيحسوش .. كيفاش بنادم كيفكر فطفل.. كيفكر يقيس طفل ويتعدا عليه جنسيا .. خاصهم الاعدام.. ماشي بنادم هادو .. بديت كنبكي ووليد كيواسي فيا ..
- وليد حنا خاصنا نعاونوها.. نديوها لطبيب ..
- واخا .. اللي راكي شايفاه مناسب ديريه..
الجزء37
بقا راسي غينفجر مللي قالي وليد ديك الهضرة.. كنفكر.. علاش بنادم ذئب.. كيبغي ينهش فلحم لاخور.. حتى الاطفال.. مكيزكلوهمش.. علاش الدنيا خايبة هاكا.. علاش.. كنستناو فاطمة الزهراء.. وقلبي شاعلة فيه العافية ودموعي كينزلو بلا منحس ووليد شاد لي فيدي.. خرج الدكتور كرم وفاتي .. كان باين فوجهها الارتياح.. سلمات عليه وقالتله مرة اخرى انشاء الله.. سلم عليا الدكتور وعلى وليد.. بعدما عرفتهم على بعض.. طلبت منو نهضرو بوحدنا.. دخلنا للبيرو وعاودتلو كلشي على سليمة وطلبت مساعدته... قالي منكدبش عليه حالتها صعيبة خصوصا وان حالتها قديمة بزاف .. صعيب باش نفكو داك العقدة ديالها .. ونصحني ندخلوها للمصحة .. طريقها طويل خاصنا نصبرو ... شكرتو ومشينا.. سولت فاتي كيكتحس قالتلي مزيانة... تما عرفت بأنها بدات تشد طريقها .. فاتي بعقلها وكتعرف مزيان كيفاش تفرق بين الصالح والطالح.. مشينا للدار مباشرة مشيت لعند سليمة .. لقيتها منطوية ومكمشة.. بلا منحس عنقتها بجهد.. هي بحال الا كانت محتاجاني.. عنقاتني حتى هي بالجهد..
- حبيبة .. انا معاك واخا.. متخافيش وعمري مغنخليك .. غنمشيو لواحد للطبيب باش تولي بخير ويتحيد منك الخوف .. تولي بحالنا ..
شدات فيا .. وقالت عفاك متخلينيش.. كنواعدك غنكون معاك اسليمة..
ديناها انا ووليد.. هي طول الطريق شادة فيا .. حاسة راسها بحال شي حد داينها يعدموها.. دخلنا للمصحة استقبلوها ورحب بيها الطبيب .. وعاملها بلطف.. ومع ذلك مقدراتش تيق فيه.. هادشي طبيعي حيت عندها عقدة لا ارادية من الرجال.. جات واحد الطبيبة رتاحت ليها سليمة .. عنقتها قلتليها متخافيش كل يوم غنجي نشوفك.. عنقها وليد.. رتاحت بزاف .. ديما مبين ليها القسوة ولكن للداخل ديالو معدب من جيهة ختو..
مشينا وودعناها.. مشينا والغمة داخلة لقلبنا خايفين من اللي جاي .. خايفين على سليمة..
وصلنا للدار لقينا شي ناس قلت لوليد واش كتعرفهم قالي لا.. كانو جالسين فالصالون.. قالي وليد اجي معايا .. كانو جوج عيالات وواحد الراجل شارف شوية لابس جلابة باينة فيه فقيه.. وواحد الشاب .. المهم يجي ديك 34 سنة.. جلسنا انا ووليد ومافاهمين والو..
- وليد.:مرحبا بيكم ..
الفقيه: ترحب بيك الجنة اولدي.. حنا اولدي جايين طالبين راغبين فيد بنتكم لولدنا خالد.. على سنة الله ورسوله محمد صلى الله عليه وسلم .. وكما قال سيد الخلق صل الله عليه وسلم تنكح المرأة لاربع .. لدينها ونسبها ومالها وجمالها.. وحنا جايين طالبين فالنسب ديالكم اللي معروف بالاصل الطيب
وليد: اه مرحبا .. نهار كبير هادا وشكون بغيتو من البنات واش حددتو شي وحدة ولا مكتعرفوهومش.. حيت انا عندي ستة الخواتات ..
خالد: لبنى انا باغي لبنى
شداتني الضحكة .. اكيد هادا هو الشاب اللي كانت كتهضر هي وياه.. انا كنت متأكدة باللي غاتعجبو..
وليد: الف مرحبا.. ويا ترى شفتي لبنى شي مرة ولا بغيتي تشوفها ..
خالد : شفتها اه ..
وليد: فين
هدى: اا اكيد شافها داك النهار مللي خرجنا انا وياها نسيتي اوليد .. احم احم
خالد: اه شفتها معاكم الالة.. وسولت عليها قالولي الناس راها بنت اصل
وليد : مزيان .. معندي منقول ..
المرا: ونتي ابنتي ختو واش نتي مزوجة
وليد: هادي مرتي .. اه مزوجة
شديت الضحكة وليد كان غيوقفلو قلبو .. خاف لا يخطبوني انا ..
وليد: هدى نوضي طلبي من لبنى تجي
هدى: واخا
بقا راسي غينفجر مللي قالي وليد ديك الهضرة.. كنفكر.. علاش بنادم ذئب.. كيبغي ينهش فلحم لاخور.. حتى الاطفال.. مكيزكلوهمش.. علاش الدنيا خايبة هاكا.. علاش.. كنستناو فاطمة الزهراء.. وقلبي شاعلة فيه العافية ودموعي كينزلو بلا منحس ووليد شاد لي فيدي.. خرج الدكتور كرم وفاتي .. كان باين فوجهها الارتياح.. سلمات عليه وقالتله مرة اخرى انشاء الله.. سلم عليا الدكتور وعلى وليد.. بعدما عرفتهم على بعض.. طلبت منو نهضرو بوحدنا.. دخلنا للبيرو وعاودتلو كلشي على سليمة وطلبت مساعدته... قالي منكدبش عليه حالتها صعيبة خصوصا وان حالتها قديمة بزاف .. صعيب باش نفكو داك العقدة ديالها .. ونصحني ندخلوها للمصحة .. طريقها طويل خاصنا نصبرو ... شكرتو ومشينا.. سولت فاتي كيكتحس قالتلي مزيانة... تما عرفت بأنها بدات تشد طريقها .. فاتي بعقلها وكتعرف مزيان كيفاش تفرق بين الصالح والطالح.. مشينا للدار مباشرة مشيت لعند سليمة .. لقيتها منطوية ومكمشة.. بلا منحس عنقتها بجهد.. هي بحال الا كانت محتاجاني.. عنقاتني حتى هي بالجهد..
- حبيبة .. انا معاك واخا.. متخافيش وعمري مغنخليك .. غنمشيو لواحد للطبيب باش تولي بخير ويتحيد منك الخوف .. تولي بحالنا ..
شدات فيا .. وقالت عفاك متخلينيش.. كنواعدك غنكون معاك اسليمة..
ديناها انا ووليد.. هي طول الطريق شادة فيا .. حاسة راسها بحال شي حد داينها يعدموها.. دخلنا للمصحة استقبلوها ورحب بيها الطبيب .. وعاملها بلطف.. ومع ذلك مقدراتش تيق فيه.. هادشي طبيعي حيت عندها عقدة لا ارادية من الرجال.. جات واحد الطبيبة رتاحت ليها سليمة .. عنقتها قلتليها متخافيش كل يوم غنجي نشوفك.. عنقها وليد.. رتاحت بزاف .. ديما مبين ليها القسوة ولكن للداخل ديالو معدب من جيهة ختو..
مشينا وودعناها.. مشينا والغمة داخلة لقلبنا خايفين من اللي جاي .. خايفين على سليمة..
وصلنا للدار لقينا شي ناس قلت لوليد واش كتعرفهم قالي لا.. كانو جالسين فالصالون.. قالي وليد اجي معايا .. كانو جوج عيالات وواحد الراجل شارف شوية لابس جلابة باينة فيه فقيه.. وواحد الشاب .. المهم يجي ديك 34 سنة.. جلسنا انا ووليد ومافاهمين والو..
- وليد.:مرحبا بيكم ..
الفقيه: ترحب بيك الجنة اولدي.. حنا اولدي جايين طالبين راغبين فيد بنتكم لولدنا خالد.. على سنة الله ورسوله محمد صلى الله عليه وسلم .. وكما قال سيد الخلق صل الله عليه وسلم تنكح المرأة لاربع .. لدينها ونسبها ومالها وجمالها.. وحنا جايين طالبين فالنسب ديالكم اللي معروف بالاصل الطيب
وليد: اه مرحبا .. نهار كبير هادا وشكون بغيتو من البنات واش حددتو شي وحدة ولا مكتعرفوهومش.. حيت انا عندي ستة الخواتات ..
خالد: لبنى انا باغي لبنى
شداتني الضحكة .. اكيد هادا هو الشاب اللي كانت كتهضر هي وياه.. انا كنت متأكدة باللي غاتعجبو..
وليد: الف مرحبا.. ويا ترى شفتي لبنى شي مرة ولا بغيتي تشوفها ..
خالد : شفتها اه ..
وليد: فين
هدى: اا اكيد شافها داك النهار مللي خرجنا انا وياها نسيتي اوليد .. احم احم
خالد: اه شفتها معاكم الالة.. وسولت عليها قالولي الناس راها بنت اصل
وليد : مزيان .. معندي منقول ..
المرا: ونتي ابنتي ختو واش نتي مزوجة
وليد: هادي مرتي .. اه مزوجة
شديت الضحكة وليد كان غيوقفلو قلبو .. خاف لا يخطبوني انا ..
وليد: هدى نوضي طلبي من لبنى تجي
هدى: واخا
0 Commentaires