الجزء 34
بقينا كنهضرو على البنات وكنتافقو وواعدني يبدل معاملته معاهم ..
- متافقين ازينة البنات .. كنبغيك اهدى .. خسرات علينا الوالدة البارح ديك اللحظة .. كنت فعالم اخور حسيت راسي طاير فالسما .. لوكان شي حد اخور كون قتلته فديك اللحظة.. جات غا فالوالدة الله يسمح ليها..
- اجي حقا .. فكرتيني .. دابا نتا وليتي راجل مزوج .. وخاطب بنت الحاج معرفت شنو .. بنت الاصل والمفصل.. ومعرفت شنو ..
- انا!! لا فوقاش خطبت .. انا مخطبت حد ..
- ماماك زغرتات ليك.. واش نسيتي؟.. ونتا كنتي حداها فرحان.. سير عند مرتك
- مالكي على هاد الزربة خليني غا نشرح ليك .. شوفي انا غا كنت مفقوص منك وباغي نفقصك .. وقلت داك الهضرة لمي حيت عارفاها غادير بيها البوق.. وصافي.. مكاين لا خطبة لا والو..
- مممم الله يجعلني نتيق ..
- لا تيقي وتهناي.. القلب مافيه الا نتي .. كنبغيك ..
- ههه حتى انا كنبغيك ..
- شنو قلتي عاوديها .. مسمعتش ..
- هه كنبغيك اوليد كنبغيك
- الله شحال زوينة..اول مرة كنسمعها منك.. قلبي غيخرج من بلاصته.. اول مرة كنبغي فحياتي.. اول مرا فحياتي هي نتي..
- ههه الناس كيشوفو فينا ..
- خليهم يشوفو .. مالي كنسرق.. انا كنبغيك وغانقولها فوسطهم كاملين ..
ناض وبدا يغوت والمحل عامر بالناس..
وعباد الله شوفوني.. انا كنبغي هاد السيدة وكنحماق عليها.. كنبغيها بزاف وغانقولها قدام العالم كلو.. كنبغيك اهدى كنبغيك
انا وليت حمرا والناس كلشي كيشوفو فيا ملقيت مندير.. شي مستغرب وشي كيضحك وشي فرحان وشي كيقولو الله يخليكم لبعضياتكم .. انا ملقيت مندير .. وحشمت بزاف .. مسطي والله حتى مسطي ..dodi elaissati
الجزء 35
مشيت للدار وانا طايرة بالفرحة.. شافت فيا الحاجة كما العادة محاملانيش .. معليش.. مشيت لعند لبنى دقيت عليها الباب.. قالتلي دخلي.. دخلت لقيتها بلا نظاظر ومصاوبا راسها..
- هاي هاي على الناس.. تعلمو يديرو العدسات..
- هدى انا نقولك واحد السر..
- قولي احبيبة..
- عقلتي على داك الشاب اللي عاودلك عليه.. انا زعمت اليوما ووريتلو نفسي.. ولكن..
- ولكن شنو..
- منعرف.. انا راني خايبة بالنظاظر ولا بلا نظاظر.. قالي نمشي عندي شي غرض.. ولكن انا عارفة باللي غيمشي بلا رجعة بحال غيرو..
- شوفي فيا.. نتي خاصك تكون عندك الثقة بالنفس.. نتي عندك قبل الزين دالوجه.. زين القلب.. وانا متأكدة.. غادي يجي النهار اللي غاتلقاي اللي غيقدرك..
- كنستنى داك النهار.. هدى شكرا بزاف ليك حيت كتفهميني انا وخواتاتي.. من النهار جيتي تبدلو بزاف دالحوايج فالدار وفينا.. شكرا بزاف..
- نتوما اللي شكرا.. حيت حييتو فيا بزاف دالحوايج وبسبابكم انا عايشة الفرحة..
خرجت من عند لبنى مشيت عند فرح..
- زين ديالي فين وصلات فالقراية..
- انا تعلمت بزاف.. وياريت لوكانت مازال الاستاذة .. ولكن ماعليش انا كندير مجهود وكنتعلم ..
- انا عندي ليك خبار زوينة وغتفرحكم كاملين.. من غدا غترجع الاستاذة تقريكم وبخبار وليد.. انا هضرت معاه وهو معندوش مانع تقراو..
ناضت عنقاتني .. شكرا بزاف احبيبة شكرا.. معرفتش كيفاش كانت غتكون حياتنا بلا بيك..
- هادا واجب انا عاهدتك النهار اللول وضروري نوفي بعهدي..
نظرة الفرحة فعين فرح مكانتش كتوصف .. فرحاتني معاها بزاف.. خرجت من عندها واتاجهت عند ابتسام..
- بسومة كيف الحال..
- لاباس
-اش كديري..
- كنخيط واحد القفطان شفتو فالبيسي ديالك.. غيحمق كلشي ..
- تبارك الله عليك.. عندي ليك مفاجئة.. ولكن حتى الليل انشاء الله وغنقولك عليها ..
- خيرك كبير علينا اهدى .. ربي يخليك لينا ..
-ويخليكم ليا حتى نتوما .. معنديش خواتاتي ربي جازاني بيكم ...
خرجت من عندها مشيت عند فاطمة الزهراء.. دقيت عليها بابها
- ممكن ندخل
- اه تفضلي ..
- كيف الحال ..
- كنعدي .. يوم يشبه يوم
- علاش مكتئبة افاتي.. تفاءلي بحال خواتاتك.. متكونيش سلبية ..
- علاش غنتفاءل.. باش نتزوج.. وباش يتكرفصو عليا .. نولد ونتكرفص .. فالاخر يكبرو ولادي يتزوجو.. ونبقى كنشوف فيهم .. نبقى بحال شي كرسي معندي قيمة.. حتى نموت .. اللهم نستنى الموت من دابا.. مالي على ديك الدورة..
- الله يا ربي افاطمة الزهرا.. مال نظرتك كحلة للدنيا بحال هاكا.. الدنيا ماشي هاكاك.. غتزيان انشاء الله .. تفاءلي عفاك..
- الدنيا كيما كنشوفها انا هادي هي حقيقتها.. واللي قال العكس واه غا كيكدب على راسو..
0 Commentaires