الجزء 23
عزيزتي وروحي منى:
كيف تطلبين من هذا القلب ان ينساكي.. كيف تطلبين مني ان انتحر.. ففراقنا يعني الموت بالنسبة لي.. اني اتعذب.. فهذا القلب يهيم بهواكي.. يزيد شغفا وحبا بك يوما بعد يوم.. سامحيني .. انا لا استطيع.. احبكي.. ليتني استطيع ان احرر حبي من سجنه.. ليتني استطيع ان احرر حبنا من القيود.. كطائر هو سجين بقيود الاسر.. اعدك حبيبتي .. لن اموت انتظارا.. سأحرركي بأية طريقة.. سأفتح تلك الزنزانة يوما ما.. اعدك.. والى ذلك الوقت.. لا تنسي... ان طفلك شغوف به.. وهائم بحبك.. تحياتي ..رجل بقلب طفلك ...
رسالته كان ليها صدى كبير عليا.. يمكن كتصبرني.. وتخليني نتحمل هاد الجحيم اللي كنعيشه.. عنقت الرسالة.. وخديت ورقة وكتبتله..
عزيزي مروان،. انا اعيش ميتة.. اعيش بلا روح.. كيف لي ان انتظر او ان اعقد املا بانتظار خروجي من الزنزانة.. لا اظن ان هذا اليوم سيأتي.. هل تعلم شيئا .. لا اعرف ما الذي يجعلني اصدق هذا الطفل.. واشعر بارتياح وامل.. رغم ان الواقع لا يحيل ابدا الى شيء من الحرية فيما بعد..لكني ومع ذلك اصدقك.. سادع نفسي اعيش هذا الحلم.. لربما يأتي ذلك اليوم الذي يتحقق فيه اللقاء.. ربما.. الى ذلك اليوم تقبل مني حبي.. فنبضات القلب لا تطلب الاذن لتدق لاجل احد.. اما قلبي فدق .. لا اعرف هل دق من جديد ام لاول مرة.. مع تحياتي..العاشقة السجينة خبعت الرسالة باش نحطها غدا فالمكان المعتاد.. ونضت نوجد العشا للعرسان بكل نشاط وحيوية.. يمكن كنت محتاجة نخرج داكشي اللي فقلبي باش نرتاح.. جاو العرسان ناشطين .. لقاوني حاطة العشا وهي تهضر المسمومة..
سوسن: حنا تعشينا برا..
مصطفى: انا بغيت نعاود نتعشا ..
سوسن: اشنوا.. راك مشتاق لطيابها..
مصطفى: لا .. غير هو الماكلة ديال الدار ماشي بحال ديال الزنقة.. جلسي حتى نتي تتعشاي..
سوسن: مابغيتش.. كل بوحدك..
مشات ودخلات لبيتها وزدحاته.. اما مصطفى جلس حدايا وبدا ياكل بحال شي مشتاق .. انا ساكتة وكناكل.. مصطفى كلا بحال شي واحد عمرو ماداق نعمة.. مللي كمل قاللي : الله يعطيك الصحة ... ناض باسلي راسي ومشا دخل لبيته.. اودي .. دير اللي بغيتي مبقيتيش كتهمني.. معرفتش اش هاد الصواب طاح عليه فمرة.. دخلت لبيتي وصليت شوية لقيته داخل .. جا جلس حداية وانا كندعي مللي ساليت قالي: دعي معايا الحاجة..
- انا ماشي حاجة.. وزايدون انا خاصني ندعي عليك ماشي معاك ...
بقا كيشوف فيا بزاف .. وساكت ..
- منى.. مالك مابغيتيش ترضاي بالامر الواقع.. نتي ماشي اول ولا اخر وحدة عندها ضرة... عيشي عادي ومريضنا ماعندو باس.. وانا غانعدل بينكم وبالعكس.. نتي غايكون ليك النصيب الاكبر.. مهما كان مغاننساش الحب اللي بينا .. انا مازال كنبغيك بحال النهار الاول ولا اكتر...
- مابغيتكش.. ومابغيتش الحب ديالك.. عيش مع مراتك الجديدة وعطيها كلشي.. انا مابغيت والو.. بغيت غا تعطيوني نتا وياها التيساع..
حسيتو تعصب وزير سنانه ..
- شوفي فيا .. من اليوم .. غادي ديريه داكشي اللي بغيته.. نتي مراتي وبزاز عليه ديري واجباتك الزوجية كلها.. من السوم غانديرو التور والعدل بينك وبينها .. يوم ليها ويوم ليك .. ومابغيتش نشوف هاد الوجه المغوبش مرة اخرى ..
ناض وزدح الباب .. الله يا ربي اش باغي مني هادا .. واش ماناويش يعطيني بالتيساع ..اووووف
0 Commentaires