الجزء 23
داز شهر على غياب حسناء حاس براسي ناقصني الهوا حاس براسي ميت ماعايشش ..الف فكرة وفكرة كتضور فراسي فاليوم ..كنقول فراسي يمكن مشات تشوف شي فيكتيم اخور ..ولا شنو ..يمكن تكون دابا عايشة مع شي حد اخور كتمتل عليه الحب كيما متلات عليا انا
-السي كريم سمحلي على الازعاج ولكن السي انور كيقلب عليك
(انور صديق ديالي قديم وهو موظف فالمدينة )
_قوليه يتفضل
-افين اصاحبي
-مرحبا بخويا انور ،لاباس عليك
-لاباس اصاحبي جيت نطل على واحد الدري محبوس عندكم هنايا وقلت ندوز نسلم
-الله يا ودي مرحبا بيك
-كيداير مع الخدمة ..شفتك ممشي هنا الخدمة مزيان ..حسن من داك خينا اللي كان قبل منك
-ايوا الله يبعد علينا ولاد الحرام ..هو داروها بيه مسكين وخرجوه
-مسكين ؟؟ واش كتدوي من نيتك ..راه هداك عقرب ..كان داير هنا مابغا وكاياخد الفلوس من البزناسة بالملاين باش يعيش ليه رجالهم هنا فالحبي بحال الامراء ..كان معروف وكلشي عارفو وعارف فعايله ...شفات لينا فيه غدايدنا داك البنت اللي دارت بيه تقرير للمجلس الاعلى ..كلشي صفق ليها ..شجاعة ووقفات فوجه الفساد ومخافتش وانتصرات عليه
كريم مصدوم من هادشي اللي كيسمع:واش كتهضر بالصح ...انا كنت عارف ..كنت عارف
-يالله نخليك اخويا ...ونصيحة متيقش داك السيد ومتعاملش معاه حيت ضروري ميبغي يستغلك باش ديرليه اغراضه
كريم بقا مصدوم ومقادش ينطق حتى كلمة من بعد ما مشا انور
انا كنت عارف انه دوك العينين مستحيل يكدبو ..عرفت انه الاحساس ديالها نعايا مكيكدبش ..كنت عارف انها بغاتني وانها كانت صادقة معايا وعمرها مكانت لشي واحد من غيري.حسناء ..خاصني نلقاها ونرجعو لبعضياتنا ..ضروري نلقاها ونقلب عليها ..كنبغيك احسنا كنبغيك بزاف
دازت 3 شهور دابا ..مخليت فين قلبت عليها ملقيتش اللي يدلني ليها اختفى ليها الاثر وحتى واحد معارف فبن راها ..حتى من الام ديالها معارفا عليها والو ..ميمكنش نستسلم ..انا نادم حيت تخليت عليها شحال وهي كترجاني نتيقها ..انا اللي ضيعتها من بين يدي ..انا اللي ضيعت حياتي ...حسنا فينك رجعيليا عفاك ..كنترجاك مبقيتش قادر نعيش بلا بيك ..عفاك رجعيلي ..كنقسم ليك باللي عمري نتخلا عليك وعمري نخسر ليك خاطرك ..فينك احسنا فينك فينك
0 Commentaires