الجزء 22
رضيت بالهم والهم مارضا بيا.. اشنو اللي مصبرني على هاد الذل.. باع القلب ديال ولدي وشد ثمنه شرا بيه الدار وتزوج بيه.. وكيخسرهم كيفما بغا.. ومازال ما بغا يخليني نرتاح.. علاش يا ربي.. علاش هادشي يطرالي.. فوقاش غانخرج من هاد الهم.. اهئ اهئ .. كلشي مشا.. كلشي خسرته،.. مابقا عندي والو فالدنيا.. علاش غانعيش.. انا خاصني نموت..
- منى.. فتحي الباب...
شنو بغا عاود تاني.. سكت ومابغيتش نجاوب..
- منى .. فتحي ولا نهرس الباب... فتحي متجهلينيش.. فتحي دغيا.. تأليف دودي
نضت فتحت حيت مافيا ما يزيد شي مشاكل معاه.. وليت كنخاف منه.. وباغاه غير يعطيني بالتيساع.. فتحت وهو يدخل ويسد الباب دغيا.. مقدرتش نشوف فيه .. مابقيتش باغا نشوف فعينيه،. قرب مني هزلي راسي وبدا يمسح دموعي وبرقة كبيرة وبلا مايهضر عنقني بالجهد عندو.. حسيت بحال الى هو اللي محتاج داك العناق ماشي انا .. عنقني بحال شي واحد مشتاق لاحضان مراتو.. مقاومتش ومحاولتش نقاوم .. خفت من ردة فعله الى صديته.. خفت يضربني .. حيت عييت من المواجهة ..عييت بزاف. .. بقا مدة طويلة وهو فديك الوضعية .. حسيته مابغاش يطلق مني.. حتى سمعت ديك المسمومة كتقلب عليه وكتعيط .. طلق مني ومشا عندها بدون اي كلمة.. اصلا الكلام بيناتنا سالا من شحال هادي... خرج وانا سديت مورايا الباب.. مبغيتش نخرج من البيت ابدا.. وماعيطش عليا للغدا.. واخا كنت مطيباه انا.. بغيت غير نرتاح.. داز النهار ومخرجتش من بيتي مكان عندي الخاطر لوالو.. الصباح مع 8 كنت حطيت الرسالة فالباب باش ياخدها مروان.. وكنستنى رسالته وجوابه.. وصلات 7 ديال الليل ومصطفى مازال ماخرج.. خايفة ودقات قلبي كتسارع.. قلت نستافز سوسن باش تطلب منه يخرجها.. شفتها دخلات للكوزينة وانا نتبعها..
- مهللي فيك مصطفى ياك اسوسن..
-هه مهللي فيا لحبيب ديالي .. وكيبغيني بزاف.. نتي وليتي دابا من الماضي..
- ولكن انا شايفة باللي ما مهللي فيك ما والو.. انا مللي كنت فشهر العسل كان ديما مخرجني وكنتعشاو برا .. وكيشريلي داكشي اللي حب خاطري.. هادا هو الحب .. ماشي جلسني فالدار بحالك وقالي كنبغيك..
حسيتها تزيرات وخرجات دخلات لبيتها دغيا .. سمعتها كتدابز معاه.. تعطلو بزاف فبيتهم.. حتى خرجات مبدلة حوايجها هي وياه.. هي فرحانة وهو لا.. قلبي فرح حيت اخيرا غايخرجو.. درت راسي مغوبشة باش نحسسهم باللي معجبنيش الحال.. حتى خرجو..بقيت كنستنى حتى سمعت الدقان فالباب والرسالة من تحته هزيتها دغيا ومشيت نقراها فبيتي..حتى فتحتها ولقيته كاتبلي:
0 Commentaires