الحسناء ومدير السجن -الحلقة 22

الجزء 22
جاني انهيار بقوة البكا ..جاو الممرضات دارولي ابرة مخدرة محسيتش براسي حتى نعست ...
حسيت بشي حد كيمسح على شعري ..فتحت عينيا لقيت مدام سامية ..دمعو عينيا مللي شفتها مكرهتش تكون ماما هي اللي فوق راسي 
-سكتي ابنتي ..باراكا عليك من البكا متفقسيش راسك هادا قدر ومكتوب عليك 
-واش بغيتي نتزوج داك الحيوان ..انا نموت ومنشوفش كمارته مرة اخرى 
-لا متزوجيهش واياك تديريها 
-شنو فيدي مندير ماما مبغاتش تقتنع 
-نتي مبقيتيش صغيرة وفيدك شواهد عليا تقدر تعيشك كيف بغيتي 
-شنو ندير
-خرجي من هاد المدينة كاع وقلبي على شي خدمة فشي شركة بشي صالير زوين وانا نشوفلك شي بنات تسكني معاهم على ما توقفي على رجليك وتقدري تسكني بوحدك ..عيشي حياتك لراسك وحتى واحد ممنحقو يتدخل فيك 
-وماما
-ماماك غادي ترجع لطريق الصواب مللي غادي تغيبي عليها ..مكاينش شي ام اللي تقدر تبعد على ولادها ..وانا غانمون معاها ديماالى حتاجت شي حاجة غالقاني انا ...اهم شيء تبعدي دابا حتى يبردو الاوضاع 
مللي جات ماما عندي اوهمتها باني موافقة على زواج من داك الجلاخة ...خرجت من المستشفى ومشيت لدارنا ..جمعت الديبلومات ديالي وكاع الشواهد اللي غنحتاج جمعت صاكي خليت ماما ناعسة بالليل وخرجت ماشفتش مورايا ..خليت امي ..داري اللي كبرت فيها ..حب حياتي ..دمعت واختاريت نحاول ننسى ..الحب هو اللي وصلني لكاع هادشي ..حلمت وماكانش خاصني نحلم خاصني نفيق ونعيش الواقع ..كينتظرني مسار صعيب بعيد على كل هاد الناس ..قررت نبدا صفحة جديدة نعيش فيها لراسي ..نعيش كيما بغيت انا ..ماشي كيما بغاو هما ..شديت الكار وسافرت وخليت كلشي ...
الصباح ماخلات ماما فين قلبات وعيات بالتقلاب 
عند كريم 
حسناء يا حسناء فين مشيتي وعلاش مشيتي ..غنحماق ياك كنتي باغا منير لاش دابا مبغيتيش تتزوجيه ..وفين مشيتي ..يا الله اش هادشي وليت فين ..علاش احسنا علاش