الجزء 22
بقيت كل نهار كندوزو والبوص ولا بحال الدري الصغيور اللي لقا ماماه.. كان النهار الاكحل هو يشوفني غضبانة .. الا كرهت شي حد غا نقوله راه عصبني باينة غايقتلو بلا هضرة.. وولا كلشي خايف مني وكلشي كيدير ليا الخاطر كتار منو.. حتى واحد النهار.. عيط عليا البوص للجردة بالليل.. كان صحابلي باللي باغي يقصر ويشرب.. ولكن تفاجأت مللي لقيت الطبلة مغطية بثوب احمر عليها شموع من انواع فاخرة.. وحداه جوج كراسي.. اما البوص كان لابس كوستيم كلاس.. وبابيون..
- ميسيو.. شنو واقع هما واش كتسنى فشي واحد..
- اه كنستناك نتي.. جلسي الينا
جلست وانا مستغربة ومافاهمة والو..
- انا عارفك مستغربة .. انا بغيت نكونو ليوما غا انا ونتي..
- ميسيو انا مافاهمة والو..
- نتي لينا.. شفت منك غا وحدة فالدنيا.. مشفتش ليك مثيل.. قدرتي تجعليني اسعد انسان فالدنيا ببراءتك.. انا حاس باللي مقادرش نستغنى عليك.. ولى نهاري مكيدوزش الى مكنتيش معايا فيه.. لينا انا مبقيتش قادر نبعد عليك.. تتزوجي بيا..
- كيفاااش..
- بلاتي عليك.. متقولي والو دابا... انا عارفها صعيبة عليك.. والفرق دالسن اللي بنا كبير بزاف ولكن كنواعدك مغاتحسيش بأي فرق.. وغانعيشك ملكة اللي بغيتيها غير طلبي غتحضر.. الثروة ديالي كلها تحت امرك.. غاتولي ديالك..
- ميسيو انا..
- لينا .. فكري بشوية عليك.. وغانكون فانتظار الرد ديالك.. الا وافقتي غاندير ليك عرس اسطوري.. وغانكون اسعد واحد فالدنيا.. غادي نتساراو العالم.. مع بعضنا.. غانكون الطفل الوديع ديالك..
(لاواه البغل ديالي شو قداش ومازال كيقول على راسو طفل ..)
- مالك ساكتة.. كتفكري.. بشوية عليك انا غنتسنى جوابك على احر من الجمر..
- ممكن نمشي ننعس..
- تفضلي احبيبة.. بون غيف احبيبة
نضت وانا مفقوصة ناااري على حصلة واش انا عشت حياتي كنستنى النهار اللي نسمع فيه هاد الجملة .. فلاخر نسمعها من هادا.. شكون قال البنات ماديات وهمهم غير الفلوس.. ها هو بنك قدامي .. ومحملتوش .. واعباد الله بغيت ياسر ..
منعستش ديك الليلة كان خاصني نوصل الخبار لياسر باللي كاين حتى طمائنيت كلشي نعس مشيت عندو..
- ياسر انا طحت فمشكلة كبيرة..
- عارف.. البوص طلبك للزواج.. هادشي كان متوقع.. حيت تعلقه بيك مكانش عادي.. والصراحة عنده الحق..
- شنو غاندير.. انا مكنتش ناوية هادشي..
- وافقي ايمنى..
- اشنوا.. نوافق!!!! واش تسطيتي..
- يمنى سمعي داكشي اللي كنقولك.. ياك نتي كتيقي فيا..
- تقة عمية..
- الا كتيقي فيا وافقي .. وطلبي منو يديرلك حفلة دالخطبة.. وباللي خاصك شوية دالوقت توجدي راسك للعرس.. متخافيش مغتتزوجيش بيه.. ولكن حنا محتاجين ثقة اكبر منه فيك.. باش تسهال علينا المهمة ونمشيو من هنا..
- ياسر هادا راه الخطر بعينه انا متأكدة باللي عمري كغنقدر نتفك من هاد الراجل.. حتى الا خدينا الثروة دياله ومشينا لاخر الدنيا.. غادي يقلب عليا..
- معندو فين يقلب عليك.. نتي مادامك معايا عمرو مغايقرب ليك شي واحد .. فهمتي.. ماتستاهنيش بحبيبك..
- هانا موراك اياسر ..
- ديما حداك.. كنبغيك..
- حتى انا كنبغيك 😊 #dodi_elaissati
0 Commentaires