الجزء 21
البوص: نتا اللي جنيتي على راسك.. غتدفع ثمن طمعك فحاجة ماشي ديالك.. طمعك فالبوص وتحديك ليه..
جبد الفردي ديالو وتيرا فيه.. طيحو تما .. كلشي بقا مصدوم وخاف.. حتى من ياسر.. شاف فيا بنظرة اول مرة كنشوف فيها خوف ماشي من البوص وانما مني.. بعد ديك الحادثة ولا كلشي دايرلي الحساب.. وصلت وأثرت على الراس الكبيرة.. البوص بين يدي ونقدر ندير بيه اللي بغيت.. هو ولا كل نهار كيقصر معايا.. كنجبد منه اللي بغيت.. واللي محمقو فيا هو الخاطر اللي كنديرلو.. وعلى حساب داكشي اللي كيقول اني كنعزز راسي عليه ومكنرخصهاش.. عمري خليته يقرب مني.. غير بالفشوش والدلع كنرفضو.. مكيقدر يقولي والو .. وكذلك على حساب داكشي اللي كيقول ان جميع البنات اللي دازو معاه من بينهم رولا كانو كيهمهم الفلوس.. وكانو كيطلبو منو شركات واسهم ومشاريع.. ولكن انا لحد الان مطلبت منو والو وكنت كنكتافي بأني نقولو مللي يسولني شنو حب خاطرك نديرولك طلبي اللي بغيتي كنقولو كيكفيني نشوفك مرتاح .. اليوم قصرت معاه .. شرب حتى عيا ونعس.. مشيت لبيتي لقيت ياسر كيستناني..
- بالصحة..
- اش كدير هنا مخفتيش يشوفك شي حد..
- متخافيش.. كلشي تحت السيطرة..
- ياسر .. انا .. توحشتك بزاف.. علاش كتخلي ديك لارا تقرب ليك.. كتشعل فيا العافية مللي كنشوفها معاك..
- تماما .. بحالك مللي كتكوني بين يدين البوص.. مفكرتيش انك تكوني كتشعلي فيا العافية حتى انا..
- يعني .. نتا كتغير عليا اياسر.. قلها عفاك .. قولي باللي حتى نتا كتبغيني.. انا كندير اتفاقنا على قبلك نتا .. مكنحمل حتى راجل فالدنيا ولو يكون عندو مال قاروون .. انا باغاك نتا عفاك.. خلينا نمشيو من هنا انا غندير اللي بغيتي على قبلك نتا..
- انا خايف عليك ايمنى.. ( بدا كيلعب لي فشعري وكيشوف فيا بنظرات خوف..) خايف من البوص.. هو متعلق بيك بزاف.. خايف يجي شي نهار ياخدك مني ..
- يعني نتا ..
حرك راسو بالايجاب وقال: اه انا كنبغيك .. كنبغيك من اول نهار شفتك فيه.. من قبل ما نعرفك..
طاحو عدة قطرات من الدموع من عيني حسيت راسي طايرة فالسما ونقزت عليه تعلقت فيه وهو هزني وعنقني بعمق .. احسن احساس فالدنيا هو هادا.. مكيتدخل فيه لا مادة ولا شيء .. فقط احاسيس.. الروح هي من تتكلم..
- كملي على الخطة.. داكشي اللي صيفطيلي هو هداك .. برافو عليك وانا غنتكفل بلارا..
- اياك تستسلم ليها ولا اياسر والله حتى نعلقك من دوك الودنين ونحيدليك داك القلب نشويه
- وراك حيدتيه وخديتيه وشويتيه... هههه
- ههههه كنبغيك..
- كنموت عليك .. تصبحي على خير..
مشيت ننعس وانا حاسة راسي طايرة فالسما.. الله يخليك ويحفظك ليا اياسر.. الغد ليه .. كنت فبيتي حتى جات عندي ديك المسمومة ديال لارا..
- اشنو بغيتي..
- نتي اللي شنو بغيتي.. شتك تيقتي راسك.. البوص ماشي ليك.. عمر شي وحدة متحداتني بحالك ولا خدات عقلو بحالك.. قوليلي شنو بغيتي وانا غنديرو .. غاتسافري من هنا لأستراليا وتما غتعيشي كيف بغيتي.. عندي تما شركة غنكتبها بسميتك وحياة عمرك حلمتي بها.. سيري من هنا..
- هههه وليت كنخوف ياك.. نتوما كلكم كيهموكم غير لفلوس.. انا مبغيتهاش.. انا بغيت حاجة اخرى..
- شنو بغيتي طلقينا..
- بغيت الحب..
- ديك المراهقة مغتنفعش هنا وبلا متوهمي البوص باللي نتي كتبغيه..- سيري بحالك الارا.. فرقيك عليا..
- تحملي العواقب..
مشات وخلاتني غنتقيا منها.. الناس ماديين.. انا مبغيتش نعيش فهاد الدنيا الا كانت هاكا..
مشيت للبوص كما العادة دوزت معاه النهار وورالي لي كادو اللي جابلي غير الحوايج الغاليين بزاف.. الالماس.. ههه شداتني الضحكة .. تفكرت نهار اللي كنت كنلقا حديدة على شكل خاتم ولا براسلي كان هو النهار الكبير عندنا.. دابا وليت كنبدل فالالماس.. والدياموند.. الدنيا غريبة بزاف.. هادشي كله مكانش يهمني.. المهم هو ياسر..
0 Commentaires