الجزء 20
بقيت مرعوبة.. ومكان فيدي الا نتاصل بياسر يعاوني.. اش داني.. كنت باغا نفقصو ولكن جبتها فراسي.. فعلا اتصلت بيه عاودتله كلشي.. قالي باللي هو جا للمغرب وغايكون فالقصر بعد ساعة باش يحل الموضوع.. بعد ساعة جا ..
- ياسر .. انا ..
- سكتي انا عارف كلشي.. واش تصطيتي.. مابانلك غير عدنان.. عدنان راه بوليسي.. عرفتي شناهي تدخلي البوليس بيناتنا .. وعرفتي شناهيا يشوفوك مع بوليسي.. يعني غايشكو فيك.. غايصحابليهم راكي خدامة مع البوليس ومنضمنلكش واش غيخليوك عايشة الا شكو فيك واخا غير 1% هاد الناس مامعاهمش اللعب.. نتي اللي طيحتي راسك فهاد الموقف.. اللي دارها بيديه يفكها بسنيه..
- انا الى طحت مغانطيحش بوحدي.. انا غانجبدك معايا.. يا نموتو بجوج يا نبقاو عايشين بجوج..
- هاهاهاها برافو عليك معندي ميتسالك.. وليتي حتى نتي مافيا.. وكتهددي.. انا عليا نعاونك فواحد الحاجة.. هي نطلب من الحراس يقولو باللي نتي مخرجتيش النهار كامل من القصر.. وحتى الحراس ديال داك المرض نرشيهم يقولو باللي هاديك اللي شافها ماشي نتي.. اووف ايمنى.. ياك كنت خرجتك من داك المستنقع اش رجعك ليهم تاني..
- مستنقع؟؟ هاداك هو اصلي.. ومغنصتعرش منه..
- واخا الالة.. مللي نكملو المهمة اللي بينا ديك الساعة سيري فينما بغيتي.. وعيشي معامن بغيتي.. ديك الساعة مغايكونش ليا فيك سوق..
خرج وانا بقيت كنبكي.. للحظة فكرت فداك اللحظة اللي غايسالي فيها هادشي.. واش مغنبقاش نشوفو.. واش فعلا غنتفارقو.. حسيت بضعف رهيب.. مافكرتش فالبوص او فحد اخور ولا فالموت.. الموت بالنسبة ليا هو نتفارق على ياسر.. اه كنعترف كنبغيه بزاف.. واخا قتال.. واخا فيه كل عيوب الدنيا.. كنبغيه.. هو الانسان الوحيد .. اللي احتضني ومحسينيش بالفرق .. عمرو محسسني بالفرق بنا.. كلشي كان كيشوف فيا من الفوق لتحت.. الا هو.. كان كيشوفني قدامو.. عاوني نوقف على رجلي وصبر معايا..حسيني بالامان معاه.. هو اللي كنت كنحلم بيه.. مكرهتش نعيشو انا وياه فخم.. وفالفقر .. ولكن نكون معاه.. مبغيتش نرجع نكون بوحدي مبغيتش..
بقيت الليل كامل وانا هاكاك.. منعستش ومشفتش النعاس.. طلعات الشمس.. جات عندي وحدة من الخدامات قالتلي راه شي واحد كيستناني لتحت.. نزلت لقيت داك الهم تبعني حتى هنا باش يهددني..
- مرحبا.. اش حب الخاطر.. البوص مسافر واش مفخباركش..
- ماجيتش على ود البوص ا.. يمنى..
- عفوا.. شكون يمنى..
- داك البوليسي ديالك اعترف بكل شيء وقال باللي نتي سميتك يمنى ماشي لينا..
- علاياش كتهضر شكون يمنى واشمن بوليسي .. واش كتحلم.. ولا شارب شي حاجة..
- بلا متضحكي عليا.. نتي البارح بالليل كنتي فلابواط.. وكنتي كتشطحي مع داك البوليسي..
- اوه مو ديو.. اكيد نتا كتحلم.. انا مخرجتش البارح النهار كامل..
بديت كنعيط للخدامة والحراس جاو عندي ..
- واش انا خرجت من الدار البارح؟
كلهم جاوبو بلا.. قالو النهار كامل ونتي فالدار امادموزيل..
- واش باغا تسطيني.. انا متأكد باللي هاديك نتي.. وغادي نقول هادشي للبوص باش يحضي راسو منك..
ناض غيحماق وخرج.. هادي هي الفرصة ديالي غانتغدا بيه قبل ميتعشا بيا..غادي نستعمل كيد النسا.. خديت التلفون واتصلت بالبوص.. بقيت كنتبوحط.. وكندير راسي كنبكي..
- اهئ اهئ .. مسيو عتقني داك الحيوان كيتهجم عليا وكيهددني.. اجي عفاك نتا اللي كتحميني منهم.. اهئ اهئ..
- واخا متخافيش.. بقاي فالقصر وانا غانجي اليوما..
الى درتيها بالنسا لا تنساها.. والى درتيها بالنسا تبات فايق وشاد العسا.. ههههه دابا نشوفو .. انا ولا نتا
دازت النهار فالعشية جا البوص.. وانا لبست احسن لبسة عندي.. وماكييت ودرت البارفان.. دخل وانا نجري عندو بواحد الدلع وعنقتو بحال الا كنتحاما فيه.. هو كان ضخم بزاف وحاوطني بيد وحدة وكنت كنبان صغيييرة حداه.. ياسر كان واقف وكيشوف فيا بنص عين وثابت .. اما لارا فزادت تفقصات ومشات لبيتها.. محملتني محملتها.. غا بلاتي عليها.. باش عمرها تفكر تقربلي لياسر ديالي..
- ميسيو.. اهئ اهئ
- راكي عارفاني مكنحملش نشوف دموعك قوليلي شكون خسرلك خاطرك وانا نمحيه من هاد الدنيا..
- عقلتي على هاداك اللي تستيني به.. اللي كان باغي نكون عاشيقته.. باينة فيه متسرطاتش ليه نرفضو.. وجا تهجم عليا وكيلوح عليا البلا.. كنت جالسة مابيا ولا عليا.. هو كيقولي غادي نقلب عليك البوص ونطيح عليك شي باطل الا مقبلتيش تكوني معايا..
- واش تجرأ؟ انا غنوريه.. ياااااسر..
ياسر: وي بوص..
- بغيتك دابا تصونيلو يجي فورا..
انا باقا كنشوف.. عرفت باللي البوص ولا فيدي.. متعطلش بزاف داك المسخ جا.. كان مرعوب بدا كيقول بللي شافني فلا بواط مع واحد البوليسي وبللي سميتي يمنى..
يمنى: واش انا خرجت اصلا من القصر الكداب.. عيطت على نفس الاشخاص اكدو للبوص باللي انا مخرجتش من القصر النهار كله..
ياسر: بوص حنا ممكن نتأكدو اكتر ونسولو لي بوديكارد دياله..
عيط على شي وحدين وسولهم وكانت اجابتهم باللي هاديك البنت اللي شافها فعلا كتشبه شوية فلينا ولكن ماشي هي.. وباللي الشايب كان سكران بزاف داك النهار.. وبدا يدابز هو والراجل اللي كان مع داك البنت ورونو ديك لا بواط حيت كانو سكرانين بجوج..
انا: ههه وليت كنبانليك فأي بلاصة .. بقا فيك داك الرفض بزاف ياك حرقاتك فقلبك.. مرضيتيش..
هو بقا مصدوم منً الهضرة ديال لي بوديكارد ديالو كتر من كلشي.. #dodi_elaissati
0 Commentaires