أكرهه وأحب كرهي له -الحلقة 20

الجزء20
اول شخص جا فبال هشام هو ادهم ..قلب عليه الدنيا وملقاهش ..حتى قرب ييأس ..مشا بدا يقلب فدار ريم ..فحوايجها على امل يلقى شي دليل او شي عنوان يوصلو لشي حد من عائلة ادهم ..بدا يقلب فحوايج عماد ..حتى لقا واحد السنسلة ..شدها فيديه ..ورجع بيه الزمن للور ..نهار جا عندو عماد وجابليه جوج سنسلات ..
-هشام خويا بغيتك تعاوني ندير جهاز تتبع فهاد السنسلة 
-وعلاش؟
-باغي نعطيها لريم ..باغي نحميها ونكون قريب ليها ديما 
-وغاديرها فجوج ولا غا فوحدة 
-لا باغي نديرو غا فوحدة ..اللي ديال ريم 
-لا اخويا هادا الزمان ..متعرف تحتاجها ..دير الجهاز فيهم بجوج ...فهادي ديالك وديال ريم 
..داكشي اللي وقع ..بدا يتفكر ويدعي الله تكون ريم لبست ديك السنسلة ...اصلا هي ديما لابساها وعمرها حيداتها من عنقها ..مشا كيجري ..فتح البرنامج ديال التتبع ..بدا يقلب الاولى لقاها فعنوان البلاصة اللي راه فيه ..يعني لقا السنسلة اللي فيدو ..بدا يقلب المرة الثانية وهو يلقا البلاصة ديال السنسلة الثانية ..كان مكان بعيد..مشا استعد ولبس حوايجو وخدا الاسلحة ديالو ...وخبر الرؤساء والزملاء ديالو بالمهمة ..باش يلحقو عليه ..شد الطريق لديك البلاصة مللي وصل...
عند ريم :
بقيت بوحدي فديك البلاصة وحاسة بالخوف ..حتى سمعت واحد الباب تفتحات ..وصوت الخطوات كيقترب مني ..شوية شدني من شعري ورفعني عندو ..شفت فيه ..ادهم الكلب ..
-نتمنى تكوني مرتاحة معانا فاوطيل ديالنا ..
-اش بغيتي مني مازال ..راجلي وقتلتيه بنتي ورزيتيني فيها ..شنو باغي مازال ..
-بغيتك نتي ..شنو للي عجبك فهشام ومكاينش فيا انا ..عجبك واخا كنتي كارهاه ..كنت كنلمح فعينيك الحنان من جيهتو ..عمرك ماديتيها فيا انا ..واخا كنت مستعد نعطيك الدنيا ..علاش اريم علاش ..
-نتا ماشي انسان طبيعي طلق مني ..هشاااام 
-سكتي متدكريش سميتو ..سكتي ..انا غنسيك فيه ماخافيش ..اصلا هو غنحيه كيما نحيت عماد ..هو كان واقف فطريقي ..هو كان باغي يوقف بنا وقتلته ..داكشي اللي غاندير حتى لهشام ...
-هشاااام اهئ اهئ عتقني من هاد الحيوان 
-ههههه عيطي زيد عيطي مازال عليه ..هنا مغيسمعوك غا الجبال ..
شوية سمعت صوت الرصاص ..كانت مواجهة بين رجال الشرطة ورجال المافيا ..انا زاد خوفي اكتر شدني ادهم وهزني وبقا مورايا ..شوية دخل هشام ..
-غتقرب خطوة غنقتلها
-غندفنك حي الا مسيتي شعرة وحدة منها ..طلق منها الكلب طلق ..
-ههههه عصافير الحب ..حط سلاحك الارض ..الا بغيتي حبيبة قلبك تبقى مزيانة ..
هشام سايسو وحط سلاحو فالارض ..ادهم بقا مصوب سلاحه اتجاهه وكيتمشى بيا باغي يهرب بيا فالطوموبيل وللاسف نجح فدامي وديمارا بسرعة هشام ركب فطوموبيلته وبدا كيلاحقه وانا كنغوت وخايفة ..وبديت كنسمع صوت اطلاق النار ..شوية تدهورات الطوموبيل ودات كتنحرف من الطريق ..نفس المشهد كيتكرر قدامي حطيت يدي على راسي وغوتت بالجهد لاااااااااا حتى ارتطمت بشجرة وفقدت الوعي ...