الجزء19
دوزنا نهار زوين بزاف واتافقا نتشاوفو الغد ليه باش نمشيو نهضرو مع الطبيبة ..انا تايقة فيه واخا دوزت كاع هادشي وتعرفت على ناس ماشي اهل للثقة ..ولكن كنآمن بالحب وكنآمن باللي ايلا كان شي حد كيبغيك فهو مغيآديكش ..دخلت للدار فرحانة ..وعيبت فنفس الوقت بالدوران النهار كامل ..بدلت حوايجي ومشيت ننعس ...داني نعاس حتى حسيت بشي يد تحطاتلي على فمي ..حليت عيني وتصدمت ..شفت واحد الشخص اللي متوقعتوش ..لقيت ادهم عند راسي ..
-بغيتي طيحيني نتي وحبيب القلب ،.هاديك هي اللي مغتكونش ليك..مشيتي تتافقي معاه علي .. انا كنحرك راسي وهو شادني ..
-انا غادي نعرف كيفاش ننتاقم منكم بجوج ...دابا عرفت باللي نتي نقطة ضعف بالنسبة ليه ..انا غنضربو فضعفو ..انا غنخليه يتحرق من جيهتك ..غنخليه يجي برجليه للموت ..نخيرو بينك وبين حياته ..غنذلو بيك ..
انا كنبكي وخايفة بزاف منو عمرو شفت دوك نظرات الشر فعينو ..كان الشرارة خارجة من عينيه وباينة ناوي على خزيت ..نوضني بعنف ومازال ساد على عيني وضربني لراسي ..حسيت بقوتي طاحت فجأة وطحت وغيبت ..
حليت عيني بصعوبة فمكان مظلم وقديم ..كتبانلي شوية الضو كيدخل من واحد الفتحة بعيدة بغيت نحرك يدي لقيت راسي مكبلة وفمي مسدود ..حسيت القوة ديالي ضعيفة بزاف ..هشام فينك عتقني من هاد الحيوانات..بقيت كنبكي تما في صمت وحتى واحد ماحاس بيا كأني بوحدي في الدنيا..
من جهة اخرى ..
هشام كيصوني لريم وهي مكتجاوبوش ..ومشا لدارها باش يعرف السبب مللي وصل لقا الباب مفتوحة ..دخل وكيعيط ليها مكتجاوبش لقا ورقة مكتوب عليها ..(بلا متقلب عليها ..ريم عندنا وايلا بغيتيها ..دير عقلك ودير داكشي اللي غنطلبوه منك) زير على داك الورقة ..وطاح على ركابيه ..
-ريم.. كيفاش مقدرتش نحميك ..كان خاصني نحميك منهم انا واعدتك ..غنلقاك اريم غنعتقك منهم كنواعدك
0 Commentaires