الجزء 19
رجعنا للدار.. هاد المرة الصمت كان سيد الموقف.. مصطفى سكت يمكن تصدم.. حيت كانت عندو رغبة قوية يعوض الولد اللي باعو.. عندو رغبة قوية يعوض دور الابوة اللي ضيع الفرصة فيها من قبل جوج دالمرات.. هناني بسكاتو انا.. مللي كيهضر كيمرضني.. بقيت غادية بطريقة عادية وكنستنى ردة فعلو.. نشوف اش غايدير بعد هادشي.. حيت مابقا فيدي الا الاستسلام والانتظار.. بقا لا ماكلة ولا هضرة.. معرفتش فاش كيفكر.. حتى الصداع حبسو.. فاش كيفكر معرفتش.. دازت يوماين.. وهو على داك الحال .. خرج لقرابة جوج سوايع.. تهنيت فيها منه.. حتى رجع ..
- منى.. لبسي حوايجك غانمشيو عند عائلتك..
اول حاجة فكرت فيها فداك اللحظة انه غايطلقني.. حسيت قلبي تفاجا شوية.. اكيد اللي بحالو واش غانتسنى منه يكون وفي ليا.. ويبقى معايا بعد هادشي.. اول مرة كيدير حاجة مزيانة فحياته.. بدلت حوايجي ومشيت معاه.. عائلتي كلها مجموعة.. بحال الا رجعليهم سلعة خداها ومعجباتلوش .. دخلت ومسلمت على اي واحد.. قلبي موجوع منهم.. حيت متيقونيش.. وحيت خلاوني وعطاوني لوحش يدير فيا مابغا.. ومبقيتش فيهم ..
- جلسي ابنتي..
جلست وبقيت كنشوف ..
مصطفى: الطبيب هضر وقاللي اللي كاين.. هادا قدر معندنا مانديرو فيه..
- منحقك امصطفى.. نتا راجل ومافيك عيب منحقك تجدد فراشك.. وتدير وليداتك..
مصطفى: الله سبحانه وتعالى عطانا رخصة.. وانا الحمد لله قادر نعيش جوج عيالات مزيان.. منى راها معايا.. وانا غنتزوج غا على قبل الاولاد.. وهي غاتكون امهم حتى هي..
اش هادشي كنسمع.. هادا ماناويش يطلق.. ناوي يدير التعدد .. حاولت نهضر ونرفض حتى واحد ماخلاني..
مصطفى: صحيح انه المرا صعيب عليها تتقبل ضرة.. ولكن غاتولف.. انا غنتزوج شي وحدة من اختيارها هي ..
- مكايهمنيش هادشي كله.. واش ماشي منحقي نعيش دوك الايام اللي باقينلي فهدوء..مابقا عندي فالدنيا والو.. مابقيت باغا والو غا نرتاح.. انا غانبقا مع مي نكون فخدمتها..
ماما: الطلاق ممنوع.. والهدوء غاتعيشيه فدار راجلك..
سكتوني بهاد الهضرة اللي كلهم متافقين عليها..
مصطفى: شنو بانليكم فسوسن.. صاحبة منى..
شداتني صدمة.. لا سوسن لا.. خليني معاها مزيانة.. اختار اللي بغيتيها الا سوسن..
ماما: هاديك صاحبتك من الصغر .. وغادي تتفاهمو نتي وياها.. فكرة زوينة هادي..
اشمن مفاهمة كتهضرو عليها.. وزايدون هي ماغاتوافقش..مستحيل توافق على راجل صاحبتها
كالعادة سكتوني وكملو اتفاقهم .. بقيت كنتخصص فالحس.. وهما بحال الى انا روبوت .. كل واحد كيقررلي فبلاصتي.. مللي كملو لهضرة .. نوضني مصطفى وانا مرفوعة.. يعني هاد الحبس عمري ماغانتفك منه.. فهمت مزيان دابا ان مصطفى خايف نتطلق منه ونمشي لمروان.. ماعارفش انه مكيهمني حتى راجل فالدنيا.. لا مروان ولا هو ولا غيرهم.. كنكره حس الرجال قدامي.. كرهني فكلشي.. تأليف دودي.. مصطفى بحال الى انتصر فشي معركة.. ناشط وغير كيفرنس.. انا معالم بيا غير الله.. الغد ليه ناض بكري وخرج.. بقا حابسني فالدار.. رجع بالليل ناشط.. لقاني وجدت ليه العشا ياكل فيه جغديد انشاء الله.. جلس ياكل وهو فرحان ..
- جلسي تاكلي..
- معندو منين يدوزلي..
- جلسي بغيت نهضر معاك..
- شنو كاين..
- مبروك..
- علاياش .. واش صافي هداك الله تطلقني..
- لا احبيبة هادي اللي متحلميش بيها...
- وشنو اللي مبروك..
- صاحبتك وافقات على الزواج..
- 😳 اكيد عائلتها بززو عليها .. هي مستحيل توافق على راجل صحبتها ..
- مابززو عليها ماوالو.. هي اللي وافقات بكامل ارادتها .. وفرحاانة.. واش هي مسطية ترفض شي واحد بحالي.. مافيا حتى عيب لاش ترفض..
- مبروك ليكم بجوج..
- غانديرو العرس السيمانة الجاية.. ونزيدك.. ماغانبقاوش ساكنين فهاد الدار.. غاننتاقلو لواحد الدار واسعة اكتر من هادي..
- كلشي بفلوس قلب ولدي..
- نوضي من حدايا تخسريلي الفرحة .. نوضي ياك مباغاش تاكلي.. نوضي شوفيليك ماديري.. Dodi elaissati
0 Commentaires