أكرهه وأحب كرهي له -الحلقة 18

الجزء18
تمشينا مللي عيينا ..جلسنا فواحد الاستراحة وبدا يضحك ويضحكني ..فوجت معاه بزاف شوية وانا نسولو 
-هشام 
-احبيبة 
-نتا قلتيلي باللي معندك حتى واحد فالدنيا ..ولكن انا شفت ماماك ..كانت كتبكي عليك فالسبيطار ...
حنا هشام راسو وبدا على وجهه الاستياء ..اه هاديك هي ماما اللي ولداتني ..ولكن ماشي اللي رباتني ..انا رباتني واحد المرا اخرى كانت صديقة خالتي ام عماد ..رباتني وكبراتني وعطاتني الحنان اللي معطاتوليش امي الحقيقية ..وبعد موتها مات كلشي بالنسبة ليا ..كان بجنبي عماد ..وللاسف حتى هو مات ..وفحياتي كان هدف وحيد هو اني ننتاقمله ..حتى جات واحد الانسانة اللي خلاتني نعيش على قبلها من جديد فهاد الدنيا وخلاتني نبدل رأيي 
-شكون هاد الانسانة 
-نتي 
-انا؟
-نتي اللي خليتيني نحس اني انسان من جديد ونتأكد باللي الدنيا مازال فيها ابرياء يستحقو نعيشو على قبلهم ..برائتك وعفويتك ..خلاتني نستسلم ليك ..قررت اني منبعدش عليك وفكل لحظة كنت حداك وكنحميك ولو من بعيد ..
-يعني النهار اللي شفتيني مع ادهم كنتي عارف علاش ..عليها كنتي كتقولي راه عينيك فيهم حزن ..كنتي عارفني من اللول ومهضرتيش 
-ريم نتي واخا كان هدفك الانتقام الا انك كان كتطغى عليك البراءة ..حتى لو كنت معارفكش ومسايرتكش ..اكيد كنتي غتفرشي حيت ولكن باش نحميك من المافيا قررت اني نسايرك باش تيقي وحتى هما يتيقو ..ولكن اللعب ولا باين دابا مبغيتكش تدخلي فهادشي مرة اخرى انا اللي غنتصدى ليهم ....وسمعي ..ادهم 
-مالو ادهم 
-منبغيكش تيقي فيه ..حيت حتى هو معاهم 
-مستحيل هو راه صاحب عماد
-كان كيمثل على عماد ولكن دابا تفرش ..والخطة ديالو فشلات ..هو كان باغيك تقتليني حيت العصابة هي اللي طلبات منه يوصليك باللي انا اللي قتلت عماد وكانو ناويين يتخلصو حتى منك نتي ..كان ديما كيستغرب عماد من اخباره اللي كيوصلو المافيا وللاسف كان تايق فيه وعمرو ما شك فيه ولو للحظة ولكن انا غندمو تيقي بيا 
-حتا الصحبة مبقات فيها تقة 
-ماشي قلتلك راكي ملاك فزمن الذئاب 
انا غنحميك متخافيش ..وغنعيش ليك ..نتي اللي عندي فالدنيا 
-وماماك 
-ماما ماتت ..الله يرحمها 
-ماماتتش اهشام مازال عايشة ..خاصك تغفر ليها ..اكيد ندمات وبغات تعيش ليك 
تنهدت وقالي :ممكن نبدلو الموضوع ؟؟ 
احترمت الرغبة ديالو ..صعيب نقدرو نهضرو على شي حاجة اللي كتقتلنا فقلبنا ..شي عقدة فحياتنا ..حاسة بيه