الجزء 17
دوشت ولبست حوايجي وقاديت ودرت شوية الماكياج ..وخرجت نمشي نشوف هشام صونيتلو جا عندي دغيا ..ركبت حداه
-الله يا ربي لاش كتجري
-مكرهتش نطير عندك ماشي غا نجري
-احم احم ...مبغيتكش تصوك بسرعة ..السرعة هي اللي قتلاتلي بنتي وعماد
-اللي قتل عماد ماشي السرعة ..عماد قتلوه المافيا والمفسدين ..وانا مغنرتاح حتى ناخد الحق منهم
حنيت راسي حرنا وتنهدت ..شدلي فيدي وقالي
-دابا مبغيتش الضحكة تغيب عليك ..بغيتك تضحكي وترتاحي وانا معاك ..الزوينة ..ضربتو ليدو وقلت ..واش كتديني على قد عقلي ..باراكة عليا غا داك الكدوب اللي كدبتي عليا قبل وخليتيني كنتشوا بدار الانتقام ..كنكرهك اهشام
-وانا كنبغيك
-كنكرهك 😡
-حتى انا كنكرهك وكنبغي كرهي ليك
ردني لداري مبغيتش نخرج معاه ..جيت ننزل وهو يشدني ولوا عليا حزام السلامة
-علاه دخول الحمام بحال خروجو ..جلسي لارض ولا ندير اللي ميعجبك
-اش غادير ؟؟
مازال مكملت الهضرة حتى لقيتو باسني
ام اش كدير واش ..ششششت تزيدي كلمة اخرى ندير اكتر ...وانا نسكت خفت لا يدير اكتر اش غايدير كتر مازال ..بقا كيضحك وديمارا الطوموبيل ومشينا بقا كيغني وانا كنشوف فيه ..كيستفزني عارفني خايفة ..شوية بدا يصفر والضحكة فوجهه ..بقا كيضحك ويسوك ..ويشوف فيا ويضحك ..مقدرتش نصبر وانا نقولو ..لوكان غا متي النهار اللي درتلك فيه السم وتهنيت منك ..مازال مكملتها وهو ينزل عني باسني عاود بقوة اكتر من اللول وانا كندفع فيه غا طلق مني وانا نغوت غوتة وحدة عنداك الطريييييق غتموت عمااااااد ..هو تزنك مللي شافني هكاك ..وقف الطوموبيل وبدا يهدن فيا ..ريم ..😰..وانا كنبكي محسيتش براسي ومغمضة عينيا وشادة راسي بيدي ..اهئ اهئ ...ريم عفاك مديريش هكاك موقع والو ..حنا رانا بيخير ..طلعت راسي بشوية وكنشوف فيه وعينيا عامرين بالدموع ..هشام انا خايفة بزاف وعنقتو بديت كنبكي
-متخافيش احبيبة كلشي غيكون مزيان متخافيش ..تهدني ..زير عليا حتى حسيت بالامان وارتاحيت ..هشام عفاك سمحلي ..انا عييت مقادراش ننسا ..محسيتش براسي ..نفس المشهد كيتكرر قدامي خفت لا يتكرر
كملنا الطريق داني هشام لواحد المحمية طبيعية زوينة ..وكان صوت العصافير والهوا نقي فيها ..هدئلي اعصابي ..وفرحت وضحكت مع هشام ..تمشينا على ضفاف واحد النهر وشاد ليا فيدي ..
-هشام ..بغيت نخرج من هاد الحالة اللي راني فيها ..مبقيتش قادرة نعيش ..منغصا عليا حياتي
-حبيبة انا نعاونك وغنبقى معاك حياتي كاملة ..انا نهضرليك مع واحد الطبيبة كنعرفها ..طبيبة نفسية غتبعي معاها انا كنتيق فيها ومتأكد غتخرجك من الحالة اللي راكي فيها ..
شفت فيه بنص عين وقلتله ..كتعرفها ..متكون غا شي وحدة من صحاباتك اللي كتدوز معاهم الوقت ..انا كنعرفك نسونجي ..ضروري متكون كتعرف الطبيبات وزيد وزيد
شاف فيا وضحك ..حبيبتي المغيارة
-انا ماشي مغيارة سوقك هداك دير اللي بغيتي وعيش مع من بغيتي
-مغياارة
-ممغياراش
-الغيرة ..يعني كتبغيني ..امم حتى انا كنبغيك وكنغير عليك من النسمة
-مكنبغيكش انا كنكرهك
بقا كيضحك باعصاب باردة وانا كنتفقص ..وانا نغوت عليه هشااام بلا متعصبني ..
0 Commentaires