الجزء 25
مشيت وانا حاسة احساس غريب.. مخاصنيش نضعاف قدامو.. خاصني نكون قوية ونثبت ليه باللي انا راني ممحتاجاهش.. مشيت لداري وبقيت كنلعب مع ولدي .. شوية جاني اتصال من ياسين..
- هدى لاباس عليك..الوالدة لاباس..
-الحمد لله نتا لاباس...
- الحمد لله.. كيداير الفنيكيش الصغيور...
- كيسلم عليك.. مرحبا بيك الا بغيتي تشوفو وتلعب معاه..
- مكرهتش.. غا نكمل الخدمة نجي
- واخا حنا كنستناوك..
كملت الهضرة مع ياسين وصونالي التلفون عاود.. كانت ابتسام..
- الو الفنانة ديالنا..
- هدى.. سمعي سمعي بغينا انا وسليمة نعطيوك شي اخبار.. ههه
- اويلي شنو كاين هضرو..
- شتي وليد اليوما جا مشحر.. شد المدام جفف فيها الدار كاملة.. هي كتغوت وهو كيضرب فيها.. معرفتش شنو دارتلو ولكن سمعتو كيقوليها علاش تقيسي حوايجي.. اش دخلك فحياتي.. مخلاش ليها.. سرها هاداك اللي حاشرة نيفها معانا.. وكتدخل فاللي ماشي سوقها فيه.. هاهو ناض نوضة وحدة معاها..
- ويلي .. ايوا الله يهديه.. العنف منبغيه لحتى وحدة..
- ناري مازال كدافع عليها..
- احبيبة انا ضد العنف واخا يكون لعدويا منبغيهلوش .. هي مهما كان مرا.. كما كانت الغلطة ديالها العنف عمرو مكان حل..
- اكبر خسارة خسرها خويا فحياته .. هي انه ضيعك من يدو..
كملنا الهضرة انا وابتسام.. ودوزت نهاري مع ولدي.. بالليل جا ياسين.. رحبت بيه واستقبلاته ماما .. بقا كيلعب مع عمران..وانا وماما وجدنا العشا وبقينا مقصرين.. ماما عجبها ياسين بزاف ومكرهاتش تديرو نسيب.. ولكن قلبي مع واحد اخور .. شوية سمعت الدقان فالباب.. مشيت نفتح الباب..
- وليد!!!! اشنو بغيتي ..
- هدى .. لاباس عليك.. انا جيت نشوف ولدي ونعتاذر ليك على داكشي اللي دارت المرا.. ومنه نشوفو الوثائق اللي نحتاجه باش غدا الصبح نمشيو نسجلو ولدنا ..
بقيت مرتبكة ومعرفتش اش ندير..
ماما: شكون اهدى..
هدى: حتى واحد اماما.. وليد سير دابا مبغيتش تشوفك ماما.. حتى غدا ونجيبلك عمران تشوفو ونديرو كلشي سير دابا عفاك..
وليد: عفاك اهدى خليني نشوفو غا شوية ونمشي.. عفاك..
وانا كنهضر معاه جا ياسين وعمران بين يديه..
ياسين: هدى شكون اللي دق الباب.. اه نتا..
وليد غا شاف ياسين وهو يعقد حجبانه وبقا كيخنز فيه وفيا.. : على هادشي باغياني نمشي دغيا.. وهاز ولدي وفداري..
جات ماما شافت وليد وبدات: لاش جاي دابا.. بأي حق الشماتة.. خليتيها ولدات بوحدها مسكينة لا حنين لا رحيم لوماكان السي ياسين معرفتش اش كان غيوقع ليها..جاي تحاسبها حيت هز ليها ولدها .. هادا من حقو.. وغايتزوجها انشاء الله حيت هادا هو الراجل.. ماشي بحالك.. صحابليك حيت طلقتيها مغتلقا شكون يتزوجها.. بنتي الف من يتمناها غير سياد الرجال.. سير بحالك يا الشماتة.. واش صحابليك غا نتا اللي كاين فالدنيا..
هدى: ماما عفاك.. صافي سكتي .. وليد سير بحالك عفاك..
شفت فيه زير على يديه.. خفت لا يتكرر سيناريو ديال نهار ضرب ياسين اول مرة.. سديت الباب دغيا عليه.. غوتت على ماما سكتي اماما صافي صافي.. هزيت ولدي من ياسين ودخلت لبيتي .. احساس بالقهرة من جديد والدموع مقدرتش نحبسهم .. علاش الحب مفيه غا العذاب.. علاش.. اه كنبغيه وبزاف.. وكنزيد نبغيه يوم ورا يوم.. قهرني الفراق.. كيفاش قدرت نصبر سبع شهور منشوفو.. علاش دابا بدا العداب..dodi elaissati
0 Commentaires