الجزء 25
بقيت فايقة الليل كامل .. كنفكر فحل لهادشي .. خديجة عندها الحق .. وليد ممكن يقتلها الا ساق الخبار .. كلشي على داك الويل الخاين الاستغلالي لاخور.. الرجال غا كياخدو داكشي اللي بغاو ديك الساعة مكايعقلوش عليك .. الزمان كيداير.. نعست وانا كنفكر واش ليد كيفكر فيا بنفس الطريقة.. واش بالصح كيحس شي حاجة من جيهتي ولا غا كنبان ليه وسيلة للشهوة وصاف .. غنحماق.. واش غاندير الحل الوحيد اللي عندي نقنع داك الزمر يجي يتزوجها باي طريقة.. نعست فصراع مع عقلي .. صبحت على الغوات .. نضت بسرعة .. لقيت البنات كيغوتو حيت خديجة مكتحركش .. اويلي اش دارت فراسها اتصلت بسرعة بالاسعاف .. جاو وهزوها دخلتها للعمليات حيت كانت كتنزف .. للاسف وقع ليها اجهاض .. ودرنا ليها غسيل للمعدة حيت شربات شي عشوب باش تطيح الولد.. مقدرت نقول والو.. وصيت كلشي ميقولو والو.. قلت للحاجة ولوليد باللي وقعليها تسمم وباللي خاص يردو بالهم على راسهم.. تيقوني .. مللي دخلت عند خديجة :
- علاش درتي هاكا
كتبكي: معنديش حل اخور .. كمال مغيتزوجش بيا ..
- ومللي عارفة باللي مغيتزوجش بيك علاش عطيتيه راسك من الاول
- هدى.. انا كنموت متكمليش عليا .. ندمت .. والندم كيكفي
خليتها ترتاح.. اكيد تكون ندمات .. ماشي ساهل هادشي اللي داز عليها .. ولكن انا كنتحمل جزء من المسؤولية ..
الجزء 26
خديجة ولات مزيانة ورجعات للدار .. غتعيش بعداب الضمير.، ولكن هادي ماشي نهاية العالم .. انا غنحاول نواكبها نفسيا ونخليها تتجاوز هاد المرحلة.. رجعت لخدمتي .. فلحظة لقيت حفيظة جات وبديت نتهاود معاها ..
- فاش كتفكري يا دكتورة ..
- والو.. قوليلي.. واش التفكير ديال الرجال كلشي بحال بحال.. ولا كل واحد وكيفاش ..
- امم .. شكون شافهم ..
- دابا وليد ممكن يكون بحال لوخرين باغي غا حاجته
- شكون وليد؟
- نساي .. قوليلي واش ممكن الطبيبة ترتابط بشي راجل ماشي طبيب
- اه مهندس.. بوليسي .. ماشي ضروري طبيب
- لا ماشي طبيب وماشي مهندس وماشي بوليسي.. شي حاجة اخرى
- بحالاش..
- تاجر ديال الثوب
- عمري شفتها..
- وشنو فيها
- هدى بانليا فيك تزعطي .. وليتي كتهضري غا على وليد..
- انا!! لا لا عادي
- سولي كلشي غايقولهالك .. ياكما كتبغيه
- كنبغيه.. لا لا اش هاد الهضرا .. وايلي
- ومالك ارتبكتي .. ياكما قلنالك شي حاجة اللي توشاتك ههههه
- حفيظة بدلي الموضوع .. مالك وليتي هاكا اووف
بقيت كنفكر واش انا فعلا كنهضر بلا منحس على وليد .. غريب ..
تأليف دودي : ...
داز نهاري عادي مشيت للدار .. كليت ودوشت ورتاحيت .. فالعشا جلسنا على الطابلة .. وليد كانت نظراتو ليا .. الشيء اللي خلا كلشي يلاحظها حتى مو .. ماشي هادا هو ولدها اللي كتعرف.. كتشوف ضعفو معايا مخوفها.. انا حاولت نتجنب هضرتي معايا وشوفاتي فيه .. اصلا فكرت فشنو عاوداتلي خديجة وكاع داك الحب صدق كلشي كدوب ..ميكت عليه.. خفت لا نعيقو .. ونصدق مفروشة.. فين غايوصل هادشي منعرف.. نضنا من العشا وطلبت من سليمة نهضرو مشينا لبيتها ..
- حبيبة مالكي ديما منطوية على نفسك .. نقدر نعاونك فشي حاجة
- خايفة .. انا خايفة من كلشي ..
-علاش احبيبة..
- منعرف.. كنحس بحال الى غتوقع شي حاجة خايبة.. خايفة
- مغيوقع والو احبيبة ..
عنقتها وحسيتها كترعد .... سليمة فيها شي حاجة ومعارفينهاش .. ضروري تمشي لعند طبيب نفساني.. ضروري ..
0 Commentaires