الحزء 24
تقريبا كلشي كان هو هاداك القراية دالبنات والعزف والتصاميم ديال ابتسام والطبخ ديال مريم والقراية ديال فرح.. وجمال لبنى .. كان خاصني نتقرب من سليمة وفاطمة الزهراء .. كانو معقدات ومنطويات على نفسهم بزاف.. كانو محتاجات دعم نفسي .. اكيد عندهم شي حاجة فالماضي اللي كتضرهم.. مازال كنخمم حتى لقيت خديجة كتجري للطوليت وكتقيا .. كلشي لحق عليها .. وكيقوليها مالك .. قالتليهم والو غا البرد.. انا بوحدي اللي شكيت.. لا هادا ماشي برد.. مشات تكات مشيت عندها..
- خديجة نوضي نشوف مالك..
- خليني ننعس مافيا والو..
- نوضي باراكة من العكز.. قوليلي باش كتحسي ..
- كنحس المعدة ديالي كتحرق .. وفيا الردان ..
- اووف ..
مشيت جبت ابرة وخديت ليها شوية الدم من يدها .. انا طبيبة ودازو عليا حالات بحال هادو بزاف .. ولكن ميمكنش تكون خديجة منهم لا .. لا مجال للمقارنة
مشيت دغيا للمختبر وقدمت ليهم الدم على اساس يديرو تحليل شامل ليه .. الصدمة كانت كبيرة مللي قالولي راه مولات الدم حاملة .. لا مستحيل .. واش .. فوقاش .. اكيد غلطو ..
مشيت عندها شديتها بوحدها والدموع فعينيا..
- خديجة نتي حاملة؟!!
- سكتي سكتي تسمعك ماما .. بدات كتسدلي فمي بيديها
- كيدرتيليها وفوقاش وشكون باه ؟
- مللي خرجت معاك.. مشيت مع ولد عمي.. كنا متافقين ..و
بديت نندب فحناكي.. اويلي خرجتي مرة فحياتك جبتي الحرام... وانا السبب اش غنقول لوليد امن عليك معايا ودار فيا الثقة.. انا السبب.. وكان عندهم الحق مللي سدو عليك .. فين ساكن هاد ولد عمك.. خاص يتزوجك.. ضروري وريلي فاين نلقاه نمشي نهضر معاه
بقات كتبكي ووراتلي فاين خدام هاد خينة .. مشيت دغيا ليه..
- بغيت نهضر معاك
- تفضلي الزوينة ..
شديت اعصابي .. خديجة حاملة!!
ولا صفر وقال: شكون خديجة
- خديجة بنت عمك اللي كان خاص تحميها بدل ما تستغلها .. فوقاش غتجي تخطبها؟ انا غنقنع وليد يوافق
- انا ماشي ديال الزواج.. وانا ماستغليت حد تمشي تشوف معامن دارت فضيحتها .. تجي تلصقها فيا انا
- مامستغرباش .. ولكن الحق فيها هي اللي تاقت فيك .. اللي تفرط فراسها تستاهل
- سيري خرجي عليا ومنعاودش نشوفك
- حمار..
نضت ومشيت راسي غينفاجر.. انا المسؤولة اش غندير دابا .. مشيت عندها وعاودتليها اش قالي كمال.. بدات تنتف فشعرها متيقاتش ان هادا هو حب حياتها.. بدات تبكي وهدنتها.. قلتليها غنقولو لوليد يتصرف .. معندنا حل .. وانا غنحميك .. فضلات تموت على ان وليد يسيق الخبار .. طلبتها تنعس ويكون خير
0 Commentaires