الجزء16
-يعني كنتي عارف غانحاول نقتلك ..كنتي عارف الماكلة فيها السم وكليتيها
-كليتها ..ولكن مكنتش غنموت خيت داير احتياطاتي ..شربت قبل مضاد للسموم ..
-كنتي من اللول عارف كلشي عارف حقيقتي وبقيتي كتلعب بيا وكتضحك عليا ..علاش مقلتيليش الحقيقة ...باش غنتيقك دابا انا
-تماما كما كان عماد كيعاودلي ..نتي نية وطيبة بزاف ..داكشي علاش جاو عندك ..ولكن هما ماشي اذكى مني ومغيقدروش يتخلصو مني بسهولة كما دارو مع عماد ..انا غنوقف ليهم فالحلق ونننتاقم منهم ..خطة زوينة منهم انه اختاروك نتي ولكن معامن طاحو ..غندمهم كنواعدك
-انا ماشي نية ..نتوما اللي ذياب ..بعدو مني اش بغيتو عندي ..مشيت كنجري وكنبكي ..عماد علاش خليتيني مع هاد الناس ..علاش مشيتي وخليتيني فهاد العالم الحقير انا عييت عييت ...
دوزت حالة سيئة بزاف كنت كنمشي نظل نبكي حدا قبر عماد ...نبكي حتى ينشفو عيوني ..دوزت ايام سودا بزاف ..حتى واحد نهار جا عندي هشام ودق عليا مللي فتحت كانت حالتي حالة عينين منفوخين وتحت العينين اسود وحوايج مبهدلة ..هو تصدم مللي شافني كان هاز بوكي ورد احمر وزوين ..رفع حاجب وقالي..
-فين هي ريم ..عيطيلها ..واش نتي الخدامة الجديدة ديالها ؟؟
-انا تصدمت وسديت الباب دغيا مشيت شفت فالمرايا ناري اش هاد الحالة شكون هادي عندو الحق ميعرفنيش ...مشيت بسرعة بدلت حوايجي وجمعت شعري ..وغسلت وجهي وخرجت حليت الباب دغيا ..لقيتو كيستنا والضحكة فوجهه باينة كان كيضحك على حالتي ...
-دخل
-مرحبا بيا هاكي شدي هاد البوكي ..بدا كيشم فيه وكيقولي ..ريحة زوينة فيه عجبني
الله يا ربي اش هاد الحمق اللي طحت فيه ..قبل كان رومانسي ودابا زاد حتى الخفة والضحك
قلتلو لاش جاي ..باغي تحبسني حيت حاولت نقتلك
-ماتخافيش انا سبيتها فديك المافيا حيت شحال وهما يحاولو يديروها ..واش كاين شي حد يلوح مرتو فالحبس ..احم احم ..شريبة دالما احمباك
ابتسمت ..هكاك نبغيك ضحكي وخرجي شوية من الجو دالكآبة اللي راكي فيه نتي مازال صغيرة وشابة وزوينة ..وانا نغوبش فوجهه ..احم احم هاهو جاي ..مشا وخلاني نضحك على هاد الفعايل ديالو ..شحال هادي مخلاني شي حد نبتاسم ولا نضحك الا هو ..على الاقل مبقيتش حاسة من جيهتو بالذنب حيت هو ماشي اللي قتل عماد وواعدني يشدلي حقي ..
0 Commentaires